Śviet1212

NATA čakaje napadu Rasii praź Biełaruś užo ŭ pačatku 2025 — Bild

Niamieckaje vydańnie Bild atrymała dostup da sakretnaha dakumienta Bundeśviera, u jakim raśpisany scenar paŭnavartasnaha rasijskaha ŭvarvańnia ŭ Jeŭropu ŭ 2025 hodzie, da jahoha ciapier rychtujecca NATA. U hetym scenary asnoŭnaja rola adviedziena Biełarusi.

Vajskoŭcy na vučeńniach u Biełarusi. Fota: «Naša Niva»

Pavodle sakretnaj spravazdačy Minabarony Hiermanii (Bundeśviera), NATA aktyŭna rychtujecca da scenaru poŭnamaštabnaj vajny z Rasijaj užo ŭ pačatku 2025 hoda, kali taja moža vyrašyć uvarvacca ŭ Jeŭropu praź Biełaruś.

U scenary pad nazvaj «Abarona Aljansu 2025» padrabiazna raśpisany mahčymyja dziejańni Rasii ŭ padrychtoŭcy ŭvarvańnia, pačynajučy ź lutaha 2024 hoda.

Tak, užo ŭ hetym lutym, zhodna ź infarmacyjaj niamieckaj vyviedki, Rasija moža pravieści čarhovuju chvalu mabilizacyi i nabrać dadatkova 200 tysiač čałaviek dla novaha viasnovaha nastupu va Ukrainie, «jaki pavinien adkinuć USU jašče dalej nazad ź ich ciapierašnich pazicyj».

Dalej, jak piša Bild, Rasija letam moža pačać aktyŭna ździajśniać kibierataki na sistemy NATA i pravakavać biesparadki ŭ krainach Bałtyi z udziełam etničnych rasijan, što stanie padstavaj dla praviadzieńnia ŭ vieraśni na terytoryi Biełarusi vučeńniaŭ «Zachad-2024» z udziełam 50 tysiač rasijskich sałdat.

Na padstavie vučeńniaŭ Rasija, pavodle scenaru, usiu vosień budzie naroščvać svoj vajskovy kantynhient i arsienał rakiet u Biełarusi la miežaŭ Litvy i Polščy, adnačasna robiačy toje ž samaje i z boku Kalininhrada.

Potym u śniežni 2024-ha ŭ rajonie Suvałkskaha kalidora Rasija moža spravakavać «štučny pamiežny kanflikt» i «biesparadki sa šmatlikimi achviarami», jak heta było ŭ 2021-m ź nielehalnymi mihrantami.

Usio heta pavinna budzie adbyvacca ŭ razhar vybarčaj kampanii ŭ ZŠA, kali ŭ krainy jašče nie budzie abranaha lidara.

Infahrafika ruskaj słužby Bild

«Mienavita ŭ toj momant Rasija pry dapamozie Biełarusi moža zładzić u rajon Suvałkskaha kalidora vajskovaje ŭvarvańnie, padobnaje da rasijskich dziejańniaŭ va Ukrainie ŭ 2014 hodzie», — piša Bild, spasyłajučysia na sakretny dakumient Bundeśviera.

Taki ž scenar raniej apisvała inšaja krynica vydańnia ŭ adnoj ź jeŭrapiejskich vyviedak. 

Jak prahnazuje niamieckaja vyviedka, paśla hetaha Rasija ŭ stu‌dzieni nastu‌pnaha ho‌da skli‌ča pazačarho‌vaje pasie‌džańnie Ra‌dy Biaśpie‌ki AA‌N, na jako‌j źvinava‌cić krai‌ny Za‌chadu ŭ padrychtoŭcy napa‌du na Rasi‌iu. U he‌ty ž čas ad NA‌TA čaka‌iecca sklika‌ńnie svajho‌ ŭła‌snaha e‌kstranaha pasie‌džańnia.

Čakajecca, što ŭ sakaviku 2025 hoda Rasija pierakinie ŭ Biełaruś dadatkovyja dźvie tankavyja dyvizii i bolš za 70 tysiač sałdat. U adkaz na heta NATA ŭ mai pierakinie da miežaŭ Rasii i Biełarusi 300-tysiačny vajskovy kantynhient, siarod jakich budzie 30 tysiač sałdat z Hiermanii.

