Baćki dziaŭčynki, jakoj sabrali na lačeńnie amal 2 miljony dalaraŭ, vyrašyli nie rabić ukołu
U biełaruski Ryty Juškievič śpinalna-ciahličnaja atrafija II typu. Dla lačeńnia chvaroby patrabavaŭsia adzin ukoł Zolgensma, jaki kaštuje amal 2 młn dalaraŭ. Hetuju sumu sabrać udałosia, ale ciapier vyśvietliłasia, što zrabić dziaŭčyncy injekcyju niemahčyma pa miedycynskich pakazčykach.
Mama Ryty paviedamiła ŭ instahramie, što ŭžo paśla zboru hrošaj u dziaŭčynki vyjavili zanadta vysoki ŭzrovień antyciełaŭ u kryvi na preparat. Na poŭnaje pryniaćcie situacyi im spatrebiŭsia miesiac, i ŭrešcie jany vyrašyli preparat nie ŭvodzić.
«Dva tydni tamu ŭ nas była kansultacyja z doktaram z kliniki Dubaja nakont antyciełaŭ. Usie našy aściarohi paćvierdzilisia: Zolgensma nielha ŭvieści pry vysokim uzroŭni antyciełaŭ; miedykamientozna nielha źnizić ich uzrovień. Rekamiendavana było pasprabavać zdać analiz praz 6 miesiacaŭ. My vyrašyli nie čakać», — napisała žančyna.
Pavodle jaje słoŭ, uzrovień antyciełaŭ u arhaniźmie dziaŭčynki nie padaje, a tolki pavialičvajecca.
«Suciašaje toje, što Ryta na padtrymlivalnaj terapii. A dziakujučy vam u Ryty buduć srodki na ŭsio žyćcio na reabilitacyju i nieabchodnaje abstalavańnie. Budujučy płany, ja spadziajusia, što Ryta budzie žyć doŭha. I žyćcio hetaje budzie ŭ stałaj špitalizacyi, reabilitacyi. I heta budzie nialohkaje žyćcio», — piša mama dziaŭčynki.
Pavodle jaje słoŭ, značnaja častka srodkaŭ budzie pakinutaja Rycie na pažyćciova nieabchodnaje. Častka srodkaŭ budzie pastupova razdadziena zboram i dzieciam, jakija majuć patrebu ŭ lačeńni i reabilitacyi ŭ Biełarusi. Rašeńnie pa raźmierkavańni hrošaj inšym dzieciam budzie prymacca sumiesna z vałanciorami, jakija viali zbor.
Jak žyvuć siemji, jakija sabrali vializnyja hrošy na vyratavalny ŭkoł dla dziciaci
Znajomyja siamji ahučyli viersiju, dzie tydzień byŭ źnikły Siarhiej Cierabaviec — tata dziaŭčynki z SMA
U Rasii zarehistravali anałah «Śpinrazy» — adnaho z samych darahich lekaŭ u śviecie
Biełarusy sabrali vializnyja hrošy na leki dla jašče adnoj dziaŭčynki z SMA
Ciapier čytajuć
Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej3
Kamientary
2. Provieriajem, nužny li eti hrošy
3. ???
4. Profit