Ci mohuć ZŠA vyvieści z ładu ŭzbrajeńni, jakija pastaŭlajucca Jeŭropie?

Kali prezident ZŠA Donald Tramp na čas prypyniŭ vajskovuju dapamohu Ukrainie, niamieckija čynoŭniki pačali vykazvać aściarohi adnosna taho, što amierykancy mohuć dystancyjna kiravać adnym ź vidaŭ niadaŭna nabytych Hiermanijaj uzbrajeńniaŭ.

U 2022 hodzie Bierlin zaklučyŭ šmatmiljardnuju ździełku z amierykanskim aerakaśmičnym hihantam Lockheed Martin na pastaŭku 35 samalotaŭ F-35A Lightning II. Letaś Bundeśvier nabyŭ jašče vosiem takich źniščalnikaŭ.

Iaachim Šrancchofier, kiraŭnik pres-słužby niamieckaj abaronna-pramysłovaj kampanii Hendsolt, zajaviŭ na minułym tydni vydańniu Bild, što tak zvany «avaryjny vyklučalnik», ubudavany ŭ F-35 amierykanskaj vytvorčaści, — heta nie prosta čutki. Jon daŭ zrazumieć, što ZŠA mohuć lohka pasadzić samalot, zabłakavaŭšy dostup da jaho prahramnaha zabieśpiačeńnia.

Volfhanh Išynhier, były staršynia Miunchienskaj kanfierencyi pa biaśpiecy, i Inha Hiedechiens, były aficer i člen niamieckaj partyi Chryścijanska-demakratyčny sajuz (CHDS), padzialajuć hetaje mierkavańnie.

Pradstaŭnik Ministerstva abarony Hiermanii, adnak, zajaviŭ Euronews Next, što, niahledziačy na peŭnyja zaściarohi, zakup źniščalnikaŭ F-35 admianiać nie buduć.

F-35 — «najlepšy źniščalnik pa standartach NATA»

Pavodle źviestak VPS ZŠA, «samaja raspaŭsiudžanaja» madel F-35 kampanii Lockheed, F-35A Lightning II — univiersalny bambavik, «abstalavany stełs-technałohijaj małaprykmietnaści, kambinacyjaj datčykaŭ i jaki maje biesprecedentnaha ŭzroŭniu situacyjnuju daśviedčanaść» u niebie.

Lockheed apisvaje F-35 Lightening II jak samalot, jaki chutka stanovicca «standartnym źniščalnikam NATA».

Bielhija, Čechija, Danija, Finlandyja, Hrecyja, Italija, Niderłandy, Narviehija, Polšča i Šviejcaryja majuć na ŭzbrajeńni F-35. U śniežni Rumynija taksama padpisała pahadnieńnie z Lockheed Martin na jaho pastaŭku.

U minułym hodzie Lockheed Martin paviedamlała, što, pa jaje prahnozach, da kanca dziesiacihodździa ŭ dziesiaci jeŭrapiejskich krainach budzie ekspłuatavacca bolš za 550 samalotaŭ F-35, i hetaja zbroja «pavysić apieratyŭnuju sumiaščalnaść u Jeŭropie».

Kampanija taksama pryznała, što źniščalniki F-35, jak i inšyja zachodnija źniščalniki, spadziajucca na abaronienuju amierykanskuju sistemu pieradaču danych Link-16 i spadarožnikavuju navihacyju GPS. Poŭnaja niezaležnaść u hetaj halinie, praciahnuła kampanija, «niemahčymaja… navat ź jeŭrapiejskimi sistemami», ale adznačyła, što F-35 pa-raniejšamu pracuje biez kanałaŭ pieradačy danych i spadarožnikavaj navihacyi.

«Vielmi składana» intehravać novaje PZ u F-35

Mark Kazalet, hałoŭny redaktar časopisa European Security and Defence Magazine, adznačyŭ u intervju Euronews Next adsutnaść, na jaho dumku, važkich dokazaŭ isnavańnia «avaryjnaha vyklučalnika». Ale pry hetym jon nie vyklučaje, što hipatetyčna mohuć być pryniatyja miery pa błakavańni prahramnaha zabieśpiačeńnia samalota.

