Kiraŭnik Telegram prakamientavaŭ viartańnie z Francyi ŭ Dubaj.
«Jak vy, mahčyma, čuli, ja viarnuŭsia ŭ Dubaj paśla niekalkich miesiacaŭ, praviedzienych u Francyi, z-za rasśledavańnia, źviazanaha ź dziejnaściu złačyncaŭ u Telegram. Praces praciahvajecca, ale pryjemna viarnucca dadomu», — napisaŭ zasnavalnik Telegram Pavieł Duraŭ u svaim kanale.
U subotu stała viadoma, što Duravu dazvolili časova pakinuć Francyju, i z dazvołu ŭładaŭ jon źjechaŭ u Dubaj.
Duraŭ byŭ zatrymany ŭ žniŭni minułaha hoda ŭ Francyi, jamu pradjavili abvinavačvańni, źviazanyja z złoŭžyvańniami ŭ Telegram, i zabaranili pakidać krainu.
«Ja chaču padziakavać śledčym sudździam za toje, što jany dazvolili hetamu adbycca, a taksama maim advakatam i kamandzie za ich niastomnyja namahańni, nakiravanyja na toje, kab dakazać, što ŭ pytańniach maderacyi, supracoŭnictva i baraćby sa złačynnaściu Telegram na praciahu mnohich hadoŭ nie tolki vykonvaŭ, ale i pieraŭzychodziŭ svaje jurydyčnyja abaviazacielstvy», — adznačyŭ Duraŭ.
Ciapier čytajuć
Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch15
Kamientary