Hramadstva77

Ci jość u biełaruskich hienierałaŭ płan na vypadak napadu Rasii na Biełaruś

Valer Sachaščyk u intervju prajektu «Tok»raspavioŭ, ci mahčyma vajna Rasii ź Biełaruśsiu, jaki płan u biełaruskich hienierałaŭ na vypadak takoj vajny, čym adroźnivajecca Załužny ad Chrenina, a Daniłaŭ ad Valfoviča.

Valeryj Sachaščyk Valerij Sachaŝik Valeriy Sakashchyk
Valeryj Sachaščyk u studyi «Tok». Skrynšot videa TOK_talk / YouTube

Ci mahčyma vajna Rasii ź Biełaruśsiu 

Sachaščyk adznačyŭ, što ŭ Rasii niama sensu ciapier napadać na Biełaruś. Jana i tak moža jaje ŭ luby momant zabrać.

«Rasijskija vajennyja znachodziacca ŭ Biełarusi. Jany mohuć, nie pytajučysia ni ŭ koha, pavialičyć kolkaść vajennych, zrabić usio, što zaŭhodna. Kali nazyvać rečy svaimi imionami, Administracyja Łukašenka — heta akupacyjnaja administracyja, jakaja pradstaŭlaje intaresy Rasijskaj Fiederacyi. Tak, jany pra siabie nie zabyvajucca. Jany chočuć pa maksimumie zachavać za saboju ŭładu i paŭnamoctvy. Ale pavadok u ich vielmi karotki».

Ci majuć biełaruskija hienierały płan na vypadak vajny Rasii suprać Biełarusi

Sachaščyk padkreślivaje, što nielha ŭsich biełaruskich hienierałaŭ raŭnavać pad adzin hrebień, bo jany roznyja. Druhaja akaličnaść, jakuju treba ŭličvać, heta vajennaja daktryna Biełarusi. Pa joj voraham Biełarusi źjaŭlajecca NATA.

«Lubomu myślačamu čałavieku, a tym bolš myślačamu hienierału zrazumieła, što śmiešna čakać ad NATA ahresii z Zachadu. Ale jon — čynoŭnik, jaki abaviazany vykonvać pradpisańni, jakija da jaho daviedzieny staršym načalnikam. Pa ich jon pavinien siabravać z Rasijaj i vajavać suprać NATA».

Čym Załužny adroźnivajecca ad Chrenina

Padčas razmovy Sachaščyku prapanavali adkazać, čym hałoŭnakamandujučy Uzbrojenymi siłami Ukrainy Valeryj Załužny adroźnivajecca ad ministra abarony Biełarusi Viktara Chrenina. Valeryj Sachaščyk z uśmieškaj adkazaŭ, što hetych ludziej jon uvohule nie paraŭnoŭvaŭ by.

Valerij Sachaŝik i Valerij Załužnyj Valery Sakhashchyk and Valery Zaluzhny Valeryj Sachaščyk i Valeryj Załužny
Valeryj Sachaščyk i Valeryj Załužny. Fota: sacsietki

«Toje, što adzin i druhi ŭ hienieralskaj formie, na hetym padabienstva i zakančvajecca. Załužny — heta vialiki myślar svajho času. Pierad usim hienij myśli. Heta čałaviek, jaki zaŭsiody dumaje na hady napierad. Jon ciapier znachodzić sposaby ŭzbrojenaj baraćby, da jakich ludzi dadumajucca nieviadoma kali. Jon heta stvaraje, vielmi chutka ŭkaraniaje.

Jon stvaryŭ sistemu, pry jakoj ad idei da techničnaj realizacyi i vykarystańnia na poli boju prachodziać usiaho tydni. Jon stvaryŭ takuju kamandu, taki kalektyŭ zacikaŭlenych, matyvavanych, patryjatyčnych ludziej, pry jakoj prosty čałaviek moža niešta prydumać i ŭ luby momant zajści da Valeryja Fiodaraviča, prapanavać, i jon absalutna ŭpeŭnieny, što ŭžo siońnia viečaram u jaho budzie ŭsio dla taho, kab heta realizavać.

Takich ludziej, jak Załužny, historyja naradžaje redka. Heta prosta padarunak losu, što va Ukrainie akazaŭsia taki čałaviek».

Chrenin ža na svajoj pasadzie, na pohlad Sachaščyka, «standartny čynoŭnik u vajennym pinžaku z pahonami».

Kali ž havaryć pra zdolnaść siońniašniaha ministra abarony abaraniać Biełaruś, to Sachaščyk prapanoŭvaje zhadać padziei 9 žniŭnia 2020 hoda:

«Dzie byŭ Chrenin? U špitali. Jon zachvareŭ. Pakul usio chistałasia, kałyvałasia, i była niezrazumiełaja situacyja, jon addaŭ pieravahu dla siabie pachvareć».

