Śviet99

Andžej Duda palacieŭ u Kitaj i budzie tam havaryć pra Biełaruś

Prezident Polščy Andžej Duda adpraviŭsia z aficyjnym vizitam u Kitaj. Jak paviedamlaje jahonaja pres-słužba, najvažniejšymi pytańniami, jakija buduć abmiarkoŭvacca padčas hetaha vizitu — biaśpieka i ekanomika.

Andžej Duda. Fota: AP Photo/Andrew Harnik

Padčas znachodžańnia ŭ Kitai ŭ Dudy zapłanavanyja sustrečy sa staršynioj KNR Si Czińpinam i kiraŭnikom urada hetaj krainy Li Cianam. Taksama polski lidar voźmie ŭdzieł u letnim Suśvietnym ekanamičnym forumie ŭ Dalani i ŭ polska-kitajskim ekanamičnym forumie ŭ Šanchai.

Pierad vypraŭleńniem u Kitaj na admysłovym bryfinhu Andžej Duda adznačyŭ, što ŭ hetym vizicie vielmi važnym budzie palityčny kampanient.

«My majem vajnu va Ukrainie, a taksama hibrydnuju ataku Biełarusi na polskuju miažu, dzie biełaruskija ŭłady ŭžo try hady pastajanna šturchajuć nam mihrantaŭ, prymušajučy ich sprabavać niezakonna pierasiekčy miažu», — adznačyŭ polski prezident.

Adna z najvažniejšych idej Kitaja — heta tak zvanaja inicyjatyva Pojasa i Šlachu, jakaja ŭklučaje stvareńnie transpartnych šlachoŭ, jakija dazvalali b dastaŭlać kitajskija tavary ŭ Jeŭropu pa ziamli. Pry hetym adzin z najvažniejšych čyhunačnych maršrutaŭ prachodzić praź Biełaruś.

Hety maršrut, jaki prachodzić praź Biełaruś, siońnia padviarhajecca abmiežavańniam z-za hibrydnaj ataki, jakuju ažyćciaŭlajuć biełaruskija ŭłady na polskuju miažu, i pra heta Andžej Duda taksama maje namier havaryć ź Si Czińpinam.

«Adnosiny Kitaja ź Biełaruśsiu tradycyjna družalubnyja. Ja chaču pradstavić hetuju situacyju staršyni KNR Si Czińpinu. I raskazać, z čym my sutykajemsia», — zajaviŭ Duda.

«Hety vizit vielmi važny dla našaj biaśpieki ŭ Jeŭropie. My viedajem, što Kitaj — zvyšdziaržava, my viedajem, što ŭ jaho siabroŭskija adnosiny nie tolki ź Biełaruśsiu, ale i z Rasijaj, a Rasija siońnia źjaŭlajecca ahresaram va Ukrainie. I heta toje, što ja chaču abmierkavać sa staršynioj Si Czińpinam. Ni dla kaho nie sakret, što ŭpłyŭ Kitaja, u tym liku i na Rasiju, biezumoŭna, vialiki. Pradstavić naš punkt hledžańnia na hetaje pytańnie staršyni Si Czińpinu, na moj pohlad, vielmi važna», — dadaŭ palityk.

Pieramovy Dudy i Si Czińpina zapłanavanyja na 24 červienia, u toj ža dzień płanujecca sustreča z kitajskim premjeram Li Cianam i inšymi siabrami ŭrada.

Kamientary9

  • ili ili
    22.06.2024


         bkb ili Kitaj zastavit ahrofiuriera vypustiť sp. Pačobuta albo Polšča častkova pieriekrojet žd transportnoje s Biełaruśju.
  • *
    22.06.2024
    Pryčym tut Kitaj. Tut Rasieja kiruje i zahadvaje.
  • Tak
    22.06.2024
    ili ili, što za “ahrofiurier”? Niaŭžo havorka pra savieckaha čałavieka Łukašenku? Taho, jaki ŭ Biełarusi pravodzić resavietyzacyju i zachaplajecca kamunistam Stalinym?

Ciapier čytajuć

Stała viadoma, na čym pahareŭ hienij finansaŭ Pavieł Kałaŭr19

Stała viadoma, na čym pahareŭ hienij finansaŭ Pavieł Kałaŭr

Usie naviny →
Usie naviny

«Amierykanski Duhin». Jak małaviadomy błohier upłyvaje na važnych fihur administracyi Trampa27

Sierbskaja apazicyja abvinavaciła ŭłady ŭ vykarystańni zabaronienaj hukavoj zbroi suprać pratestoŭcaŭ

Łukašenka choča pabudavać druhuju AES na patreby Rasii i akupavanych ukrainskich terytoryj. Ale jaho čakaje siurpryz18

Małady čałaviek upaŭ na rejki ŭ mietro. Na płatformu jaho padniali vidavočcy VIDEA

Ci možna zabraniravać sabie miesca na mohiłkach pry žyćci, ci možna raźviejać prach i kolki ŭ siarednim kaštuje pachavańnie ŭ Biełarusi?7

«Siadžu i razumieju, što ničoha nie razumieju». Rasijskaja aktrysa, zaprošanaja ŭ Kupałaŭski teatr, raskazała pra biełaruskamoŭny repiertuar12

Vučyč prakamientavaŭ 100-tysiačny pratest u Białhradzie8

«Tramp — eta ŭchadziaščaja viešč, a kachańnie — viečnaje». Pavieł Haradnicki raspavioŭ pra novy albom RSP5

U Trampa patłumačyli rašeńnie spynić finansavańnie «Hołasu Amieryki»15

bolš čytanych navin
bolš łajkanych navin

Stała viadoma, na čym pahareŭ hienij finansaŭ Pavieł Kałaŭr19

Stała viadoma, na čym pahareŭ hienij finansaŭ Pavieł Kałaŭr

Hałoŭnaje
Usie naviny →

Zaŭvaha:

 

 

 

 

Zakryć Paviedamić