U Biełarusi minimum 133 čałavieki asudžany pavodle «terarystyčnych artykułaŭ»
U Biełarusi pieraśledujuć pavodle siami «terarystyčnych artykułach». Pavodle ich u sukupnaści ź inšymi artykułami asudzili nie mienš za 133 čałavieki. Ź ich 40 asudžanych — za padtrymku Ukrainy ŭ vajnie, 17 asudzili zavočna, dzieviać asudžanych — hramadzianie inšych dziaržavaŭ, čatyry čałavieki — piensijnaha ŭzrostu, piša «Viasna».
Samy raspaŭsiudžany artykuł dla palityčnaha pieraśledu — «akt teraryzmu» (art. 289 KK). Pavodle jaho ŭ Biełarusi asudzili 71 čałavieki. Ź ich 26 — za padtrymku Ukrainy ŭ vajnie z rasiejskaj ahresijaj, dzieviać — zavočna, vosiem— pa «spravie dyviersii ŭ Mačuliščach», vosiem — zamiežnyja hramadzianie.
Pavodle art. 290-4 KK (stvareńnie arhanizacyi dla ažyćciaŭleńnia terarystyčnaj dziejnaści abo ŭdzieł u joj) asudzili minimum 21 čałavieka. Heta «rejkavyja partyzany», fihuranty «spravy AHSB» i «Busły laciać», «spravy za ataku dronam bazy AMAP». Pavodle hetaha artykuła, u tym liku sudzili i Janu Pinčuk, jakuju ekstradavali z Rasii.
Za «arhanizacyju dziejnaści terarystyčnaj arhanizacyi i ŭdzieł u takoj arhanizacyi» (art. 290-5 KK) asudzili šeść čałaviek. Siarod ich — fanat z Mahilova Siarhiej Cichanaŭ, žychar Pietrykava Ivan Suchamieraŭ, žychar Śvietłahorska Maksim Drabnica.
Pavodle art. 359 KK (akt teraryzmu ŭ dačynieńni da dziaržaŭnaha ci hramadskaha dziejača) u Biełarusi asudzili 11 čałaviek — heta fihuranty «spravy Hajdukieviča», «spravy AHSB» i «Busły laciać».
Za «pahrozu ździajśnieńnia akta teraryzmu» (art. 290 KK) u Biełarusi asudzili šeść čałaviek. Siarod ich — Mikałaj Aŭtuchovič, były vajskoviec Pavieł Kučynski
Za danaty inicyjatyvam i strukturam, pryznanych u Biełarusi «terarystyčnymi arhanizacyjami», pieraśledujuć pavodle art. 290-1 KK (finansavańnie terarystyčnaj dziejnaści). Pa hetym artykule asudžana nie mieniej za 17 čałaviek. Siarod asudžanych — były deputat Andrej Bremšmit, ajcišniki Alaksandr Zijazetdzinaŭ i Anatol Vaładźko, trenier-masažyst Mikałaj Vasilevič, mieniedžar farmaceŭtyčnych kampanijaŭ Siarhiej Šeleh, pradprymalnik, jaki viarnuŭsia z-za miažy Artur Rolič.
Pavodle art. 126 KK (akt mižnarodnaha teraryzmu) u Biełarusi asudzili adnaho čałavieka — hramadzianina Rasii Alaksieja Kulikova. Tak kvalifikavali jaho dziejańni pa fotazdymcy hienkonsulstva RF u Hrodnie.
Ciapier čytajuć
Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch20
Kamientary