Эканоміка55

Ці будзе беларускі рубель слабець далей? Тлумачыць эканаміст

Беларускі рубель аслабеў. Толькі з пачатку месяца даляр падаражэў амаль на 15 капеек, або на 5%, у параўнанні з курсам на 1 жніўня. «Наша Ніва» спытала ў эканаміста, чаму так адбываецца і ці захаваецца гэтая тэндэнцыя.

Эксперт BEROC Настасся Лузгіна адзначае, што цяпер мы ў першую чаргу бачым адгалоскі таго, што адбываецца на расійскім валютным рынку.

«Расійскі рубель зніжаецца да даляра і еўра. Bloomberg уключыў рубель у тройку найгоршых валют. За год ён аслабеў амаль на чвэрць», — адзначае эканаміст.

Беларускі рубель, у сваю чаргу, паўтарае траекторыю расійскага рубля. Сярод прычын, чаму прасядае расійскі рубель, эканаміст называе наступныя моманты.

Рост цэн на нафту можа прывесці да росту рубля

«Асноўны фактар, чаму так адбываецца з рублём, той, што ў РФ значна горшае сальда бягучага рахунку. Паказчык пакуль застаецца станоўчы, але ён скараціўся ў некалькі разоў. Валюты на рынак выходзіць нашмат менш, чым год таму. У дадатак да гэтага ідзе вывад капіталу з Расіі. Расце попыт на куплю валюты з боку насельніцтва. Усё гэта аказвае ціск на валютны рынак», — тлумачыць Лузгіна.

Гаворачы аб прагнозах, эканаміст не выключае, што ўжо да канца жніўня можа адбыцца адкат, калі будзе адбывацца ўмацаванне расійскага рубля, а пасля яго і беларускага.

«Чакаецца заканчэнне падатковага перыяду, што будзе стымуляваць экспарцёраў прадаваць больш валюты. Гэта можа падтрымаць курс. У дадатак да гэтага патроху растуць цэны на нафту. Усё гэта можа стаць стымулам для таго, каб, прынамсі, яго падзенне спынілася».

Сярод іншага эканаміст адзначае, што на стабілізацыю можа паўплываць і рашэнне Цэнтрабанка павысіць уліковую стаўку (аналаг стаўкі рэфінансавання ў Беларусі).

Усё гэта, на думку эксперта, можа дапамагчы расійскаму рублю не пераступіць мяжу 100 рублёў за 1 даляр.

Тым не менш на курс беларускага рубля могуць аказваць уплыў не толькі знешнія фактары, як прасяданне расійскага рубля, але і ўнутраныя.

У беларускай эканоміцы крызісу няма

У беларускай эканоміцы таксама пачынае праглядацца тэндэнцыя да скарачэння пазітыўнага сальда ў гандлёвым балансе па таварах і паслугах.

«У знешнім гандлі таварамі мы маем адмоўныя паказчыкі, але ў гандлі паслугамі — традыцыйна ў плюсе, таму ў цэлым сальда станоўчае, але яно ўжо далёка не такое вясёлкавае, як гэта было год таму.

Што з сальда ўсё было ў парадку, пацвярджаў і той факт, што ў нас павялічыліся золатавалютныя рэзервы. Таму пакуль нельга казаць пра крызісныя сітуацыі менавіта ўнутры беларускай эканомікі», — кажа Лузгіна.

Аднак, на думку эканаміста, калі будзе мець працяг стымулюючая грашова-крэдытная палітыка, а заробкі працягнуць актыўна расці, то цалкам магчыма, што ўжо ў найбліжэйшыя месяцы будзе адмоўнае сальда гандлёвага балансу, якое будзе аказваць уплыў на курс беларускага рубля. У такім выпадку на паслабленне нацыянальнай валюты будзе аказваць уплыў не толькі расійскі фактар, але і ўнутраны.

 

Каментары5

  • Доў Джонсан
    11.08.2023
    Адкуль вы гэтых "эканамістаў" бярэце? Прычым тут рост заробкаў да сальда гандлёвага балансу?
    І дзе "эканаміст" Анастасія заўважыла рост заробкаў? Жнівень 2022 - 645 даляраў па курсе на 11.08, апошнія зводкі гэтага году па курсе на 11.08.2023 - 605 даляраў. І гэта намінальна!
    Можа, трэба штосці пасур'ёзнее для Бастыёна Беларушчыны?
  • Старобілорус
    11.08.2023
    У топку рубель. Гісторічне літоўская валюта называла се кгрош.
  • Бобр
    11.08.2023
    Или Калауру надоест выкручиваться перед разными вызовами, или Калаур надоест руководству со своими ходами по удержанию рубля.

Цяпер чытаюць

Стала вядома, на чым пагарэў геній фінансаў Павел Калаўр14

Стала вядома, на чым пагарэў геній фінансаў Павел Калаўр

Усе навіны →
Усе навіны

У Трампа патлумачылі рашэнне спыніць фінансаванне «Голасу Амерыкі»15

У агні і цісканіне на дыскатэцы ў Паўночнай Македоніі загінулі найменей 50 чалавек1

Зянон Пазняк: Ні беларусам, ні асабліва ўкраінцам нельга ахайваць Трампа247

Лойка пра будучага пераемніка Лукашэнкі: Адчуваецца, што дзядуля рыхтуецца, прыкідвае і глядзіць варыянты17

«Упершыню за 83 гады легендарны «Голас Амерыкі» змушаны змоўкнуць»18

Сястра прэм'ер-міністра Турчына жыве пад Масквой і працуе выкладчыцай англійскай мовы9

Дзяўчына з Эстоніі 6 гадоў вучыцца ў Беларусі на медыка. Але цяпер яе мара стаць хірургам пад пагрозай17

Карабель SpaceX прыстыкаваўся да МКС. Цяпер астранаўты, якія захраснулі на станцыі, змогуць вярнуцца дадому3

ЗША наносяць авіяўдары па паўстанцах-хусітах у Емене пасля загаду Трампа1

больш чытаных навін
больш лайканых навін

Стала вядома, на чым пагарэў геній фінансаў Павел Калаўр14

Стала вядома, на чым пагарэў геній фінансаў Павел Калаўр

Галоўнае
Усе навіны →

Заўвага:

 

 

 

 

Закрыць Паведаміць