Грамадства11

У Швецыі зацікавіліся загадкавым танкерам бізнэсоўцаў, звязаных з Лукашэнкам

Уладальнікаў нафтавага танкера Zircone раней заўважылі ў экспарце нафтапрадуктаў з Беларусі, якія трапілі пад санкцыі.

Танкер Zircone. Фота: marinetraffic.com

Нафтавым танкерам Zircone каля берагоў шведскага вострава Готланд валодаюць расійскі алігарх і латвійскі нафтавы магнат, якія былі заўважаныя ў гандлі нафтай з Аляксандрам Лукашэнкам. Матэрыял шведскага выдання SVT пераказвае Reform.news.

Раней тэлекампанія сцвярджала, што штодня з судна перапампоўваецца паліва для расійскага ценявога флоту.

Некалькі шведскіх ведамстваў высвятляюць, ці можна спыніць аперацыю.

Паводле звестак рэсурсу, латвійская кампанія Fastbunkering з 2022 года прадала паліва больш чым 500 суднам, амаль усе яны накіроўваліся ў Расію ці з Расіі. Аперацыі адбываюцца ў моры, і многія з задзейнічаных суднаў з'яўляюцца старымі і экалагічна небяспечнымі, гаворыцца ў матэрыяле.

Уладальнікамі кампаніі, зарэгістраванай у латвійскім рэестры прадпрыемстваў, з'яўляюцца грамадзянін Латвіі Аляксей Чулец і Сяргей Пастэрс, які мае расійскае і мальтыйскае грамадзянства, сцвярджаюць аўтары.

Як піша рэсурс, яны дзесяцігоддзямі займаліся гандлем нафтай, а ў 2022 годзе журналісцкае расследаванне выявіла іх ключавую ролю ў экспарце нафтапрадуктаў з Беларусі, якія трапілі пад санкцыі.

«Мы ведаем, што неаднаразова гэтых двух бізнэсоўцаў падазравалі ў тым, што яны дзейнічалі творча, каб абысці санкцыі на нафту як з Расіі, так і з Беларусі. Таму нельга выключаць, што яны прадаюць расійскія нафтапрадукты за межамі Готланда», — заявіў журналіст Беларускага даследчага цэнтра Станіслаў Івашкевіч, які ўдзельнічаў у расследаванні.

Па выніках расследавання эстонская паліцыя бяспекі правяла ператрус на матчынай кампаніі Fastbunkering ў Таліне, NT Bunkering, што пацвердзіла газеце Äripäev пракуратура Эстоніі. Паводле звестак выдання, падазрэнні звязаныя з парушэннямі санкцый у дачыненні да расійскіх нафтапрадуктаў, у тым ліку з падробкай мытных кодаў.

Генеральны дырэктар Fastbunkering Аляксей Волкаў пацвярджае, што Аляксей Чулец і Сяргей Пастэрс валодаюць кампаніяй, але адмаўляе, што паліва, прададзенае з Zircone, мае расійскае паходжанне.

Паводле звестак SVT, некалькі шведскіх ведамстваў высвятляюць, ці можна спыніць аперацыю. Міністэрства замежных спраў Латвіі ўжо заявіла, што ў дачыненні да кампаніі будзе праведзена расследаванне.

«Мы вельмі рады, што яны правядуць расследаванне і адкінуць усе падазрэнні супраць нашай кампаніі, якія распаўсюджваюцца ў СМІ», — заявіў Волкаў.

Каментары1

  • Žvir
    20.04.2024
    Dyk heta bunkieroūščyk, kudy jany kapājuc`, nie ū toj bok. Heta, jak cikavicca lyžkaj u taliercy supu, a nie samim supam. Tak by movic`... 
     
    Dzie toj bunkieroūščyk biare hruz na bort ? z jakoha terminala ? jak na toj terminal trapliaje padsankcyjny pietrolieūmny pradukt ? chto kryšuje ?

    U rašcy ? Nie. Heta moža byc` Muuha (Estonija), Ventspils, Ryha, Klajpieda. Boļš niama varyjantaū. 

    Pytaņnie, jak tudy moža trapliac` padsankcyjny pradukt ? Miarkuju, što nijak. 

    Nabyvajuc` u eūrapiejskich treidaraū, a pradajuc` tamu, chto kupliaje. Heta ž nie dziaržaūnyja zakupki, a zakupki pryvatnych sudnaūladaļnikaū, što bunkierujuc` svoj flot... Ničoha kryminaļnaha tam nie naryjuc`... U Mižziemnym mory kampanii admaūliajucca zapraūliac` rasiejski flot, alie heta ich pryvatnaje rašeņnie, bo zabarony niama...

Цяпер чытаюць

Стала вядома, на чым пагарэў геній фінансаў Павел Калаўр21

Стала вядома, на чым пагарэў геній фінансаў Павел Калаўр

Усе навіны →
Усе навіны

Пералічыце 1,5% падаходнага на беларускую справу. Інакш дзяржава скарыстае тыя грошы сама20

Чырвоны касцёл у Мінску хутка пачнуць рамантаваць5

У Мінску загарэўся аўтобус3

«Таварышы, канец!»: у Будапешце тысячы венграў пратэставалі супраць Орбана9

«Амерыканскі Дугін». Як малавядомы блогер уплывае на важных фігур адміністрацыі Трампа27

Сербская апазіцыя абвінаваціла ўлады ў выкарыстанні забароненай гукавой зброі супраць пратэстоўцаў

Лукашэнка хоча пабудаваць другую АЭС на патрэбы Расіі і акупаваных украінскіх тэрыторый. Але яго чакае сюрпрыз18

Малады чалавек упаў на рэйкі ў метро. На платформу яго паднялі відавочцы ВІДЭА

Ці можна забраніраваць сабе месца на могілках пры жыцці, ці можна развеяць прах і колькі ў сярэднім каштуе пахаванне ў Беларусі?7

больш чытаных навін
больш лайканых навін

Стала вядома, на чым пагарэў геній фінансаў Павел Калаўр21

Стала вядома, на чым пагарэў геній фінансаў Павел Калаўр

Галоўнае
Усе навіны →

Заўвага:

 

 

 

 

Закрыць Паведаміць