U vioscy na Vałožynščynie zaharelisia adrazu piać budynkaŭ
Adrazu niekalki budynkaŭ achapiła połymia ŭ vioscy Buni Vałožynskaha rajona, paviedamili ŭ Ministerstvie pa nadzvyčajnych situacyjach.
«Pavodle papiaredniaj infarmacyi, harać 5 budynkaŭ. Na miescy pracujuć 8 adzinak techniki», — skazana ŭ paviedamleńni ŭ telehram-kanale viedamstva.
Praź niekalki hadzin pažar udałosia likvidavać.
«Pavodle apieratyŭnaj infarmacyi, ahniom źniščanyja žyły dom, try haspadarčyja pabudovy i lehkavy aŭtamabil. Paškodžanyja žyły dom i haspadarčaja pabudova», — paviedamlaje MNS.
Adznačajecca, što chutkamu raspaŭsiudžvańniu połymia spryjaŭ mocny viecier, jaki stvaraŭ pahrozu dla najbližejšaha lasnoha masivu.
Pavodle papiarednich źviestak, paciarpiełych niama. Pryčyna zdareńnia vyśviatlajecca.
U vieraśni minułaha hoda, darečy, paviedamlałasia pra maštabny pažar u vioscy Bałaževičy Mazyrskaha rajona. Tady ahniom było źniščana try damy i niekalki nadvornych pabudoŭ. Dla tušeńnia pažaru pryciahvałasia 12 adzinak techniki i 37 pažarnikaŭ. U jakaści viersii jaho ŭźniknieńnia razhladałasia nieaściarožnaje abychodžańnie z ahniom.
Ciapier čytajuć
Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej4
Kamientary