Śviet11

Takajeŭ: Pałažeńnie ab adnarazovym prezidenckim terminie ŭ Kanstytucyi niaźmienna

Prezident Kazachstana daŭ vialikaje intervju. U im jon zakranuŭ pytańni ab mahčymaści pieraabracca na čarhovy prezidencki termin i prakamientavaŭ pieryjad dvojeŭładździa paśla jaho abrańnia prezidentam.

Prezident Kazachstana Kasym-Žamart Takajeŭ. Fota: tengrinews.kz

«U sacsietkach «chodzić» navina, byccam vy płanujecie pravieści refierendum pa Kanstytucyi i ŭ 2026 hodzie majuć namier znoŭ uziać udzieł u prezidenckich vybarach. Heta praŭda?» — zadali pytańnie žurnalisty.

— Heta dezynfarmacyja. Pierakanany, advolnaje ŭniasieńnie źmianieńniaŭ u Kanstytucyju, tym bolš u takim fundamientalnym pytańni, užo niemahčyma. Kanstytucyjnaja reforma była ažyćcioŭlena nie dla taho, kab unosić advolnyja źmieny ŭ asnoŭny zakon.

Pałažeńnie ab adnarazovym prezidenckim terminie ŭ Kanstytucyi niaźmienna. Hetaja norma źjaŭlajecca takoj ža nieparušnaj, jak i normy ab niezaležnaści, unitarnaści, terytaryjalnaj cełasnaści i formie praŭleńnia našaj dziaržavy.

Raz my zakranuli hetuju temu, skarystajusia vypadkam i raskryju niekatoryja padrabiaznaści. Ideju adnarazovaha siamihadovaha terminu ja vykazvaŭ u zakrytych dyskusijach jašče 15 hadoŭ tamu. Tady hetuju prapanovu nie padtrymali. Paśla abrańnia prezidentam uzvažvaŭ usie «za» i «suprać», šmat razvažaŭ, jak možna ŭvasobić hetuju ideju na praktycy.

U 2022 hodzie było realizavana niekalki važnych kanstytucyjnych źmianieńniaŭ, nakiravanych na likvidacyju supierprezidenckich paŭnamoctvaŭ. I tady ž mnoju była prapanavanaja ideja adnarazovaha siamihadovaha terminu. Hetaja inicyjatyva atrymała ŭsienarodnuju padtrymku. Hetym usio skazana», — skazaŭ Kasym-Žamart Takajeŭ.

Takajeva paprasili prakamientavać pieryjad dvojeŭładździa paśla jaho abrańnia prezidentam.

Jon adkazaŭ, što sproby naviazać madel dvojeŭładździa sapraŭdy byli.

«U palityčnaj situacyi «tranzitu ŭłady», jakaja skłałasia, palityčnyja manipulatary sfarmiravali niejki paralelny centr ułady. U našaj krainie dziejničali prezident i Viarchoŭny hałoŭnakamandujučy, a taksama staršynia Rady Biaśpieki ŭ asobie eks-prezidenta. Heta, u kančatkovym vyniku, nie mahło nie pryvieści da ŭładnaj kalizii», — skazaŭ Takajeŭ.

Pavodle jaho, hetaja situacyja stała adnoj ź pieradumoŭ studzieńskaha kryzisu.

«Zmoŭščyki sprabavali vykarystoŭvać u svaich intaresach vynajdzienuju madel dvojeŭładździa ci «tandemu». Pamiatajcie, napeŭna, zajavy šerahu słužbovych asob, u tym liku byłoha ministra justycyi, što pa svaim statusie Jełbasy staić vyšej za prezidenta. Niekatoryja čynoŭniki biehali pa čarzie pa kabinietach. Jany hulali na hetym i ŭ rešcie rešt zahulalisia. Paźniej ja prama skazaŭ Nursułtanu Abiševiču Nazarbajevu, što palityčnyja ihryščy, pierš za ŭsio, jaho bližejšych paplečnikaŭ ledź nie razarvali krainu.

Liču, što ŭvohule nie pavinna być «starejšaha i małodšaha prezidentaŭ». «Jak idzieš, to idzi». Heta surjozny ŭrok dla budučaha pakaleńnia kiraŭnikoŭ, jakoje pavinna ścierahčysia takich rečaŭ i zaŭsiody dumać tolki ab intaresach dziaržavy i dabrabycie hramadstva», — skazaŭ jon.

Takajeŭ zajmaje pasadu prezidenta Kazachstana z sakavika 2019 hoda. Nursułtan Nazarbajeŭ byŭ prezidentam 27 hadoŭ: sa śniežnia 1991 pa sakavik 2019 hoda. 

Kamientary1

  • Janka
    03.01.2024
    Kali b Takajeŭ sapraŭdy źbiraŭsia refarmavać Kazachstan, kab nie pryjšoŭ inšy dyktatar, a paśla syjści - to jon by zaraz ŭzmacniaŭ demakratyčnyja instytuty, zajmaŭsia palityčnaj aśvietaj nasielnictva i pastupova delehavał častku ŭłady inšym jaje halinam. Ale hetaha nie adbyvajecca. A druhoha Li Kuan Ju z Takajeva nie adbudziecca bo ŭ adroźnieńni ad Kazachstanu ŭ Sinhapury ŭsio pačynałasia amal z nula i heta była vyspa z ułasnym vychadam u akijan.

Ciapier čytajuć

Try porcyi marožanaha i pieraapranutaja babula ŭ lesie — jak zatrymlivali zabojcu z praśpiekta Rakasoŭskaha i jaho baćkoŭ2

Try porcyi marožanaha i pieraapranutaja babula ŭ lesie — jak zatrymlivali zabojcu z praśpiekta Rakasoŭskaha i jaho baćkoŭ

Usie naviny →
Usie naviny

Žychary damoŭ pa vulicy Siamionava ŭ Minsku časova adstajali svajo žyllo2

Biełarusy napisali ŭ Kanstytucyjny sud bolš za 113 skarhaŭ. Mikłaševič: Prydatnyja tolki 5% ź ich

Prablemy ź vizami na kancert Karža ŭ Varšavie — biełarusy atrymlivajuć admovy pa niezrazumiełych pryčynach14

Tramp patłumačyŭ kiraŭniku NATA, čamu ZŠA patrebnaja Hrenłandyja10

«Niaskoranaje pakaleńnie». Vyjšła kniha ab represavanych studentach4

Čynoŭnica Homielskaha abłvykankama ŭ razmovie z błohieram pryznałasia ŭ palityčnych čystkach2

«A mianie za što?» I kupcy sa Smalenska, jakija nachabna źbivajuć košt dziedavaj chaty — strašnaja kniha pra nastupstvy5

«Kultura i mastactva» praviała na piensiju hałoŭnuju redaktarku. Ni słova pa-biełarusku17

U Ispanii znajšli frahmienty kostak samaha staražytnaha ź viadomych u Zachodniaj Jeŭropie ludziej1

bolš čytanych navin
bolš łajkanych navin

Try porcyi marožanaha i pieraapranutaja babula ŭ lesie — jak zatrymlivali zabojcu z praśpiekta Rakasoŭskaha i jaho baćkoŭ2

Try porcyi marožanaha i pieraapranutaja babula ŭ lesie — jak zatrymlivali zabojcu z praśpiekta Rakasoŭskaha i jaho baćkoŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić