Śviet22

«Zrabicie tak, kab jon nie skardziŭsia». U irkuckaj kałonii zahinuŭ viazień, jaki vystupaŭ paciarpiełym pa spravie ab katavańniach

Jak zaznačajuć rasijskija pravaabaroncy, Tachiržon Bakijeŭ nakłaŭ na siabie ruki.

Tachiržon Bakijeŭ. Fota: arbatmedia.kz

U irkuckaj kałonii numar 6 zahinuŭ źniavoleny Tachiržon Bakijeŭ, jaki raniej vystupaŭ paciarpiełym pa spravie ab katavańniach suprać troch supracoŭnikaŭ kałonii i šaściarych źniavolenych, piša Ruskaja słužba Radyjo Svaboda.

Pra jaho hibiel paviedamili pravaabaroncy ŭ telehram-kanale «Zapraŭka 38». Pa ich danych, Bakijeŭ nakłaŭ na siabie ruki.

Telehram-kanał apublikavaŭ fotakopiju apošniaha lista, jaki Bakijeŭ dasłaŭ z kałonii. U im jon prosić pryciahnuć uvahu da katavańniaŭ, jakija da jaho prymianiali. List zakančvajecca słovami «Dapamažycie, kali łaska, sam ja ŭžo nie spraŭlajusia. Nie chaču pamirać tut z farmuloŭkaj, što sam».

6 lutaha siastra Bakijeva Narhiz paćvierdziła redakcyi Sibir.Realii jaho śmierć. Siońnia joj patelefanavali supracoŭniki słužby vykanańnia pakarańniaŭ i paprasili «pryjechać i zabrać cieła». Kiraŭnictva kałonii i ŭłady pakul nie kamientavali śmierć źniavolenaha.

Bakijeva ŭ 2019 hodzie pryhavaryli da siami hadoŭ pazbaŭleńnia voli pa artykule ab kradziažy zbroi. Pieršapačatkova jon adbyvaŭ pakarańnie ŭ anharskaj VK-15. U 2021 hodzie jaho pa zahadzie pracaŭnikoŭ kałonii žorstka katavali sukamierniki.

Jany źbili Bakijeva i zhvałtavali jaho švabraj, pryčyniŭšy surjoznuju škodu jaho zdaroŭju.

U studzieni minułaha hoda Bakijeŭ paprasiŭ AAN, Jeŭrapiejski kamitet pa praduchileńni katavańniaŭ i rasijskich pravaabaroncaŭ abaranić jaho ad pahrozaŭ turemščykaŭ.

«Supracoŭniki irkuckaj słužby adbyćcia pakarańniaŭ i apieradździeła kałonii ŭvieś čas mnie pahražali, akazvali psichałahičny cisk, zvali «ciarpiłaj», sprabavali davieści da suicydu. Kazali, što [były načalnik kałonii] Ahapaŭ mnie hetaha nie prabačyć — jon zarabiŭ sabie [zvańnie] padpałkoŭnika, a z-za mianie ŭ jaho nakryłasia karjera», — raspaviadaŭ Bakijeŭ u liście.

Katavańni Bakijeva paćvierdzili miedyki i ambudsmen Pryanharja Śviatłana Siamionava. U liście źniavoleny piša, što z-za zvarotu da ambudsmena cisk staŭ jašče macniejšym, sama jana chutka pierastała vychodzić na suviaź z Bakijevym, i, jak jamu pieradali, nibyta skazała opieram:

«Zrabicie tak, kab jon nie skardziŭsia».

Abarona i blizkija paciarpiełaha paviedamlali, što jaho prymušali admovicca ad advakata i akazvali inšy cisk, kab jon admoviŭsia ad pakazańniaŭ.

U pačatku lutaha minułaha hoda sud vynies prysud datyčnym da katavańniaŭ Bakijeva supracoŭnikam kałonii. Eks-načalnika VK-6 Alaksieja Ahapava, namieśnika načalnika apieratyŭnaha adździeła Alaksieja Miednikava i opierupaŭnavažanaha Antona Jarochina pryhavaryli da 5 hadoŭ kałonii ahulnaha režymu.

U žniŭni taho ž hoda vinavatymi ŭ katavańniach źniavolenaha z toj ža kałonii Kiežyka Andara pryznali eks-načalnika apieratyŭnaha adździeła SIZA-1 Maksima Volfa, staršaha apierupaŭnavažanaha Andreja Mialenćjeva, małodšaha inśpiektara dziažurnaj hrupy Maksima Dančynava i dziažurnaha pamočnika. Maskvicina.

Za zhvałtavańnie źniavolenaha z Tuvy, jaki staŭ invalidam, supracoŭnikam prysudzili ad 4 da 5 hadoŭ kałonii. Sam jon vyjšaŭ z kałonii ŭ vieraśni taho ž hoda.

Kamientary2

  • Vasilij
    06.02.2024
    Raška - ad. Ot rośsijan nado ohradiťsia kitajskoj stienoj. Dikari.
  • Josik
    06.02.2024
    Kałonii padobnyja a kancłahiery pry nacystaŭ - što chacieli, toje i rabili. Ale tam byli "vorahi", a tut, zdajecca, rasiejcy, hramadzianie i žychary adnoj krainy. U armii taki ž treš zastaŭsia z časoŭ SSSR - ździeki z maładych, pry čym aficery nie baroniać maładych, jany zajmajuć bok starasłužačych. Vajar pavinien prajści ŭsie pakuty. Navošta?

Ciapier čytajuć

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»12

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»

Usie naviny →
Usie naviny

U źlitaj razmovie siłaviki raskazali, jak šukajuć ludziej pa bazie z SIM-kartami5

Brend taksi Maxim patłumačyŭ, što značyć vyklučeńnie jahonaha dyśpietčara z rejestra

U Minsku 500 paviljonaŭ na prypynkach hramadskaha transpartu pamianiajuć na novyja3

«Vydatnyja naviny», «krutoje rašeńnie». Hrafač i Marharyta Simańjan u zachapleńni ad mahčymaha zakryćcia «Svabody»15

«Usio skončana». Ukrainskija vajskoŭcy raskazali pra adstupleńnie z Kurskaj vobłaści8

Na adnym z samalotaŭ «Biełavija» adklučyłasia sistema papiaredžańnia sutyknieńniaŭ u pavietry

Japonca Nakanisi Masatosi asudzili ŭ Biełarusi da 7 hod kałonii 3

ZŠA prypyniaje finansavańnie «Radyjo Svaboda» i telekanału «Nastojaŝieje vriemia» z 1 krasavika?8

U Minsku zaŭvažyli BMW z pryhožym numaram i «vośmym» rehijonam FOTAFAKT3

bolš čytanych navin
bolš łajkanych navin

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»12

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»

Hałoŭnaje
Usie naviny →

Zaŭvaha:

 

 

 

 

Zakryć Paviedamić