Vienhryja pahadziłasia praciahnuć sankcyi suprać Rasii paśla zvanka Rubia
Dziaržaŭny sakratar ZŠA Marka Rubia pravioŭ telefonnuju razmovu ź ministram zamiežnych spraŭ Vienhryi Pieteram Sijarta, pierakanaŭšy jaho nie błakavać praciahvańnie sankcyj Jeŭrasajuza suprać Rasii, paviedamlajuć krynicy vydańnia Politico.
Vienhryja ŭ studzieni była hatovaja zabłakavać praciahvańnie sankcyj, uviedzienych Jeŭrasajuzam suprać Rasiei, adnak dała zhodu padoŭžyć ich jašče na paŭhoda na patrabavańnie Vašynhtona. Pra heta piša vydańnie Politico sa spasyłkaj na vysokapastaŭlenyja krynicy.
Jak śćviardžajecca, dziaržsakratar ZŠA Marka Rubia patelefanavaŭ ministru zamiežnych spraŭ Vienhryi Pieteru Sijarta i pierakanaŭ jaho nie błakavać praciahvańnie sankcyj.
Ułady Vienhryi nieadnarazova zajaŭlali pra padtrymku palityki prezidenta ZŠA Donalda Trampa i krytykavali inšyja krainy ES, abvinavačvajučy ich u niežadańni damahacca miru va Ukrainie. Toje, što Vašynhton nacisnuŭ na Budapiešt u pytańni praciahvańnia sankcyj, jak adznačaje Politico, stała pryjemnym siurpryzam dla tych palitykaŭ ES, jakija vystupajuć za ćviordy kurs u dačynieńni da Rasii.
Pry hetym, jak piša toje ž Politico, Złučanyja Štaty mohuć padtrymać pasłableńnie sankcyj u dačynieńni da Rasii padčas pieramoŭ ab zakančeńni vajny.
Vydańnie nahadvaje, što prezident ZŠA Donald Tramp niadaŭna pryhraziŭ Maskvie ŭvieści dadatkovyja abmiežavańni. Heta vyklikała nadzieju ŭ jeŭrapiejskich palitykaŭ, ćviorda nastrojenych supraćstajać Pucinu, što Tramp sapraŭdy moža dapamahčy ich spravie.
U toj ža čas ministr zamiežnych spraŭ Estonii Marhus Cachkna zajaviŭ, što jon
«dastatkova pierakanany, što ŭ nas jość mahčymaść uvieści značna bolš strohija sankcyi, tamu što vidavočna, što ZŠA taksama źbirajucca heta zrabić, kali Pucin nie źmienić mety».
Pradstaŭnik prezidenta Ukrainy pa sankcyjnaj palitycy Uładzisłaŭ Ułasiuk u intervju vydańniu paćvierdziŭ, što ŭ Kijevie buduć hatovyja padtrymać źniaćcie sankcyj u vypadku, kali heta pryviadzie da zakančeńnia ahresii i ŭstalavańnia tryvałaha miru, jaki ŭklučaŭ by ŭ siabie kampiensacyi dla achviar ahresii.
Dziaržsakratar ZŠA raskazaŭ pra dva płany vyrašeńnia kanfliktu va Ukrainie
Dziaržsakratar ZŠA zaklikaŭ da «aściarožnaha aptymizmu» adnosna pieramirja pamiž Ukrainaj i Rasijaj
Łaŭroŭ i Rubia pahavaryli pa telefonie
Administracyja Trampa departavała vieniesuelcaŭ u Salvador, niahledziačy na zabaronu sudździ
Kamientary