Дзяўчына з Эстоніі 6 гадоў вучыцца ў Беларусі на медыка. Але цяпер яе мара стаць хірургам пад пагрозай
Эстонка распавядае, што плаціла за навучанне каля 5 тысяч даляраў штогод. Але цяпер яна ў шоку ад змен у заканадаўстве і перспектывы адпрацоўкі.
Сафія — грамадзянка Эстоніі, але вучыцца на медыка ў Беларусі. Сваёй гісторыяй яна падзялілася ў тыктоку. Адпраўляць яе ў Мінск на вучобу вырашылі на сямейнай радзе: сярод аргументаў было тое, што ў Беларусі больш практычная база плюс быў варыянт пасля атрымання дыплома пайсці вучыцца далей у ардынатуру на хірурга.
Таму ў 2019 годзе Сафіяй прыехала атрымоўваць прафесію мары. Канечне, студэнтцы-замежніцы трэба было плаціць за адукацыю. Цяпер яна заканчвае шосты курс. У каментарыях да свайго відэа дзяўчына тлумачыць, чаму цяпер усе яе планы на будучыню пад пагрозай — усё праз нечаканыя змены ў заканадаўстве:
— Я вучуся як замежніца, бо ў мяне эстонскі пашпарт. Але з гэтага года ўсе, у каго ёсць дазвол на жыхарства ў Беларусі, прыраўноўваюцца да беларусаў, не могуць паступаць у ардынатуру і павінны ісці ў інтэрнатуру з адпрацоўкай.
Сафія задае рытарычнае пытанне: навошта ёй, грамадзянцы іншай краіны, якая хоча стаць хірургам і вярнуцца на радзіму, інтэрнатура з адпрацоўкай?
У каментарыях яе спрабуюць суцешыць. Пішуць: «Затое якая практыка будзе». Але дзяўчыну такі варыянт не задавальняе. Яна сцвярджае, што замежнікаў адпраўляюць у інтэрнатуру толькі як дактароў агульнай практыкі.
— А значыць, мяне і размяркуюць як доктара агульнай практыкі, а я сюды ехала не па гэта. Тэрапеўтам я магла стаць і на радзіме.
Сафія піша, што была гатовая патраціць яшчэ 5 гадоў на тое, каб стаць хірургам. Але ніяк не 10-13.
— Для таго, каб трапіць у інтэрнатуру па хірургіі, дзяўчынцы трэба са скуры прэч выскачыць, потым адпрацаваць тут 2 гады, потым у ардынатуру па агульнай хірургіі на 2 гады, потым адпрацоўка 5 гадоў.
Нехта прапаноўвае Сафіі заставацца ў Беларусі, бо краіне патрэбныя добрыя спецыялісты. Дзяўчына прызнаецца, што калі б ёй далі нармальна адвучыцца на хірурга, то яна б разглядзела такі варыянт.
Беларуска патрабавала ад дактароў 100 тысяч рублёў за смерць сына ў бальніцы. Вось што вырашыў суд
У дзіцячай паліклініцы Кобрына растлумачылі, чаму неўролаг працуе толькі дзве гадзіны на дзень
Маладых інсультаў стала больш: мінскія дактары расказалі пра 15-гадовую пацыентку
«Набяруць больш студэнтаў, але што рабіць 6-7 гадоў?» Медык пра тое, як улады змагаюцца з недахопам дактароў і што трэба рабіць
Цяпер чытаюць
Лойка пра будучага пераемніка Лукашэнкі: Адчуваецца, што дзядуля рыхтуецца, прыкідвае і глядзіць варыянты12
Каментары
[Зрэдагавана]