Свет44

Apache, Abrams, HIMARS і г. д. Мінабароны Польшчы плануе сур'ёзнае ўмацаванне мяжы з Беларуссю і закрыццё «Брэсцкай брамы»

Таксама стала вядома, якія менавіта польскія ўзбраенні зараз стаяць каля Беларусі.

Польскія вайскоўцы. Фота: AP Photo / Michal Dyjuk

Польшча плануе пабудаваць «непераадольны бар'ер» на мяжы з Беларуссю пры дапамозе сучаснай амерыканскай вайсковай тэхнікі. Пра гэта 12 жніўня польскаму агенцтву TVP Info паведаміў кіраўнік міністэрства нацыянальнай абароны Польшчы Марыюш Блашчак.

Па словах міністра, аснову гэтага бар'ера складуць амерыканскія верталёты Apache, танкі Abrams, рэактыўныя ўстаноўкі HIMARS і іншыя віды ўзбраенняў, якія масава закупляе Польшча.

Наяўнасць такой вайсковай тэхнікі, як запэўнівае Блашчак, дазволіць польскай арміі цалкам заблакаваць «Брэсцкую браму» — участак польска-беларускай мяжы шырынёй 80 кіламетраў паміж рэкамі Буг і Нараў, якая ўяўляе сабой раўнінную і геаграфічна слаба абароненую мясцовасць каля Брэста.

«На наступным тыдні мы чакаем канчатковага рашэння Кангрэса ЗША аб прадастаўленні нам верталётаў Apache. Яны сумесна з танкамі Abrams складуць непераадольны бар'ер, пры дапамозе якога мы плануем закрыць «Брэсцкую браму» з мэтай умацавання нашай бяспекі», — распавёў міністр абароны Польшчы Марыюш Блашчак.

Баявы верталёт AH-64E Apache. Фота: Spike NLOS / ©thedrive
Танк «Абрамс». Фота: AP Photo/Saurabh Das
РСЗА HIMARS і дальнабойныя ракеты ATACMS. Фота: militaryleak.com

Акрамя таго, міністр раскрыў тыя віды вайсковай тэхнікі, якія ўжо знаходзяцца на ўсходняй польскай мяжы каля Беларусі. Гэта паўднёвакарэйскія танкі K2 Black Panther, баявыя самалёты FA-50, рэактыўныя ўстаноўкі HIMARS і гэтак далей.

У дадзены момант польскія абаронныя замовы вылічаюцца тысячамі сучасных відаў тэхнікі. Напрыклад, толькі адных сістэм HIMARS было замоўлена звыш 500 штук. Таксама было закуплена 96 верталётаў Apache і 116 танкаў Abrams, першыя партыі якіх ужо прыбылі ў Польшчу і будуць размешчаны пераважна на польска-беларускай мяжы.

І ў дадатак да гэтага яшчэ нядаўна Польшча заявіла аб адпраўцы 10 тысяч салдат на ахову мяжы з Беларуссю, а таксама аб правядзенні спецыяльнай аперацыі Rengaw па навучанні мясцовых сіл абароны.

Усе вышэйпералічаныя дзеянні Польшчы з'яўляюцца адказам на расійскае ўварванне ва Украіну, а таксама гібрыдныя і інфармацыйныя атакі рэжыму Лукашэнкі на краіны ЕС пры дапамозе нелегальных мігрантаў, расійскай ядзернай зброі і наймітаў ПВК «Вагнер».

Каментары4

  • Lićvin
    13.08.2023
    Хутчэй бы NATO ўжо прыйшло а то Чарка і Шкварка ў вантробах засела, дзяўбуць розныя Саладухі бюджэт і сквапяцца NATOўскімі pieniądzami дзяліцца, а нам на папітсот дзірывянных як пражыць?
  • Чаркашкварка
    13.08.2023
    Apache гэта выдатна. Гэта будзе п...ц iм.
  • адресат попутан
    13.08.2023
    Бялы ожел, это вы лукашенко об его, объявленных им, экскурсиях вагнера в Варшаву, Жэшув, об разорении польских могил, репрессиях ксендзов и католиков, об бомбардировке, нелегалами, польской границы, об сотнях политических поляков в тюрьме лукашенко, об незаконном закрытии польских школ лукашенком ?

Цяпер чытаюць

Стала вядома, на чым пагарэў геній фінансаў Павел Калаўр19

Стала вядома, на чым пагарэў геній фінансаў Павел Калаўр

Усе навіны →
Усе навіны

Малады чалавек упаў на рэйкі ў метро. На платформу яго паднялі відавочцы ВІДЭА

Ці можна забраніраваць сабе месца на могілках пры жыцці, ці можна развеяць прах і колькі ў сярэднім каштуе пахаванне ў Беларусі?7

«Сяджу і разумею, што нічога не разумею». Расійская актрыса, запрошаная ў Купалаўскі тэатр, расказала пра беларускамоўны рэпертуар12

Вучыч пракаментаваў 100-тысячны пратэст у Бялградзе8

«Трамп — эта ўхадзяшчая вешч, а каханне — вечнае». Павел Гарадніцкі распавёў пра новы альбом РСП5

У Трампа патлумачылі рашэнне спыніць фінансаванне «Голасу Амерыкі»15

У агні і цісканіне на дыскатэцы ў Паўночнай Македоніі загінулі найменей 50 чалавек1

Зянон Пазняк: Ні беларусам, ні асабліва ўкраінцам нельга ахайваць Трампа252

Лойка пра будучага пераемніка Лукашэнкі: Адчуваецца, што дзядуля рыхтуецца, прыкідвае і глядзіць варыянты17

больш чытаных навін
больш лайканых навін

Стала вядома, на чым пагарэў геній фінансаў Павел Калаўр19

Стала вядома, на чым пагарэў геній фінансаў Павел Калаўр

Галоўнае
Усе навіны →

Заўвага:

 

 

 

 

Закрыць Паведаміць