Амаль уся сума, неабходная на куплю для Украіны 800 000 снарадаў, выдзелена, і ўжо ў сакавіку-красавіку боепрыпасы могуць апынуцца на перадавой, паведамляе Bloomberg.
Паводле слоў некалькіх чалавек, знаёмых з рэалізацыяй праекта, снарады могуць быць пастаўленыя ў найбліжэйшыя тыдні, хоць тэрміны могуць мяняцца ў залежнасці ад хуткасці заключэння кантрактаў і транспартавання.
Чэхія, якая першапачаткова прапанавала тэрмінова закупіць снарады за межамі ЕС, будзе галоўным арганізатарам гэтай справы, прымаючы грошы ад саюзнікаў і забяспечваючы дастаўку снарадаў.
Група з некалькіх сотняў чэхаў і ўкраінцаў кругласутачна працуе ў горадзе Штэрнберг на ўсходзе краіны, ператвараючы будынкі, якія належаць вытворцу ўзбраенняў Excalibur Army, у буйны цэнтр па пастаўках зброі Украіне.
Прэзідэнт Чэхіі Пётр Павел заявіў у лютым на Мюнхенскай канферэнцыі па бяспецы, што Прага знайшла ў розных краінах 500 000 снарадаў калібрам 155 мм і 300 000 — калібрам 122 мм, якія можна хутка набыць пры наяўнасці сродкаў. Цяпер гэтыя грошы ёсць, пацвердзіў Bloomberg урадавы чыноўнік, які працуе над праектам.
У ініцыятыве ўжо пагадзіліся ўзяць удзел Германія, Латвія, Літва, Нідэрланды, Данія, Канада, Францыя, а Польшча выказала зацікаўленасць.
Паводле ацэнак, Украіне трэба не менш за 200 000 снарадаў у месяц, каб паспяхова супрацьстаяць расійскім войскам. Менавіта недахоп боепрыпасаў стаў галоўнай прычынай страты Аўдзееўкі, якую ўкраінскім часцям давялося пакінуць у сярэдзіне лютага пасля чатырох з лішнім месяцаў знясільваючых баёў.
Каб дапамагчы ў вырашэнні гэтай праблемы, Czechoslovak Group (CSG), адна з найбуйнейшых еўрапейскіх кампаній па выпуску ўзбраенняў (у яе ўваходзіць Excalibur Army), гатовая ўкласці «сотні мільёнаў еўра» ў вытворчасць боепрыпасаў на тэрыторыі Украіны. Яна вядзе перамовы з «Украбаронпрамам» аб стварэнні сумеснага прадпрыемства і шукае месца пад завод артылерыйскіх і танкавых снарадаў, расказаў 6 сакавіка чэшскі мільярдэр Міхал Стрнад, уладальнік і гендырэктар CSG.
Як выглядае знутры рэзідэнцыя Лукашэнкі «Краснасельскае»13
Каментары