Hramadstva22

Łatuška: U Biełarusi — reakcyja i masavy teror

«Nacyjanalnaja śviadomaść — heta našaja zbroja i naš ščyt», — zajaviŭ namieśnik kiraŭnika Abjadnanaha pierachodnaha kabinieta, kiraŭnik Narodnaha antykryzisnaha ŭpraŭleńnia Pavieł Łatuška 24 sakavika ŭ Varšavie na akcyi da 106-j hadaviny abviaščeńnia niezaležnaści Biełaruskaj Narodnaj Respubliki, piša «Pozirk».

Pavieł Łatuška. Fota: NAU

«Heta toje, dziakujučy čamu my, biełarusy, adnosna nievialikaja pa kolkaści nacyja, paraŭnoŭvajučy z uschodniaj impieryjaj, pa susiedstvu ź jakoj nam «paščaściła» isnavać, — zdoleła zachavacca, zdoleła vyžyć, niahledziačy na stahodździ rasijska-impierskaj i rasijska-savieckaj akupacyi. Niahledziačy na hvałtoŭnuju rusifikacyju, niahledziačy na teror, niahledziačy ni na što», — dadaŭ jon.

Łatuška ŭzhadaŭ padziei 1917—18 hadoŭ, balšavicki teror, stalinskija represii i «dziesiacihodździ SSSR».

«Praŭda pra Kurapaty, pieršy Čarnobylski šlach, nacyjanalny ŭzdym i ruch kanca 80-ch — pačatku 90-ch, abviaščeńnie Respubliki Biełaruś. I tak, na žal, prychod da ŭłady Łukašenki pry padtrymcy, znoŭ ža, Rasii. Źbićcio deputataŭ Viarchoŭnaha Savieta, haniebnyje refierendumy, zabojstvy palityčnych apanientaŭ, intehracyja z Rasijaj, utvareńnie Sajuznaj dziaržavy. Ale supraciŭ biełarusaŭ praciahvaŭsia», — skazaŭ eks-dypłamat.

Jon nahadaŭ pra pratesty 2006, 2010, 2017 hadoŭ, «revalucyjnyja padziei 2020 hoda, jakija, nasupierak isnavaŭšym na toj momant dumkam pra druhasnaść nacyjanalnaha składniku pratestu, prachodzili pad nacyjanalnym bieł-čyrvona-biełym ściaham».

Siońnia, padkreśliŭ palityk, u Biełarusi adbyvajecca «reakcyja i masavy teror».

«Majem tysiačy palitviaźniaŭ. Majem bolš za 136 tys. achviar złačynstvaŭ režymu Łukašenki suprać čałaviečnaści. Majem vajnu suprać Ukrainy, u jakoj režym Łukašenki ŭdzielničaje na baku Rasii suprać voli biełaruskaha naroda. Majem novuju pahrozu niezaležnaści i samomu isnavańniu našaj dziaržaŭnaści z boku Rasii praź dziejnaść prakramloŭskaha łukašenkaŭskaha režymu», — pieraličyŭ Łatuška.

«Našaja kraina i našaja nacyja bačyli bieźlič składanych časoŭ. Ale ž my žyviem», — dadaŭ kiraŭnik NAU.

Kamientary2

  • čuvstvujtie buduŝieje
    25.03.2024
    Vsie budut rieabilitirovany, takžie było pośle razvała SSSR.
  • Vitiek
    16.04.2024
    Vot chorošo kohda u vrahov takije druźja. ( diebiły).

Ciapier čytajuć

ZŠA i Rasija zrabili zajavy paśla razmovy Trampa i Pucina

ZŠA i Rasija zrabili zajavy paśla razmovy Trampa i Pucina

Usie naviny →
Usie naviny

Eks-adnakłubnik biełarusa z Makiedonii zahinuŭ, kali ratavaŭ ludziej z pažaru načnoha kłuba, dzie zahinuli 59 čałaviek

Što ŭkazvaje na vysokuju ryzyku suicydu ŭ čałavieka, jaki pra heta kaža? Adkazvaje psichijatr4

Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča13

Śpis mierapryjemstvaŭ da Dnia Voli na vyhnańni3

Pierasiakać miažu Biełarusi z Łatvijaj možna budzie tolki aŭtatranspartam

Tramp pryznaŭsia, što sprečka ź Zialenskim u Biełym domie była častkaj cisku na Ukrainu13

Nastaŭnica raskazała, jak piedahohi vymušany spravazdačycca za pajezdki za miažu6

Izrail adnaviŭ udary pa abjektach CHAMAS u siektary Haza2

Tramp zajaviŭ, što «mnohija elemienty» mirnaha pahadnieńnia ŭžo ŭzhodnienyja3

bolš čytanych navin
bolš łajkanych navin

ZŠA i Rasija zrabili zajavy paśla razmovy Trampa i Pucina

ZŠA i Rasija zrabili zajavy paśla razmovy Trampa i Pucina

Hałoŭnaje
Usie naviny →

Zaŭvaha:

 

 

 

 

Zakryć Paviedamić