Čym Daniłaŭ adroźnivajecca ad Valfoviča

A voś paraŭnać sakratara Rady nacyjanalnaj abarony i biaśpieki Ukrainy Alaksieja Daniłava i dziaržsakratara Rady nacyjanalnaj biaśpieki Biełarusi Alaksandra Valfoviča Valeryju Sachaščyku ciažej:

«Pa-pieršaje, ja asabista nie znajomy z Daniłavym. Mnie składana acharaktaryzavać hetaha čałavieka. Ja mahu niejak sudzić pa infarmacyi, što zjaŭlajecca ŭ adkrytych krynicach. Jon stvaraje ŭražańnie vielmi mocnaj celnaj asoby, jakaja zdolnaja sistemna myślić i realizoŭvać surjoznyja zadačy».

Alaksandr Valfovič Alexander Volfovich Aleksandr Volfovič
Alaksandra Valfoviča Sachaščyk ličyć vielmi adukavanym i intelihientnym čałaviekam. Fota: telehram-kanał unutranych vojskaŭ MUS

Adnosna Valfoviča Sachaščyk adznačyŭ, što jon dobraha mierkavańnia ab im:

«Ja dobra viedaju hetaha čałavieka. U mianie zaraz palaciać kamiani, mahčyma i inšyja pradmiety, ale ja liču, što pavinien havaryć toje, što ja dumaju. Ja liču Valfoviča vielmi adukavanym, vielmi intelihientnym čałaviekam.

I, jak by heta ni hučała niečakana dla aŭdytoryi, patryjotam Biełarusi. Na žal, na tym miescy i ŭ toj roli, u jakoj jon znachodzicca, jon pastupaje tak, jak pastupaje. Ale ja vieru ŭ toje, što kali pamianiajecca situacyja, jon prajavić svaje lepšyja jakaści, svoj patencyjał i pryniasie vialikuju karyść Biełarusi».

Hladzicie całkam:

Kamientary7

  • Josik
    25.10.2023
    Navat, nie viedaju, jak pavioŭ by siabie spadar Sachaščyka, budź jon u žniŭni 2020 dziejučym kamandziram bresckich desantnikaŭ? Što zrabiŭ łukašenka pierad vybarami? Jon abjechaŭ vajskoŭcaŭ, amapaŭcaŭ, atrymaŭ ad ich padćvierdžańnie, što ŭsich pazabivajem, a ty budzieš nadalej ździekvacca z hetaha maŭčalivaha narodu. Zaraz usie byłyja tak śpiavajuć pryhoža, a čamu vas nie było čuvać u 2015, 2016, 2017, 2019? Usio było dobra, łukašenka tolki 10 žniŭnia 2020 sapsavaŭsia?
  • Piecia
    25.10.2023
    Sachačyk,iak i Paźniak, dvie łukašenkaŭskija kansiervy. A Valfovič kansierva rasiejskaja.
  • Vovan
    25.10.2023
    Čuš niesuśvietnaja... Jeŝio by pro płan napada Taiłanda ....

Ciapier čytajuć

Try porcyi marožanaha i pieraapranutaja babula ŭ lesie — jak zatrymlivali zabojcu z praśpiekta Rakasoŭskaha i jaho baćkoŭ2

Try porcyi marožanaha i pieraapranutaja babula ŭ lesie — jak zatrymlivali zabojcu z praśpiekta Rakasoŭskaha i jaho baćkoŭ

Usie naviny →
Usie naviny

Žychary damoŭ pa vulicy Siamionava ŭ Minsku časova adstajali svajo žyllo2

Biełarusy napisali ŭ Kanstytucyjny sud bolš za 113 skarhaŭ. Mikłaševič: Prydatnyja tolki 5% ź ich

Prablemy ź vizami na kancert Karža ŭ Varšavie — biełarusy atrymlivajuć admovy pa niezrazumiełych pryčynach14

Tramp patłumačyŭ kiraŭniku NATA, čamu ZŠA patrebnaja Hrenłandyja10

Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej34

«Niaskoranaje pakaleńnie». Vyjšła kniha ab represavanych studentach4

Čynoŭnica Homielskaha abłvykankama ŭ razmovie z błohieram pryznałasia ŭ palityčnych čystkach2

«A mianie za što?» I kupcy sa Smalenska, jakija nachabna źbivajuć košt dziedavaj chaty — strašnaja kniha pra nastupstvy5

«Kultura i mastactva» praviała na piensiju hałoŭnuju redaktarku. Ni słova pa-biełarusku17

bolš čytanych navin
bolš łajkanych navin

Try porcyi marožanaha i pieraapranutaja babula ŭ lesie — jak zatrymlivali zabojcu z praśpiekta Rakasoŭskaha i jaho baćkoŭ2

Try porcyi marožanaha i pieraapranutaja babula ŭ lesie — jak zatrymlivali zabojcu z praśpiekta Rakasoŭskaha i jaho baćkoŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić