Vajna22

U Kramli ličać, što bai ŭ Kurskaj vobłaści praciahnucca niekalki miesiacaŭ

Prapahanda sprabuje padrychtavać rasiejcaŭ da novaj realnaści. Adrazu paśla pačatku apieracyi USU ŭ Kurskaj vobłaści rasijskija elity «byli šakavanyja», piša «Mieduza» sa spasyłkaj na krynicy, blizkija da Administracyi prezidenta Rasii i kiraŭnictva ŭrada. Za dva tydni «šok prajšoŭ, adbyłosia pryvykańnie».

Rasijski tank u Sudžy. Ilustracyjnaje fota: AP Photo

Kab supakoić ludziej, Kreml z dapamohaj prapahandy sprabuje padrychtavać rasiejcaŭ da žyćcia va ŭmovach «novaj realnaści» i «novaj narmalnaści» (hetyja terminy prapahandysty ŭžo vykarystoŭvali padčas pandemii i ŭ samym pačatku vajny z Ukrainaj).

Składniki hetaj «novaj realnaści», pa zadumcy Kramla, takija:

  • vorah sapraŭdy prarvaŭsia na rasijskuju terytoryju;
  • jaho čakaje nieminučaje paražeńnie;
  • ale viartańnie terytoryj zojmie čas, rasiejcam treba pačakać.

U hety čas žycharam prapanujecca «nakiravać niehatyŭ i šok u pazityŭnaje rečyšča» — a mienavita paŭdzielničać u zbory dapamohi dla Kurskaj vobłaści. Administracyja Pucina ŭžo «rekamiendavała» zaniacca hetym i ŭładam rehijonaŭ.

Jašče adno adroźnieńnie «novaj narmalnaści» ad papiaredniaj — na vybarach hubiernatara Kurskaj vobłaści (ciapier rehijonam kiruje časova vykonvajučy abaviazki kiraŭnika Alaksiej Śmirnoŭ) uviali daterminovaje hałasavańnie z 28 žniŭnia, asnoŭnaje projdzie ŭ pačatku vieraśnia. 

U cełym ža ŭsie apytanyja «Mieduzaj» čynoŭniki ŭpeŭnienyja, što bai ŭ Kurskaj vobłaści mohuć praciahnucca niekalki miesiacaŭ. Blizki da ŭrada surazmoŭca ŭdakładniaje: hetaja acenka «dosyć aptymistyčnaja — kali ŭsio atrymajecca».

Raniej z padobnym prahnozam vystupiŭ i kamandzir bataljona «Achmat» Apci Ałaŭdzinaŭ. Jon zajaviŭ, što rasijskija vojski viernuć terytoryi praz dva-try miesiacy-pry hetym tady ž nibyta moža skončycca i vajna ŭ cełym.

Krynicy «Mieduzy» śćviardžajuć, što adrazu paśla pačatku apieracyi ŭ Kramli abmiarkoŭvałasia mahčymaść praviadzieńnia novaj chvali mabilizacyi. Pra heta ž raniej kazali i krynicy Bloomberg. Ź ich infarmacyi, praź niedachop reziervaŭ novuju mabilizacyju ŭ Rasii mohuć abviaścić da kanca 2024 hoda.

Zrešty, blizki da ŭrada surazmoŭca zapeŭnivaje, što Kabiniet ministraŭ, a taksama blizkija da dziaržavy biznesmieny vystupajuć rezka suprać mabilizacyi. «Heta vybje z ekanomiki apošnija pracoŭnyja resursy. Pracavać užo niama kamu. A tut adnych zabiaruć, inšyja pačnuć nykacca», — tłumačyć jon.

Kamientary2

  • ja
    21.08.2024
    "Adrazu paśla pačatku apieracyi USU ŭ Kurskaj vobłaści rasijskija elity «byli šakavanyja. Za dva tydni «šok prajšoŭ, adbyłosia pryvykańnie»"

    Vot tak žie i privyknitie, čto Krym nie vaš. A potom možno i o Smolenskie pohovoriť.
  • Kramloŭskaje chu-ło ono i ŭ Kursku chu-ło
    21.08.2024
    Achacha, u jakaści kampiensacyi pucin svaim rabam padaryŭ daterminovyja vybary hubiernatara 🤣😂
    A jašče pucinskija aliharchi płačucca što niama kamu pracavać na rasii, bo vańki pajšli ŭdabrać čarnaziom

Ciapier čytajuć

Jak vyhladaje znutry rezidencyja Łukašenki «Krasnasielskaje»13

Jak vyhladaje znutry rezidencyja Łukašenki «Krasnasielskaje»

Usie naviny →
Usie naviny

«Nie pojdzie na karyść prusaku». MZS Ukrainy adreahavaŭ na słovy Łukašenki pra Zialenskaha20

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu15

Ź jakoha ŭzrostu pačynajucca pieršyja zboi ŭ pracy mozhu i jak ich zapavolić? Vučonyja dali adkaz1

Ukraina praviała paśpiachovaje vyprabavańnie svajoj novaj rakiety «Doŭhi Nieptun»2

Marzaluk pra adnosiny z žonkaj: Chadžu na zadnich łapach11

Mierkiel: Tramp začaravany pucinskaj Rasijaj11

Zahinuŭ 22-hadovy biełarus Alaksandr «Łyč» Sierada, jaki vajavaŭ za Ukrainu22

Klimat Biełarusi stanovicca ciaplejšym chutčej, čym u bolšaści krain śvietu8

Bujnomu dyśpietčaru taksi zabaranili pracu ŭ Biełarusi4

bolš čytanych navin
bolš łajkanych navin

Jak vyhladaje znutry rezidencyja Łukašenki «Krasnasielskaje»13

Jak vyhladaje znutry rezidencyja Łukašenki «Krasnasielskaje»

Hałoŭnaje
Usie naviny →

Zaŭvaha:

 

 

 

 

Zakryć Paviedamić