Jak dziaržaŭnaja prapahanda manipuluje «hałasami prostych biełarusaŭ»
Dziaržaŭnyja telekanały lubiać ilustravać svaje siužety «hołasam prostych biełarusaŭ» — padborkaj ananimnych vykazvańniaŭ z forumaŭ. Pryčym hetyja mierkavańni zaŭsiody hučać va ŭnison: ci ŭsie «za», ci ŭsie «suprać».
Krynicaj vykazvańniaŭ čaściej za ŭsio stanoviacca forumy Tut.by (jany isnujuć na asobnaj placoŭcy Talks.by). U abmierkavańniach pad palityčnymi navinami zvyčajna pracujuć niekalki dziasiatkaŭ «trolaŭ»-pravakataraŭ.
Va ŭsich zarehistravanych karystalnikaŭ foruma jość mahčymaść stavić pad kožnym čužym paviedamleńniem «plus» albo «minus». Pa hetych adznakach dobra vidać staŭleńnie internet-supolnaści da taho ci inšaha mierkavańnia. «Trolaŭ» biaźlitasna minusujuć.
Voźmiem dla prykładu navinu «Zadieržanija v Dień Voli. Sčiet idiet na sotni». Pad joj było pakinuta bolš za 400 kamientaroŭ.
Samymi papularnymi byli nastupnyja:
1. «Łukašienkovskoj vłasti eto nie pomožiet. Ludi oboźleny, im dažie nie dajut vyraziť mnienije. Vłasť sama siebie rojet mohiłu, źla ludiej» (456 plusaŭ, 32 minusy).
2. «Byli by u vłasti mozhi, ona by vysłušała ludiej; mnohim ludiam jesť doma niečieho, a ich ariestovyvajut. Eto koniec łukašienkovskomu riežimu» (388 plusaŭ, 21 minus).
U navinach na «Biełaruś-1» vyrašyli źviarnucca da hetaha artykuła (videa tut). Zrazumieła, što nivodzin z papularnych kamientaroŭ u efiry nie prahučaŭ. Pahladzicie, jakija vykazvańni nadziorhali prapahandysty:
- «Mitinh nie był razriešien. Voźle parka sobraťsia razriešili. Niet žie pruťsia. Čieho tohda obižaťsia, sami žie na rožon lezietie» (109 minusaŭ, 18 plusaŭ).
- «A hdie ludi? Snova pšik u oppozicii,nie połučiłoś primazaťsia k niedovolnym diekrietom? Oppozicija luboje mieroprijatije isportit» — heta ŭvohule kampilacyja z dvuch kamientaroŭ, pryčym pakinutych pad inšym artykułam. Ahułam jany atrymali 825 minusaŭ i 116 plusaŭ.
- «Kto možiet objaśniť začiem oni tuda chodiat?» — 35 minusaŭ, 15 plusaŭ (heta taksama inšy artykuł).
- «Vsio eto pustoje. Kak dla 99% prosto biełorusov, tak i dla 1% «nacyjalna śviadomych» biełorusov. Etot dień dla nich prosto povod povydiorhivaťsia» — hety kamientar adsutničaje na forumach. Mahčyma, jon byŭ vydaleny maderatarami.
- «Nu čto žie, posmotrim na Minsk, a to v druhich horodach sovsiem tuchło, marši mohut byť tolko po očieriedi, odnovriemienno kak vidim odna i ta žie kompaška viezdie nachodiťsia nie možiet» — 135 minusaŭ, 32 plusy.
* * *
Padobnaja situacyja była i na telekanale STB. Tolki tut pieravažna brali vykazvańni «trolaŭ» z dalejšych staronak abmierkavańnia. Datul dahortvaje mała chto z karystalnikaŭ, tamu i kolkaść vystaŭlenych adznak nižejšaja.
- «Oppy, vy kromie žyvie Biełaruś možietie čto? Ona i biez vas žiła i budiet žiť. A choť čto-to po diełu słabo?» — 344 minusy i 86 plusaŭ.
- «posłušajtie chotitie mitinhovať u siebia mitinhujtie ili jeŝie hdie a ja choču spokojno hulať kak rańšie po horodu so svojej sieḿjej» — 16 minusaŭ i 5 plusaŭ.
- «Nu i KTO miešał bčb-zmaharam vyskazať svojo niedovolstvo i proviesti šiestvije po sohłasovannomu s vłastiami maršrutu?» — 18 minusaŭ i 5 plusaŭ.
- «Naša oppozicija nie sostojatielna…. Nikakoj narodnoj poddieržki…» — 15 minusaŭ i 7 plusaŭ.
- «statkievič navierno doma pod vienik zabiłsia i drožit» — 8 minusaŭ i 12 plusaŭ.
* * *
Takim čynam, ahułam cytaty, začytanyja na BT i STB, atrymali 296 «łajkaŭ» i 1505 «dyzłajkaŭ».
Kamientary