Śniadanak, dziela jakoha chočacca pračnucca: bliny z syram i zielaninaj
Bliny, jak i aładki — jašče adna «doŭhaja pieśnia». Ale kali zranku jość trochi bolš času, možna paradavać siabie rumianymi blincami.
Syrnaj načynkaj, napeŭna, nikoha nie ździviš, tamu my pojdziem inšym šlacham i zrobim bliny «z prypiokam»: dadadzim syr i zielaninu adrazu ŭ ciesta. U pryncypie, ništo nie zaminaje i ŭ hetyja bliny jakuju zaŭhodna, navat sałodkuju, načynku zaviarnuć — atrymajecca cikavaje spałučeńnie smakaŭ i tekstur. Mnie da hałavy adrazu prychodzić najlepšaja siabroŭka syru — šynka, a što b prapanavali vy?
Vam spatrebicca:
- 300 h muki
- 200 mł małaka
- 200 mł kipniu
- 2 jajki
- pa 1 č.ł. soli, cukru i sody
- 3 st.ł. aleju
- 100-150 h žoŭtaha syru (najlepiej ź jarkim, vyraznym smakam)
- zielanina (krop, piatruška, kinza) na smak
Jak hatavać:
1. Uźbić jajki z cukram i sollu, dadać małako, jašče krychu ŭźbić.
2. Usypać prasiejanuju muku z sodaj, dobra pieramiašać.
3. Praciahvajučy intensiŭna pieramiešvać, ulić kipień, potym dadać alej.
4. Umiašać nacierty na bujnoj tarcy syr i zielaninu. Dać ciestu «adpačyć» chvilin 15-20.
5. Piačy tonkija bliny na dobra haračaj patelni, zmazanaj nievialikaj kolkaściu aleju, z abodvuch bakoŭ. Hatovyja bliny možna dadatkova zmazvać masłam.
Hatujcie taksama:
- Aładki ź jabłykami
- Harbuzovy kieks ź jabłykami, žuravinami i arechami
- Dva chutkija VIDEArecepty sałataŭ z rybaj
- Piečyva z žuravinami
- Jabłyčny kieks z syram
Kamientary