«Ябацька лейтэнанта Шміта» Сяргей Заслаўскі-Аўтуховіч выйшаў з сутак
Выглядае, што ён абышоўся без крымінальнай справы, адседзеўшы толькі суткі ў тых умовах, што і ўсе палітычныя. Раней Сяргей Заслаўскі-Аўтуховіч праславіўся тым, што, будучы неаднаразова судзімы, пад маскай паказнога ябацькі ўцёрся ў давер да лукашэнкаўскіх генералаў.
«Ён дакладна выйшаў. Хто гэта быў такі, я даведаўся толькі тады, калі выйшаў з сутак і прачытаў «Нашу Ніву». Сядзеў, як і ўсе палітычныя, у такіх жа ўмовах. Адбывалі тэрмін у перапоўненай камеры, без матрацаў. Пра сябе ён расказваў, што прадпрымальнік і дыджэй», — расказаў «Нашай Ніве» чалавек, які перасякаўся з Заслаўскім на Акрэсціна.
У гэты ж момант Аўтуховіч узнавіў сваю актыўнасць у інстаграме, куды посціць фота і відэа з трэніровак, а таксама з'явіўся анлайн у тэлеграме.
Да таго Заслаўскі-Аўтуховіч атрымаў запар два прысуды па 15 сутак.
Сяргей Аўтуховіч-Заслаўскі — псеўдаспецназавец і псеўдачэмпіён у цяжкай атлетыцы.
У рэальнасці, шматразова судзімы за разбоі, ён змог стаць намеснікам Дзмітрыя Паўлічэнкі ў Асацыяцыі ветэранаў спецназа і стварыць сабе бліскучую рэпутацыю ў дзяржаўных органах. Апроч падстаўной формы, у яго быў толькі адзін аргумент — пазіцыя «за Лукашэнку».
Пасля таго, як гэты чалавек выпадкова трапіў на Акрэсціна за рэпост артыкула пра сябе самога з нейкага «экстрэмісцкага» па версіі лукашыстаў рэсурсу, журналістам сталі вядомыя сапраўдныя дэталі яго біяграфіі.
Цяпер чытаюць
Гірын, Буры і нават Кныровіч адрэагавалі на артыкул пра самую модную пару беларускай апазіцыі21
Каментары
🤷🏻♂️