Hramadstva2727

Ryžankoŭ: Zachad nie dapuskaje, što chtości moža ŭžyć takoha rodu siłu. A siłu takuju moža ŭžyć Rasija. My razam z Rasijaj

Ministr zamiežnych spraŭ Biełarusi Maksim Ryžankoŭ u intervju rasijskamu vydańniu «Iźviestija» acaniŭ vierahodnaść eskałacyi situacyi. Pry hetym jon rabiŭ supraćlehłyja zajavy: z adnaho boku, «u Rasii niama i nie moža być mety znoŭ na Bierlin ci Paryž», z druhoha, Zachad navat nie čakaje, a Rasija ź Biełaruśsiu mohuć pa im ŭdaryć. 

Adkazvajučy na pytańnie vydańnia, Ryžankoŭ skazaŭ, što na miežach «abstanoŭka dosyć składanaja».

«Nasamreč, nie słabiejuć pravakacyi z ukrainskaha boku ŭ dačynieńni da našaj miažy. Taksama fiksujecca vielmi šmat militaryzavanych dziejańniaŭ z boku našych susiedziaŭ uzdoŭž miažy: Polščy, Litvy, Łatvii <> Polšča ŭzbrojvajecca da zuboŭ, źbirajučy lepšaje z usiaho śvietu ŭzbrajeńnie ad ZŠA da Paŭdniovaj Karei, pryčym nastupalnaje ŭzbrajeńnie. Litva, Łatvija hatovyja ledź nie ŭvieś biudžet svoj tracić na militaryzacyju», — kaža Ryžankoŭ.

Jon kanstatuje, što vydatki zachodnich krain na abaronu rastuć. 

«Heta jak u śpiektakli: kali jość na ścianie zbroja, to jana strelić u kancy aktu. I naša zadača — dypłamatyčnymi sposabami, nie paddajučysia na pravakacyi, praduchilić heta. Tamu što ŭ takim supraćstajańni pieramožcaŭ nie budzie. Kali Zachad siońnia pastavić Rasiju i Biełaruś pierad vybaram cyvilizacyjnaha isnavańnia, to prosta inšaha varyjantu nie zastaniecca.

Jany nie dapuskajuć, što chtości moža ŭžyć takoha rodu siłu. A siłu takuju moža ŭžyć Rasija. My razam z Rasijaj. My padpisali damovu z Maskvoj ab sumiesnaj harantyi biaśpieki, dzie ŭ tym liku prapisana i prymianieńnie jadziernaj zbroi. Akramia taho, jość damoŭlenaści raźmiaścić u Biełarusi «Arešnik». Heta samaje sučasnaje ŭzbrajeńnie, jakomu niama anałahaŭ navat za miažoj. Heta naš adkaz, ale adkaz strymlivańnia, a nie nastupalny», — pierachodzić na pahrozy ministr zamiežnych spraŭ.

Paśla pahroz Ryžankoŭ supakojvaje zachodnich kaleh. 

«Ja ščyra vam skažu, što z kim by sa svaich zachodnich kaleh ja ni hutaryŭ, ja ŭsim kažu: pierastańcie pałochać vaš narod, što ruskija pryjduć znoŭ u Bierlin abo Paryž, jak było 80 abo 200 hadoŭ tamu. Niama takoj mety, i być jaje nie moža», — kaža jon.

Paśla hetaha Ryžankoŭ pierachodzić da zusim niečakanaha — da «denacyfikacyi» Ukrainy. 

«Siońnia jość adna meta — vyrašyć pytańnie z denacyfikacyjaj Ukrainy i tyja pytańni, jakija stajać siońnia pierad Rasijaj», — kaža ministr zamiežnych spraŭ Biełarusi. 

Pad denacyfikacyjaj Ukrainy Rasija razumieje poŭnuju rusifikacyju krainy až da źniščeńnia ŭkrainskaj dziaržaŭnaści.

Kamientary27

  • Vaŭkałak
    29.01.2025
    Ja tak i dumaŭ, što jon razumova adstały
  • Rusłan
    29.01.2025
    Chočiet dokazať Moskvie, čto imienno jeho nado posadiť v kriesło haulajtiera RB. V tranzitnom poriadkie.
  • Andruś
    29.01.2025
    " Nie vsie tolko płochoje było śviazano v Hiermanii s iźviestnym Adolfom Hitlerom. Niemieckij poriadok formirovałsia viekami, pri Hitlerie eto formirovanije dostihło naivysšiej točki. Eto to, čto sootvietstvujet našiemu ponimaniju priezidientskoj riespubliki i roli v niej priezidienta"

Ciapier čytajuć

Try porcyi marožanaha i pieraapranutaja babula ŭ lesie — jak zatrymlivali zabojcu z praśpiekta Rakasoŭskaha i jaho baćkoŭ2

Try porcyi marožanaha i pieraapranutaja babula ŭ lesie — jak zatrymlivali zabojcu z praśpiekta Rakasoŭskaha i jaho baćkoŭ

Usie naviny →
Usie naviny

Žychary damoŭ pa vulicy Siamionava ŭ Minsku časova adstajali svajo žyllo2

Biełarusy napisali ŭ Kanstytucyjny sud bolš za 113 skarhaŭ. Mikłaševič: Prydatnyja tolki 5% ź ich

Prablemy ź vizami na kancert Karža ŭ Varšavie — biełarusy atrymlivajuć admovy pa niezrazumiełych pryčynach14

Tramp patłumačyŭ kiraŭniku NATA, čamu ZŠA patrebnaja Hrenłandyja10

«Niaskoranaje pakaleńnie». Vyjšła kniha ab represavanych studentach4

Čynoŭnica Homielskaha abłvykankama ŭ razmovie z błohieram pryznałasia ŭ palityčnych čystkach2

«A mianie za što?» I kupcy sa Smalenska, jakija nachabna źbivajuć košt dziedavaj chaty — strašnaja kniha pra nastupstvy5

«Kultura i mastactva» praviała na piensiju hałoŭnuju redaktarku. Ni słova pa-biełarusku16

U Ispanii znajšli frahmienty kostak samaha staražytnaha ź viadomych u Zachodniaj Jeŭropie ludziej1

bolš čytanych navin
bolš łajkanych navin

Try porcyi marožanaha i pieraapranutaja babula ŭ lesie — jak zatrymlivali zabojcu z praśpiekta Rakasoŭskaha i jaho baćkoŭ2

Try porcyi marožanaha i pieraapranutaja babula ŭ lesie — jak zatrymlivali zabojcu z praśpiekta Rakasoŭskaha i jaho baćkoŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić