Usiaho patrochu33

Miadźviedź naviedaŭsia ŭ elitny katedžny pasiołak pad Minskam

Bujnoha miadźviedzia sustreli žychara katedžnaha pasiołka Marjaliva, jaki znachodzicca za 10 kiłamietraŭ ad Minska. Čytačy vydańnia Sputnik źniali na videa sustreču sa źvieram, jaki spakojna špacyravaŭ pa vulicy Centralnaj hetaha pasiołka.

Skrynšot ź videa

Jak vynikaje ź videa, žychary pasiołka sprabavali pahutaryć ź miadźviedziem, kryčali jamu «Miša! Miša!», ale jon navat nie paviarnuŭsia i pavolna pajšoŭ mima kałodzieža pa svaich spravach. 

Hetym samym, darečy, žychary katedžnaha pasiołka hruba parušajuć praviły, jakich treba trymacca pry sustrečy ź niebiaśpiečnym dzikim źvieram. Jaho ni ŭ jakim razie nielha čapać, pakolki navat całkam dobrazyčlivyja dziejańni i słovy, skiravanyja da siabie, miadźviedź moža ŭspryniać jak pahrozu i adpaviedna adreahavać. 

Hety vypadak — nie pieršy za hetaje leta ŭ Biełarusi, kali miadźviedzi prychodziać da samaha žylla čałavieka, u tym liku i ŭ blizkich vakolicach dvuchmiljonnaj stalicy.

Pa danych NAN Biełarusi, ciapier Biełarusi žyvie kala 600-700 miadźviedziaŭ, ź ich kala 450 — u Viciebskaj vobłaści. Ich kolkaść za apošni čas pavialičyłasia, i navukoŭcy miarkujuć, što heta adbyłosia nie tolki z-za mihracyjnaj płyni z susiedniaj Rasii.

«U apošnija hady my bačym, što rost kolkaści papulacyi idzie nie tolki za košt mihracyi. Našy biełaruskija miadźviedzi pačali intensiŭna razmnažacca. Z čym heta źviazana, my pakul nie viedajem»,

— raskazaŭ Sputnik navukovy supracoŭnik NPC pa bijaresursach Nacyjanalnaj akademii navuk Biełarusi Pavieł Vielihuraŭ. Pavodle jaho, navukoŭcam jašče tolki treba vyśvietlić pryčyny pavieličeńnia abaryhiennaj papulacyi biełaruskich miadźviedziaŭ.

Navukoŭcy pry hetym vystupajuć suprać vyklučeńnia miadźviedzia z Čyrvonaj knihi Biełarusi i dazvołu palavańnia na jaho, ź imi salidarnaje i Minpryrody. Ich rašučy i pierakanany apanient — ciapierašni kiraŭnik Biełaruskaha tavarystva palaŭničych i rybałovaŭ, były ministr unutranych spraŭ Ihar Šunievič, jakoha siarod inšaha pužaje rozum miadźviedzia.

«Heta źvier niebiaśpiečny, razumny, padstupny i čałavieka ŭsprymaje jak abjekt ježy», — pierakanany Šunievič, zaklikajučy adnosna jaho «pryniać razumnaje i ŭzvažanaje rašeńnie». 

Čytajcie taksama:

Miadźviedzia sustreli ŭ Baraŭlanach, za 100 mietraŭ ad žyłych damoŭ

Jak pavodzić siabie pry sustrečy ź dzikimi žyviołami — rajać śpiecyjalist i byvały palaŭničy

Miadźviedź, jakoha raniej bačyli pad Minskam, uziaŭsia hramić pčalniki

Kamientary3

  • busieł
    21.08.2023
    «U apošnija hady my bačym, što rost kolkaści papulacyi idzie nie tolki za košt mihracyi [z rasiei]. Našy biełaruskija miadźviedzi pačali intensiŭna razmnažacca. Z čym heta źviazana, my pakul nie viedajem»

    byccam nie pra ŭłasna miadźviedziej čytaješ, a pra "miadźviedziej" - istinno russkich
  • Dzimtro paśla 100 hramm
    21.08.2023
    Amierykanskije łaboratorii. Śpiecialno kłonirovannyje hienietičeski modificirovannyje miedviedi, kotoryje jediat tolki russkich.
  • Žvir
    22.08.2023
    A heta nie kienhuru časam budzie ? Vielmi padobna da kienhuru...

Ciapier čytajuć

Muž hałoŭnaj hieraini prapahandysckaha filma BT skončyŭ žyćcio samahubstvam17

Muž hałoŭnaj hieraini prapahandysckaha filma BT skončyŭ žyćcio samahubstvam

Usie naviny →
Usie naviny

U «Minsk-Śviecie» znoŭ patop: vada ljecca z bałkonaŭ i zataplaje padjezdy5

Stvaryć ułasny sajt dla biznesu abo błohu našmat praściej i tańniej, čym vy dumajecie1

Biełaruskaja padsankcyjnaja kampanija zakuplaje abstalavańnie ŭ ZŠA5

Tramp daručyŭ pierahledzieć sankcyjnuju palityku ZŠA

Pucin i Tramp havaryli praz telefon amal 2,5 hadziny16

Instahram Volhi Karač i supołku bresckich taksistaŭ dadali da śpisu «ekstremisckich materyjałaŭ»2

U Polščy źnik biełarus. Jon nie vychodzić na suviaź ź siamjoj i nie źjaŭlajecca na pracy4

«Puł pieršaha» adkazaŭ Ukrainie na «tarakana» 9

«Jon u siejfie ŭ biaśpiecy». Ci ŭdałosia za hod pradać skandalny hadzińnik Franaka Viačorki?14

bolš čytanych navin
bolš łajkanych navin

Muž hałoŭnaj hieraini prapahandysckaha filma BT skončyŭ žyćcio samahubstvam17

Muž hałoŭnaj hieraini prapahandysckaha filma BT skončyŭ žyćcio samahubstvam

Hałoŭnaje
Usie naviny →

Zaŭvaha:

 

 

 

 

Zakryć Paviedamić