Futbolny kłub z Salihorska budzie hulać u druhoj lizie pad novaj nazvaj
U Salihorsku stvoranaja novaja kamanda dla ŭdziełu ŭ Druhoj lizie (treci futbolny dyvizijon krainy). Jana budzie nazyvacca FK «Salihorsk», paviedamlaje telehram-kanał «Ucho».
«Šachcior» i «Partyzan» nie płanujuć udzielničać u Druhoj lizie. Hulcy «Partyzana», jak i moładź «Šachciora», buduć vystupać za FK «Salihorsk».
Nahadajem, što «Šachcior» Salihorsk byŭ trochrazovym čempijonam krainy pa futbole (2005, 2020, 2021), a zavajavanyja ŭ 2022 hodzie załatyja miedali byli anulavanyja, a kłub na dva siezony byŭ aštrafavany adabrańniem peŭnaj kolkaści bałaŭ z-za damoŭnych matčaŭ.
U minułym siezonie «Šachcior» vylecieŭ u pieršuju lihu, ale nie padaŭ zajaŭku na ŭdzieł u joj i faktyčna byŭ rasfarmiravany.
Kamientary