Historyja

U Nacyjanalnym mastackim muziei pakazvajuć artefakty z archieałahičnych raskopak u Minsku i Vaŭkavysku

Vystava «Mastactva ŭ archieałohii», što pracuje ŭ Nacyjanalnym mastackim muziei, pakazvaje archieałahičnyja artefakty z muziejnaj kalekcyi i vyklikaje cikavaść hledačoŭ nie tolki admietnym ekspanavańniem, ale i tym, što pradmiety, pradstaŭlenyja na vystavie, možna znajści jak u padručnikach historyi, tak i ŭ knihach pa biełaruskim mastactvie, piša Reform.news.

Stvorki kryžoŭ-enkałpijonaŭ. Fota: sacsietki

Nasamreč muziej asobnaj kalekcyi archieałohii nie maje. Adnak jon zachoŭvaje kala 200 abjektaŭ, znojdzienych padčas archieałahičnych raskopak. Jany raźmieščanyja ŭ adździele «Biełaruskaje dekaratyŭna-prykładnoje mastactva».

U Nacyjanalnym mastackim muziei pakazvajuć artefakty z archieałahičnych raskopak Minska i Vaŭkavyska
Hrabień samšytavy. XIII stahodździe. Raskopki Minskaha zamčyšča. 1958. Fota: sacsietki

U asnoŭnym heta rečy, jakija byli znojdzienyja ŭ siaredzinie minułaha stahodździa na raskopkach u Minsku i Vaŭkavysku, ale taksama i adnosna niadaŭnija archieałahičnyja pradmiety.

U Nacyjanalnym mastackim muziei pakazvajuć artefakty z archieałahičnych raskopak Minska i Vaŭkavyska
Abrazok Śviaty Mikałaj i śviaty Stefan. CHIII stahodździa. Raskopki Minskaha zamčyšča. 1957 hod. Fota: sacsietki

Na vystavu kuratar i viadučy navukovy supracoŭnik adździeła staražytnabiełaruskaha mastactva Dźmitryj Monič adabraŭ pradmiety, jakija majuć mastackuju kaštoŭnaść. Heta amal pałova ŭsioj kalekcyi muzieja — kala 90 ekspanataŭ.

U Nacyjanalnym mastackim muziei pakazvajuć artefakty z archieałahičnych raskopak Minska i Vaŭkavyska
Šachmatnaja fihura «Ładździa». Pačatak CHII stahodździa. Raskopki «Šviedskaj hary» ŭ Vaŭkavysku. 1954 hod. Fota: sacsietki

Unikalnyja artefakty majuć nievialiki pamier, tamu dla ich ekspanavańnia byli padrychtavanyja vitryny z padśvietkaj, abstalavanyja pavieličalnym škłom roznych dyjamietraŭ.

U Nacyjanalnym mastackim muziei pakazvajuć artefakty z archieałahičnych raskopak Minska i Vaŭkavyska
Špilka. III-IV stahodździ. Fota: sacsietki

Centralnym ekspanatam vystavy źjaŭlajecca nievialikaja kamiennaja plitka z reljefnaj zaamorfnaj vyjavaj. Jana maje daskanałuju mastackuju apracoŭku, tamu vyjava była źmieščanaja na afišu.

Da najbolš kaštoŭnych i staražytnych pomnikaŭ archieałohii ŭ kalekcyi muzieja adnosiacca artefakty, vyjaŭlenyja ŭ 1950-ja hady pry raskopkach u Minsku pad kiraŭnictvam Eduarda Zaharulskaha i Vasila Tarasienki.

U Nacyjanalnym mastackim muziei pakazvajuć artefakty z archieałahičnych raskopak Minska i Vaŭkavyska
Stvorka tryptycha. Druhaja pałova CHI — pačatak CHII stahodździa. Raskopki «Šviedskaj hary» ŭ Vaŭkavysku 1954 hoda. Fota: sacsietki

Naprykład, na Minskim zamčyščy byli znojdzienyja nievialikija abrazki — z vyjavaj Božaj Maci i Śviatoha Piatra, a taksama abrazok z vyjavaj Śviatoha Mikałaja i Śviatoha Stefana.

U Nacyjanalnym mastackim muziei pakazvajuć artefakty z archieałahičnych raskopak Minska i Vaŭkavyska
Padvieska. Ščučyn. V-VII stahodździ. Fota: sacsietki

Taksama na vystavie možna ŭbačyć kamiennyja abrazki XIII stahodździa, kaścianyja šachmatnyja fihury XIII stahodździa, znojdzienyja padčas raskopak «Šviedskaj hary» ŭ Vaŭkavysku ŭ 1954 hodzie, dvuchbakovy samšytavy hrebień z vyjavaj hryfonaŭ XIII stahodździa.

Muziej maje namier papaŭniać kalekcyju archieałahičnych pradmietaŭ znachodkami ź mietału, dreva, kamienia, jakija majuć mastackija vartaści.

Vystava budzie pracavać da 6 krasavika.

Kamientary

Ciapier čytajuć

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia52

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia

Usie naviny →
Usie naviny

«Jak u Łondanie ci Madrydzie». U Breście budujuć niezvyčajny žyły kompleks z canoj mietra ad 4300 rubloŭ3

Zialenski płanuje ŭviečary pahavaryć z Trampam4

Kašalok Łukašenki staŭ uładalnikam brendu muzyčnaha fiestyvalu, kudy zaprašajuć rasijskich Z-śpievakoŭ4

«Litva — zona kamfortu». Jak 21-hadovaja biełaruska biaspłatna vučycca ŭ techničnym univiersitecie i pracuje ŭ IT4

Što chavajecca za bananavaj industryjaj Kosta-Ryki. U Jeŭropu traplajuć «čystyja» banany, ale chto raspłačvajecca za heta?15

Kala stancyi mietro «Puškinskaja» zdaryłasia masavaja avaryja4

Cichanoŭskaja pra prapahandyscki film BT: My nikoli nie budziem ryzykavać ludźmi25

Muž hałoŭnaj hieraini prapahandysckaha filma BT skončyŭ žyćcio samahubstvam34

U Minskaj vobłaści — vybuch atručvańniaŭ surahatnym ałkaholem. U hetym hodzie ŭžo 4 čałavieki zahinuli ad jaho1

bolš čytanych navin
bolš łajkanych navin

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia52

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia

Hałoŭnaje
Usie naviny →

Zaŭvaha:

 

 

 

 

Zakryć Paviedamić