Za apošniaje dziesiacihodździe na 30% skaraciłasia papulacyja vožykaŭ
Ekołahi ŭžo adnosiać vožykaŭ jak vid, «blizki da ŭraźlivaha stanovišča», paviedamlaje vydańnie The Guardian.
Za apošnija 10 hadoŭ u Vialikabrytanii, Narviehii, Šviecyi, Danii, Bielhii, Niderłandach, Hiermanii i Aŭstryi kolkaść vožykaŭ skaraciłasia na 16-33%, a ŭ Hiermanii i Bielhii — da 50%.
Hałoŭnaj pryčynaj źnižeńnia kolkaści zvyčajnych vožykaŭ stała urbanizacyja, jakaja vyciaśniaje žyvioł z naturalnaha asiarodździa.
Aŭtamabili, vykarystańnie piestycydaŭ i niedastatkova ekałahičnaje sadavodstva taksama adyhrali svaju rolu. Naprykład, vožyki časta hinuć ad charčavańnia nasiakomymi, atručanymi piestycydami.
«Biahučyja danyja pakazvajuć niebiaśpiečnaje źnižeńnie kolkaści vožykaŭ. Pakul jašče jość mahčymaści praduchilić dalejšaje skaračeńnie i stabilizavać kolkaść hetaha vidu», — zajaviła pradstaŭnica Mižnarodnaha sajuza achovy pryrody Ebi Hazard.
Pa słovach Choŭpa Notchiełfiera, pres-sakratara Tavarystva abarony sysunoŭ, mnohija ludzi ŭžo zaŭvažyli źniknieńnie vožykaŭ.
«Časta možna pačuć, što vožykaŭ nie bačać tak časta, jak raniej. Nadzieja tolki na toje, što čym bolš vožyki buduć pieratvaracca ŭ daloki dziciačy ŭspamin, tym bolš my pačniem dziejničać, kab viarnuć hety ŭspamin da žyćcia», — dadaŭ jon.
Ekołahi zaklikajuć žycharoŭ źmianić padychod da viadzieńnia haspadarčaj dziejnaści dla zachavańnia papulacyi vožykaŭ. Tak, u arhanizacyi prapanavali stvarać dzirki ŭ płatach dla pieramiaščeńnia vožykaŭ, budavać dla ich chovanki i admovicca ad piestycydaŭ.
Ciapier čytajuć
Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej16
Kamientary