Vajna11

CNN apublikavała ekskluziŭnyja kadry ataki SBU na Krymski most u lipieni

Ataka była ździejśnienaja 17 lipienia, u vyniku častka mosta była vyviedzienaja z ładu, praz što prapusknaja zdolnaść jaho aŭtamabilnaj častki adčuvalna skaraciłasia.

Skrynšot videa CNN

Słužba biaśpieki Ukrainy (SBU) pieradała amierykanskaj telekampanii CNN videazapis, na jakim pakazany momant udaru ekśpierymientalnaha ŭkrainskaha nadvodnaha drona pa apory mosta, jaki złučaje Rasiju z anieksavanym Krymskim paŭvostravam, piša Bi-bi-si.

Ataka była ździejśnienaja 17 lipienia, u vyniku častka mosta była vyviedzienaja z ładu, praz što prapusknaja zdolnaść jaho aŭtamabilnaj častki adčuvalna skaraciłasia.

Choć infarmavanyja krynicy SBU nieaficyjna paviedamlali ab dačynieńni ŭkrainskaj śpiecsłužby da hetaha ŭdaru, da hetaha času na aficyjnym uzroŭni Kijeŭ hetaha nie pryznavaŭ.

Kiraŭnik SBU Vasil Maluk u intervju CNN raspavioŭ, što dron, jaki vykarystoŭvaŭsia dla ŭdaru pa moście — jaho nazvali Sea Baby («Marski mały»), — staŭ vynikam šmatmiesiačnych raspracovak, jakija pačalisia adrazu ž paśla rasijskaha ŭvarvańnia va Ukrainu.

Słužba dała telekampanii zapis z ekrana apieratara marskoha drona, na jakoj bačnyja apošnija siekundy pierad tym, jak načynieny 850 kh vybuchoŭki katar urazajecca ŭ žalezabietonnuju aporu mosta.

Na dvuch druhich videazapisach, pieradadzienych krynicami SBU, utrymlivajucca kadry, źniatyja kamierami vonkavaha nazirańnia, na jakich vidać, jak katar atakuje aŭtamabilnuju častku mosta, paśla čaho, prykładna praź piać chvilin, inšy dron vybuchaje kala čyhunačnaha pralota, nabliziŭšysia da jaho z procilehłaha boku.

«Marskija nadvodnyja drony — heta ŭnikalnaje vynachodnictva Słužby biaśpieki Ukrainy, — kaža Maluk u intervju telekampanii. — Nivodnaja pryvatnaja firma nie była ŭ heta ŭciahnutaja. Pry dapamozie hetych dronaŭ my niadaŭna nanieśli paśpiachovy ŭdar pa Krymskim moście, ździejśnili bujnuju ataku na «Aleniahorski harniak» i na tankier «Sih».

Kiraŭnik SBU taksama pryznaŭ adkaznaść svajoj słužby za pieršuju ataku na Kierčanski most, ździejśnienuju 8 kastryčnika minułaha hoda, adnak nie staŭ pryvodzić jakich-niebudź padrabiaznaściaŭ. Sapraŭdnyja abstaviny taho vybuchu, jaki, pavodle viersii rasijskaha śledstva, byŭ vyklikany načynienym vybuchoŭkaj hruzavikom, zastajucca dahetul niajasnymi.

Kamientary1

  • Žyvie Biełaruċ!
    16.08.2023
    Słava Ukrainie!

Ciapier čytajuć

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia38

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia

Usie naviny →
Usie naviny

Cichanoŭskaja pra prapahandyscki film BT: My nikoli nie budziem ryzykavać ludźmi25

Muž hałoŭnaj hieraini prapahandysckaha filma BT skončyŭ žyćcio samahubstvam31

U Minskaj vobłaści — vybuch atručvańniaŭ surahatnym ałkaholem. U hetym hodzie ŭžo 4 čałavieki zahinuli ad jaho1

ChatGPT adkryŭ funkcyju Deep Research dla karystalnikaŭ z samaj tannaj padpiskaj. Voś jak jana pracuje i što moža3

Pucin nazvaŭ umovu, kali Rasija nie budzie pretendavać na Adesu i inšyja ŭkrainskija harady30

Na BT zrabili film pra toje, jak biełarusy ledź vyžyvajuć u Jeŭropie. Kab zapisać videa, hierojaŭ žorstka padmanuli47

Prakapienia pradaŭ kryptabiržu Currency ź biełaruskimi karaniami inviestaram3

Alaksiej Protas ustanaviŭ biełaruski rekord pa bałach u NCHŁ

Zialenski: Pucin adkinuŭ prapanovu spynieńnia ahniu i atakavaŭ cyvilnuju infrastrukturu6

bolš čytanych navin
bolš łajkanych navin

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia38

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia

Hałoŭnaje
Usie naviny →

Zaŭvaha:

 

 

 

 

Zakryć Paviedamić