Свет88

Ізраіль нанёс удары па Емене «пасля дзевяці месяцаў бесперапынных нападаў»

Ізраіль нанёс авіяўдары па еменскім порце Хадэйда, які знаходзіцца пад кантролем узброенага праіранскага руху хусітаў, на наступны дзень пасля таго, як запушчаны групоўкай дрон атакаваў Тэль-Авіў. Ізраільскі прэм'ер назваў авіяўдары прамым адказам на гэтую атаку, піша ВВС. 

Пажар у еменскім порце Хадэйда

У заяве Арміі абароны Ізраілю гаворыцца, што «пасля дзевяці месяцаў бесперапынных паветраных нападаў» хусітаў ізраільскія знішчальнікі F-15 нанеслі масіраваны ўдар на адлегласці больш за 1800 км па ваенных цэлях у раёне порта Хадэйда на Чырвоным моры. 

Урад у Сане, які кантралюецца хусітамі, у сваю чаргу заявіў, што Ізраіль нанёс удар па нафтасховішчах недалёка ад берага мора, а таксама па электрастанцыі. Звязаныя з хусітамі агенцтвы навінаў паведамілі, што ў выніку ўдараў тры чалавекі загінулі і больш за 80 атрымалі раненні. 

«Порт, які мы атакавалі, зусім не нявінны, — заявіў у тэлезвароце да ізраільцян прэмʼер-міністр Беньямін Нетаньяху. — Ён выкарыстоўваўся для ваенных мэтаў і служыў пунктам перакідкі смяротнай зброі, якая пастаўлялася хусітам Іранам». 

«Атака была прамым адказам на ўдар беспілотнікам, у выніку якога загінуў грамадзянін Ізраіля і былі паранены іншыя грамадзяне», — сказаў Нетаньяху. 

Напярэдадні хусіты ўзялі на сябе адказнасць за атаку дрона, які раніцай у пятніцу даляцеў да Тэль-Авіва. У выніку выбуху загінуў адзін мірны жыхар — 50-гадовы мужчына, які нядаўна прыехаў з Беларусі, яшчэ восем чалавек былі параненыя. 

Хусіты і раней запускалі іранскія дроны ў бок Ізраіля, іх збівалі ізраільскія СПА. Выпадкаў, калі беспілотнікам ўдавалася даляцець да Тэль-Авіва, да пятніцы вядома не было. Тое, што гэты дрон не быў збіты, ізраільскія ўлады тлумачылі чалавечым фактарам.

Каментары8

  • Свет тэрарыстаў
    21.07.2024
    Можна негатыўна ставіцца і да некаторых палестынцаў, і да хусітаў. Бо ёсць за што. Але што Ізраіль працуе тэрарыстычнымі метадамі, тое таксама факт. А як пачынаеш пра гэта казаць, там адразу ёсць шаблонны адказ: "ты проста антысеміт".
  • бабруйчанін
    21.07.2024
    [Рэд. выдалена]
  • бабруйчанін
    21.07.2024
    бабруйчанін, ???.. зноў...Ну ты захадзі если што??))))

Цяпер чытаюць

Стала вядома, на чым пагарэў геній фінансаў Павел Калаўр19

Стала вядома, на чым пагарэў геній фінансаў Павел Калаўр

Усе навіны →
Усе навіны

Малады чалавек упаў на рэйкі ў метро. На платформу яго паднялі відавочцы ВІДЭА

Ці можна забраніраваць сабе месца на могілках пры жыцці, ці можна развеяць прах і колькі ў сярэднім каштуе пахаванне ў Беларусі?7

«Сяджу і разумею, што нічога не разумею». Расійская актрыса, запрошаная ў Купалаўскі тэатр, расказала пра беларускамоўны рэпертуар12

Вучыч пракаментаваў 100-тысячны пратэст у Бялградзе8

«Трамп — эта ўхадзяшчая вешч, а каханне — вечнае». Павел Гарадніцкі распавёў пра новы альбом РСП5

У Трампа патлумачылі рашэнне спыніць фінансаванне «Голасу Амерыкі»15

У агні і цісканіне на дыскатэцы ў Паўночнай Македоніі загінулі найменей 50 чалавек1

Зянон Пазняк: Ні беларусам, ні асабліва ўкраінцам нельга ахайваць Трампа252

Лойка пра будучага пераемніка Лукашэнкі: Адчуваецца, што дзядуля рыхтуецца, прыкідвае і глядзіць варыянты17

больш чытаных навін
больш лайканых навін

Стала вядома, на чым пагарэў геній фінансаў Павел Калаўр19

Стала вядома, на чым пагарэў геній фінансаў Павел Калаўр

Галоўнае
Усе навіны →

Заўвага:

 

 

 

 

Закрыць Паведаміць