Ekanomika1212

Biełaruskija banki ŭdała śpiekulujuć na dysparytecie stavak z Rasijaj. Rasijanie nam dvojčy prypłačvajuć

Biełaruski bankaŭski siektar pakazvaje rekordnyja prybytki pa vynikach 2024 hoda. Adnačasova adšturchnulisia ad nula staŭki pa valutnych depazitach. Biznes zajzdrościć pośpiecham bankiraŭ, ale chvalujecca ab roście stavak pa kredytach i abrysach kryzisu likvidnaści. 

Biełaruskija banki dali spravazdaču ab rekordnych pośpiechach pa vynikach minułaha hoda. U spravazdačnaści pa stanie 1 śniežnia 2024 bankaŭskaja śfiera atrymała prybytak pamieram 3,42 miljarda rubloŭ. Resurs banki24.by prahnazuje vynik 3,7 miljarda rubloŭ pa vynikach hodu, što na 800 miljonaŭ bolš za vyniki 2023 hoda. 

Rost prybytkaŭ, biezumoŭna, zaležyć ad sukupnaści roznych faktaraŭ. Ale surazmoŭcy «Našaj Nivy» z bankaŭskich kołach źviartajuć uvahu na adnu ź nievidavočnych pryčyn finansavaj paśpiachovaści. Biełaruskija kamiersanty adnačasova padkreślivajuć svaje aściarohi adnosna ŭpłyvu hetaha sakretu na rost stavak pa kredytach, jakija apieradžajuć naturalny rost i ŭpłyvajuć na finansavyja madeli.

Sutnaść u tym, kažuć bankiry, što biełaruskija banki ŭ 2024-m zachapilisia kredytavańniem nierezidentaŭ pad harantyi rasijskich bankaŭ.

Pryčynaj staŭ dysparytet stavak u Biełarusi i Rasii. U Rasii rasła klučavaja staŭka, adbyłosia niekalki padjomaŭ z 16% da 21%. U Biełarusi staŭka refinansavańnia — 9,5%. U nas hrošy tańniejšyja, a ŭ Rasii ich cana ŭźlacieła. 

Staŭki pa kredytach dla biznesu ŭ Rasii dachodziać da 30% hadavych. U Biełarusi hrošy možna ŭziać pad 19%. 

Što stali rabić u takoj situacyi rasijanie? Rasijskaja kampanija adkryvała rachunak u biełaruskim banku, a ŭ rasijskim banku zapytvała bankaŭskuju harantyju dla atrymańnia kredytu ŭ Biełarusi. Zvyčajny taryf na takuju pasłuhu — heta 2%. Ale i ź im vynikovaja staŭka vychodzić mienšaj, čym u Rasii.

Pad hetuju harantyju biełaruskija banki pahadžajucca vydavać kredyt nierezidentu na biełaruski rachunak, ź jakoha rasijanie apłačvajuć svaje kantrakty — albo impartnyja, kali heta zachodniaja valuta, albo rasijskija, kali heta rasijski rubiel.

«Składvajecca paradaksalnaja situacyja. Biełaruskaja ekanomika — pa sutnaści, parazit pry rasijskaj — pačynaje kredytavać svajho kredytora. Łukašenka vyprošvaje hrošy ŭ Pucina, a kali jany traplajuć u bankaŭskuju sistemu Biełarusi, to viartajucca ŭ Rasiju, kab tam abiarnucca i viarnucca ŭ Biełaruś z bankaŭskaj maržoj. Umoŭny pucinski miljard, takim čynam pa rynkavych taryfach pryraście za hod na 20%», — razvažaje adzin z našych surazmoŭcaŭ. 

U pryhožaj finansavaj śpiekulacyi jość minusy, niepaźbiežnyja pry vialikaj sinchranizacyi dvuch sistem: staŭki pa kredytach, navat pry zastyłaj staŭcy refinansavańnia ŭ Biełarusi, pakazvajuć tendencyju da rostu.

«U Biełarusi kredytnyja staŭki i dla biełaruskich kampanij, i dla fizičnych asob buduć raści tempami, vyšejšymi za naturalnyja. I navat antynaturalnymi — što ciapier i adbyvajecca. Hrošy stanoviacca daražejšymi, ich častka ŭ sabiekošcie biełaruskich tavaraŭ raście, raście sam sabiekošt i, adpaviedna, ceny na pradukcyju. Biełaruskaj ekanomicy stanuć ułaścivy chvaroby rasijskaj, jakimi my da taho nie zaražalisia. Razam z hetym, praŭda, vyjhrajuć układčyki valutnych depazitaŭ, pa jakich taksama rastuć staŭki — razdaŭšy hrošy i adčuvajučy dalejšy popyt, banki sprabujuć znajści ich na rynku. Ale kožny pracent nienaturalnaha rostu staŭki pa valutnym kredycie ŭnutry Biełarusi — heta pracent źjedzienaj rentabielnaści, jaki, kali jon važny dla pracazdolnaści finansavaj madeli, my pierakładziem na spažyŭca», — dadaŭ minski biźniesmien, jaki aktyŭna karystajecca valutnymi kredytami. 

Abjomy kredytaŭ, vydadzienych biełaruskimi bankami nierezidentam, składana acanić biez dostupu da spravazdačnaści Nacbanka. 

Kamientary12

  • Piotr Piatrovič
    03.01.2025
    U Novy hod - sa staraj pieśniaj. Vy ŭvohule razumiejecie, što takoje staŭka refinansavańnia ŭ Biełarusi? Nichto pad jaje nie kredytuje, alo! Heta vykarystoŭvajecca vyklučna dla subsidavanych kredytaŭ "svaim" pradpryjemstvam.
    I dzie možna atrymać harantyju ŭ 2% pad kredyt navat chaj i ŭ 10%? Takoje ekanamična niemahčyma, kab bank za kapjo braŭ na siabie ryzyki sucelnaj niaspłaty, a niejki biełaruski bančok chalaŭna rubiŭ babłosik. Nu vyvučycie vy ŭžo matčastku narešcie!
  • %% rost
    03.01.2025
    Bylo 0.01%, a stala 1.5% - maximum 2%. Tak shto rost % pa depazitach yosc.
  • Nam
    03.01.2025
    ...

Ciapier čytajuć

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»12

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»

Usie naviny →
Usie naviny

U źlitaj razmovie siłaviki raskazali, jak šukajuć ludziej pa bazie z SIM-kartami5

Brend taksi Maxim patłumačyŭ, što značyć vyklučeńnie jahonaha dyśpietčara z rejestra

U Minsku 500 paviljonaŭ na prypynkach hramadskaha transpartu pamianiajuć na novyja3

«Vydatnyja naviny», «krutoje rašeńnie». Hrafač i Marharyta Simańjan u zachapleńni ad mahčymaha zakryćcia «Svabody»15

«Usio skončana». Ukrainskija vajskoŭcy raskazali pra adstupleńnie z Kurskaj vobłaści8

Na adnym z samalotaŭ «Biełavija» adklučyłasia sistema papiaredžańnia sutyknieńniaŭ u pavietry

Japonca Nakanisi Masatosi asudzili ŭ Biełarusi da 7 hod kałonii 3

ZŠA prypyniaje finansavańnie «Radyjo Svaboda» i telekanału «Nastojaŝieje vriemia» z 1 krasavika?8

U Minsku zaŭvažyli BMW z pryhožym numaram i «vośmym» rehijonam FOTAFAKT3

bolš čytanych navin
bolš łajkanych navin

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»12

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»

Hałoŭnaje
Usie naviny →

Zaŭvaha:

 

 

 

 

Zakryć Paviedamić