Paplečniki rasijskaha apazicyjaniera, jaki adbyvaje 19-hadovy termin u kałonii strohaha režymu va Uładzimirskaj vobłaści, ciaham šaści dzion nie mahli atrymać infarmacyju pra jaho. U paniadziełak u kałonii narešcie zajavili, što źniavolenaha Navalnaha ŭ ich bolš niama, ale dzie jon — nie skazali, piša Bi-bi-si.
«Tolki što da advakata vyjšli z PK-6 Mielechava i skazali, što źniavoleny Navalny ŭ ich bolš nie ličycca. Kudy jaho pieraviali, kazać admaŭlajucca», — napisała ŭ sacsietcy Ch (były Twitter) pres-sakratarka Alaksieja Navalnaha Kira Jarmyš.
Paplečnik palityka Ivan Ždanaŭ śćviardžaje, što advakaty Navalnaha nie znajšli jaho i ŭ VK-7 — adzinaj kałonii asobaha režymu va Uładzimirskaj vobłaści.
«Heta značyć, jon moža być dzie zaŭhodna. Što horš za ŭsio — moža niekalki tydniaŭ być na etapie», — dadaŭ inšy paplečnik apazicyjaniera Leanid Vołkaŭ.
Paniadziełak staŭ užo šostym dniom z tych časoŭ, jak členy kamandy Navalnaha stracili mahčymaść atrymlivać infarmacyju pra toje, dzie jon i što ź im.
11 śniežnia apazicyjaniera pavinny byli padklučyć pa videasuviazi da pasiadžeńnia suda pa jaho pazovach da kałonii, adnak hetaha znoŭ nie adbyłosia. Sa słoŭ paplečnikaŭ palityka, u administracyi kałonii śćviardžajuć, što z 7 śniežnia nie mohuć papravić elektryčnaść.
Na žal, u Biełarusi advakaty i rodnyja nie viedajuć pra palityčnych viaźniaŭ kudy bolšy termin. Pra Mikołu Statkieviča ničoha nie viadoma ź lutaha 2023 hoda, pra Viktara Babaryku z kanca krasavika, pra Siarhieja Cichanoŭskaha z pačatku lipienia. I heta daloka nie poŭny śpis.
Ciapier čytajuć
Muž hałoŭnaj hieraini prapahandysckaha filma BT skončyŭ žyćcio samahubstvam5
Kamientary
Idyiot © 🤦