Меркаванні44

«З вашай рыторыкай можна сказаць, што і Лукашэнка любіць Беларусь». Словы Апейкіна ў фэйсбуку ўзнялі спрэчку

Старшыня Беларускага фонду спартыўнай салідарнасці Аляксандр Апейкін апублікаваў пост, які выклікаў дыскусію пра тое, што лічыць любоўю да роднага краю, і скончыўся згадкай пра патрыятызм Лукашэнкі.

Аляксандр Апейкін. Фота: facebook.com/apeikin

А пачалося ўсё з паста ў фэйсбуку пра гурт «Дразды» і яго лідара Віталя Карпанава, якія, як піша Апейкін, твораць невялікую гісторыю. Аляксандр адзначыў, што «малавядомы шырокай гламурнай публіцы беларускі выканаўца аб'ехаў вялікую колькасць гарадоў і мястэчак Беларусі», вядзе свае канцэрты і спявае па-беларуску.

«Так, Карпанаў і «Дразды» спяваюць пад ЧЗ [чырвона-зялёным сцягам] і дэкларуюць падтрымліваць «стабільнасць». Але я дакладна не магу залічыць яго ў прапагандысты. І ўвесь дзень мяне не пакідае адно пытанне: хто з нас усё ж такі больш любіць Беларусь — я, ты ці Карпанаў?» — задаўся пытаннем у канцы Аляксандр Апейкін.

Многія каментатары не пагадзіліся з Апейкіным. Хтосьці палічыў, што Карпанаў проста зарабляе грошы, згадалі яго словы падзякі Лукашэнку. Апейкін у адказ напісаў, што Карпанаў здаецца яму сумленным чалавекам, які любіць Беларусь, але па-свойму.

А далей спрэчка зайшла ў іншае рэчышча.

Кінакрытык Тарас Тарналіцкі зрабіў Апейкіну заўвагу:

«Ну з вашай рыторыкай можна сказаць, што і Лукашэнка любіць Беларусь, але своеасабліва».

Апейкін адказаў:

«Дык так і ёсць. Ці вы не ў курсе, што існуе іншы бок Беларусі?»

Каментары пад допісам Аляксандра Апейкіна. Фота: скрын сацыяльнай сеткі

У Апейкіна ўдакладнілі:

«То-бок, калі каты выносілі б прысуды па-беларуску, то яны б таксама ўносілі нешта ў беларушчыну?»

«Гэта пераход у іншае лагічнае вымярэнне», — адрэагаваў Аляксандр. «Карпанаў не накідваў нікому вяроўкі», — дадаў спартовец.

«Наша Ніва» папрасіла Апейкіна патлумачыць яго адказ пра Лукашэнку. Той адпісаў, што не каментуе пазіцыю Лукашэнкі і не цікавіцца ягоным жыццём.

Гурт «Дразды» — беларускамоўны калектыў. Яго песня «Хата бацькоў», дзе спяваецца, што родная хата не прадаецца, стала хітом, у ютубе ў гэтага кліпа 1,9 млн праглядаў. Гурт нядаўна крытыкавалі некаторыя лукашэнкаўскія актывісты. Прапагандыст Мікіта Рачылоўскі на поўным сурʼёзе прапаноўваў забараніць «Дразды», бо «музыкі незразумела сябе паводзяць з гледзішча ідэалогіі».

«Наша Нiва» — бастыён беларушчыны

ПАДТРЫМАЦЬ

Глядзіце таксама:

Аляксандр Апейкін: Прыніжэнне беларусаў ва Украіне за пашпарт — не толькі несправядлівае, але і глыбока нерацыянальнае 

Тур па Расіі і ўзнагароды ад міліцыі. Што адбываецца ў жыцці праўладных беларускіх зорак?

Што сабой уяўляе і з каго складаецца сетка расейскага ўплыву ў Беларусі

Лукашысты патрабуюць чыстак і рэпрэсій на гістфаках у ВНУ

Каментары4

  • MadMax
    23.10.2023
    Есть сериал эйфория. И одна из главных героинь трансгендер лесбиянка. Петь под кз по белорусский примерно тоже самое.
  • ММ
    23.10.2023
    MadMax, а пісаць па-расейску таксама з гэтай серыі?
  • Madmax
    24.10.2023
    ММ, таксама)))

Цяпер чытаюць

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў

Усе навіны →
Усе навіны

Жыхары дамоў па вуліцы Сямёнава ў Мінску часова адстаялі сваё жыллё2

Беларусы напісалі ў Канстытуцыйны суд больш за 113 скаргаў. Міклашэвіч: Прыдатныя толькі 5% з іх

Праблемы з візамі на канцэрт Каржа ў Варшаве — беларусы атрымліваюць адмовы па незразумелых прычынах14

Трамп патлумачыў кіраўніку НАТА, чаму ЗША патрэбная Грэнландыя10

«Няскоранае пакаленне». Выйшла кніга аб рэпрэсаваных студэнтах4

Чыноўніца Гомельскага аблвыканкама ў размове з блогерам прызналася ў палітычных чыстках2

«А мяне за што?» І купцы са Смаленска, якія нахабна збіваюць кошт дзедавай хаты — страшная кніга пра наступствы5

«Культура і мастацтва» правяла на пенсію галоўную рэдактарку. Ні слова па-беларуску16

У Іспаніі знайшлі фрагменты костак самага старажытнага з вядомых у Заходняй Еўропе людзей1

больш чытаных навін
больш лайканых навін

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў

Галоўнае
Усе навіны →

Заўвага:

 

 

 

 

Закрыць Паведаміць