U handlovym centry Dana Moll adkryłasia pieršaja krama sietki «Da domu» — adkaz biełaruskich uładaŭ zamiežnamu Zara Home. My paraŭnali niekatoryja ceny z biełaruskaj kramy z cenami z polskaj Zara Home.
Spalnia i haścioŭnia
U biełaruskaj sietcy prapanujuć nabyć kamplekt pałutarnaj paścielnaj bializny z čystaha lnu za 302 rubli, taki ž kamplekt pamieram 220 na 210 sm budzie kaštavać 370 rubloŭ. U Zara Home taki kamplekt treba źbirać asobna. Lnianyja padkoŭdraniki kaštujuć ad 299 da 379 złotych (ad 170 da 216 rubloŭ), kali havorka idzie pra pamier 220 na 220 sm. Dźvie lnianyja navałački možna nabyć za 199 złotych (114 rubloŭ).
Pled ź ilnu i bavoŭny ŭ «Da domu» pradajuć za 134 rubli, u Zara Home pled z tych ža składnikaŭ kaštuje, u zaležnaści ad pamieru, 269 ci 459 złotych (adpaviedna, 153 i 262 rubli). Ale tavary na fota vyhladajuć roznymi pa jakaści. Voś varyjant ad Zara Home:
A voś — ad biełaruskaha vytvorcy:
U «Da domu» možna nabyć parćjeru ź ilnu i bavoŭny ŭ roŭnych praporcyjach pamieram 250 na 270 sm, kaštuje jana 73 rubli. Za anałahičny varyjant, ale ź dźviuma tracinami lnu ŭ składzie i pamieram 170 na 270 sm pryjdziecca vykłaści 111 rubloŭ. Što da Zara Home, tam bolš bahaty vybar lnianych parćjer, jany adroźnivajucca i pa madelach, i pa stupieni prazrystaści. Naprykład, samaja tonkaja madel, 140 na 300 sm, kaštuje 149 złotych (85 rubloŭ), trochi bolš ščylnaja (140 na 270 sm) — 299 złotych (171 rubiel).
Dekor, adzieńnie i posud
Aramatyčnyja śviečki ŭ biełaruskaj kramie kaštujuć 23 rubli, samyja tannyja śviečki ad Zara Home abyducca vam u 60 złotych (34 rubli).
Žanočyja štany ź ilnu «Da domu» prapanuje za 98 rubloŭ, za anałahičny varyjant ad Zara Home treba zapłacić 149 złotych (85 rubloŭ). Žanočy chałat biełaruskaha vytvorcy kaštuje 120 rubloŭ, samy tanny varyjant z paliestru ad Zara Home — 199 złotych (114 rubloŭ).
Fartuch z čystaha lnu ŭ «Da domu» pradajuć za 33 rubli, u Zara Home zamiest hetaha prapanujuć dva varyjanty bavaŭnianych fartuchoŭ. Za bolš prosty paprosiać 90 złotych (51 rubiel), za bolš darahi — 149 złotych (85 rubloŭ).
Vialikaja talerka dyjamietram 33,5 sm u «Da domu» kaštuje 23 rubli. Cana samaj tannaj z anałahičnych talerak u Zara Home — 60 złotych (34 rubli).
«Naša Niva» — bastyjon biełaruščyny
PADTRYMAĆA «arhaničnaja bavoŭna» sapraŭdy arhaničnaja? Nie varta vieryć cetlikam na słova
«90% vybirajuć biudžetnyja bukiety i płaciać kartaj rasterminoŭki». Kolki ŭ Minsku ciapier kaštujuć kvietki i jaki na ich popyt
«Kala 450 tysiač zamiežnikaŭ naviedała Biełaruś pa biaźvizie». Praŭda? Vyhladaje, što ŭ razy mienš
Ciapier čytajuć
«Mnie soramna, ale ja navat nie pamiataju». Stali viadomyja novyja padrabiaznaści z pracesu zdymak emihrantaŭ dla kino na BT9
Kamientary