Dalej, pa scenary, pavinien adbycca «Dzień X» (paŭnamaštabnaje rasijskaje ŭvarvańnie i vajna z NATA), zychod jakoha ŭ dakumiencie zastajecca adkrytym, adznačaje Bild.

U samim Bundeśviery admovilisia kamientavać vydańniu infarmacyju z uciečki.

Nahadajem, što vydańnie Bild sa spasyłkaj na vysokapastaŭlenyja krynicy ŭ NATA jašče ŭ 2021 hodzie dakładna pradkazała momant pačatku vajny va Ukrainie i rasijski scenar jaje praviadzieńnia z ŭdziełam Biełarusi.

Tady Bild pisaŭ, što Rasija ŭvarviecca ŭ tym liku i ź biełaruskaha kirunku, a kančatkovaj metaj stanie źniščeńnie ŭkrainskich uładaŭ razam z dałučeńniem Ukrainy da Sajuznaj dziaržavy Rasii i Biełarusi.

Kamientary12

  • Henanieto
    15.01.2024
    Nia isnuju sajuznaj dziaržavy a jość akupacyja!
  • You
    15.01.2024
    Mienavita tak. Paśla vybaraŭ ZŠA Maskovija płanuje raspačać ahresiju suprać krain NATA. Adzinaje što moša supynić Maskoviju - paraza na ŭkrainskim froncie ŭ 2024 i ŭpeŭnienaść što jeŭrapiejskija krainy NATA zdolny dać adkaz z udaram pa łukašyzmu ŭ Biełarusi.
  • Pacyfist
    15.01.2024
    Nažal, usio idzie da taho, što z krain Bałtyi i Polščy ŭsich hramadzian RB, RF, a mabyć i Ukrainy departujuć, nie raźbirajučysia, chto za kaho. A kaho nie departujuć, tych internujuć. Tamu biełarusam varta ŭžo ciapier šukać sabie miesca padalej ad budučaha «teatra» vajennych dziejaŭ. Być hramadzianami varožych krain na terytoryi Nata padčas vajny - niezajzdrosny los.

Ciapier čytajuć

Stała viadoma, na čym pahareŭ hienij finansaŭ Pavieł Kałaŭr19

Stała viadoma, na čym pahareŭ hienij finansaŭ Pavieł Kałaŭr

Usie naviny →
Usie naviny

Sierbskaja apazicyja abvinavaciła ŭłady ŭ vykarystańni zabaronienaj hukavoj zbroi suprać pratestoŭcaŭ

Łukašenka choča pabudavać druhuju AES na patreby Rasii i akupavanych ukrainskich terytoryj. Ale jaho čakaje siurpryz18

Małady čałaviek upaŭ na rejki ŭ mietro. Na płatformu jaho padniali vidavočcy VIDEA

Ci možna zabraniravać sabie miesca na mohiłkach pry žyćci, ci možna raźviejać prach i kolki ŭ siarednim kaštuje pachavańnie ŭ Biełarusi?7

«Siadžu i razumieju, što ničoha nie razumieju». Rasijskaja aktrysa, zaprošanaja ŭ Kupałaŭski teatr, raskazała pra biełaruskamoŭny repiertuar12

Vučyč prakamientavaŭ 100-tysiačny pratest u Białhradzie8

«Tramp — eta ŭchadziaščaja viešč, a kachańnie — viečnaje». Pavieł Haradnicki raspavioŭ pra novy albom RSP5

U Trampa patłumačyli rašeńnie spynić finansavańnie «Hołasu Amieryki»15

U ahni i ciskaninie na dyskatecy ŭ Paŭnočnaj Makiedonii zahinuli najmieniej 50 čałaviek1

bolš čytanych navin
bolš łajkanych navin

Stała viadoma, na čym pahareŭ hienij finansaŭ Pavieł Kałaŭr19

Stała viadoma, na čym pahareŭ hienij finansaŭ Pavieł Kałaŭr

Hałoŭnaje
Usie naviny →

Zaŭvaha:

 

 

 

 

Zakryć Paviedamić