Pa słovach Kazaleta, ZŠA zusim nie abaviazkova stavić na F-35 «avaryjnyja knopki». Kab jaho deaktyvavać, Vašynhtonu dastatkova «prosta admović u pastaŭcy bojeprypasaŭ i zapasnych častak».

Pa słovach Kazaleta, zamianić amierykanskaje PZ «vielmi składana, kali naohuł mahčyma».

«Bolš važnaje pytańnie dla vajskovych płaniroŭščykaŭ zaklučajecca ŭ tym, ci zmohuć ZŠA efiektyŭna praduchilić razhortvańnie źniščalnikaŭ F-35, jakija ekspłuatujucca inšymi krainami, kali jany vyrašać heta zrabić?» — dadaje surazmoŭca. «Adkaz na hetaje pytańnie budzie: «Chutčej tak».

Krainy čas ad času błakujuć pastaŭki bojeprypasaŭ ci zbroi, praciahvaje Kazalet. Naprykład, Šviejcaryja zatrymała prymianieńnie Ukrainaj zienitnych harmat «Hiepard», kali admoviła ŭ eksparcie 35-milimietrovych bojeprypasaŭ. Niemcy pieršapačatkova taksama marudzili z adpraŭkaj źniščalnikaŭ Eurofighter Typhoon u Turcyju.

F-35 «mohuć vykarystoŭvacca aŭtanomna»

Euronews Next źviazaŭsia ź Ministerstvam nacyjanalnaj abarony ZŠA (DND) i kampanijaj Lockheed Martin, kab udakładnić, ci maje amierykanski ŭrad kantrol nad prahramnym i aparatnym zabieśpiačeńniem pradavanych F-35, ale pakul nie atrymaŭ adkazu.

Pradstaŭnik viedamstva paćvierdziŭ kanadskim ŚMI, što ZŠA adkazvajuć za madernizacyju prahramna-aparatnaha kompleksu samalotaŭ, i skazaŭ, što abnaŭleńni PZ buduć adbyvacca va ŭsich krainach, jakija ŭdzielničali ŭ raspracoŭcy.

Euronews Next taksama pacikaviŭsia ŭ Lockheed Martin, ci zmohuć jany dać Hiermanii i inšym jeŭrapiejskim krainam niejkija harantyi.

U adkaz na paviedamleńni šviejcarskich ŚMI ab anałahičnych aściarohach z nahody dystancyjnaha «avaryjnaha vyklučalnika» Lockheed Martin apublikavała ŭ paniadziełak na svaim sajcie zajavu pad zahałoŭkam «Šviejcaryja moža vykarystoŭvać svaje F-35 niezaležna».

Kampanija śćviardžaje, što deaktyvavać źniščalniki F-35A šlacham vonkavaha ŭmiašańnia ŭ jaho elektronnyja sistemy niemahčyma.

«Šviejcaryi nie patrabujecca dazvołaŭ dla vykarystańnia svaich sistem uzbrajeńnia abo kiravanych rakiet dla abarony», — havorycca ŭ paviedamleńni. — Jana moža rabić heta aŭtanomna, niezaležna i ŭ luby čas».

Krainy taksama mohuć sami vyrašać, abnaŭlać ci nie prahramnaje zabieśpiačeńnie źniščalnikaŭ, ale ŭzbrajeńni zachoŭvajuć svaju pracazdolnaść i biez hetych abnaŭleńniaŭ, padkreślivajuć u kampanii. Kali taja ci inšaja kraina vyrašaje pravieści madernizacyju, to, pa słovach pradstaŭnikoŭ Lockheed, tudy adpraŭlajecca «mabilnaja kamanda» dla praviadzieńnia adpaviednych manipulacyj sumiesna z tamtejšym uradam.

• 0
• 0
• 0
• 0
• 2
• 0
• 0
• 0