Свет

Беспарадкі ў Новай Каледоніі — жандары разблакавалі дарогу з аэрапорта, ліквідаваўшы 76 барыкадаў і завалаў

Да поўнага падаўлення беспарадкаў, аднак, яшчэ далёка.

Французскія жандары патрулююць вуліцы Нумеа, Новая Каледонія. 16 мая 2024 года. Фота: AP Photo/Cedric Jacquot

Прадстаўніцтва цэнтральных французскіх уладаў у панядзелак абвясціла, што сілы правапарадку разблакавалі дарогу паміж аэрапортам і сталіцай гэтай ціхаакіянскай заморскай тэрыторыі Францы Нумеа. Да поўнага падаўлення беспарадкаў, аднак, яшчэ далёка, піша Бі-бі-сі.

Высокая камісія Новай Каледоніі паведамляе, што жандары ліквідавалі на 40-кіламетровай дарозе 76 барыкад і завалаў, і што канчаткова дарога будзе расчышчана, у тым ліку ад згарэлых аўтамабіляў, у бліжэйшыя дні.

Калі аэрапорт зноў адкрыецца для камерцыйных рэйсаў, улады пакуль не гавораць.

У заяве Высокай камісіі гаворыцца, што ноч з нядзелі на панядзелак прайшла спакайней, чым усе папярэднія ночы: ва ўсёй Новай Каледоніі зафіксаваныя ўсяго адзін сур'ёзны пажар і некалькі выпадкаў марадзёрства.

Аднак да поўнага спакою яшчэ далёка. Мэр сталіцы Нумеа Соня Лагард на выходных сказала журналістам, што Новая Каледонія знаходзіцца «на аблогавым становішчы».

Паводле яе слоў, удзельнікі беспарадкаў падпалілі мноства грамадскіх будынкаў на архіпелагу, і сітуацыя застаецца неспакойнай нягледзячы на тое, што ў Новую Каледонію прыбылі сотні французскіх паліцэйскіх.

Беспарадкі працягваюцца ўжо некалькі дзён, загінулі шэсць чалавек.

Беспарадкі ў Новай Каледоніі пачаліся пасля таго, як парламент Францыі прыняў закон аб змене парадку выбараў у мясцовы заканадаўчы сход. Згодна з папраўкамі, якія былі канчаткова зацверджаныя ў сераду, права голасу атрымаюць прыезджыя з Францыі, якія пражылі ў Новай Каледоніі 10 гадоў.

Гэта выклікала незадаволенасць многіх канакоў — карэннага насельніцтва Новай Каледоніі: яны асцерагаюцца, што палітычная вага іх абшчыны цяпер знізіцца.

Са слоў афіцыйных асоб, у суботу ў перастрэлцы на імправізаваным блокпосце на поўначы тэрыторыі быў забіты ўжо шосты чалавек з пачатку беспарадкаў. Яшчэ двое атрымалі раненні.

Раней паведамлялася аб гібелі трох канакоў ва ўзросце ад 17 да 36 гадоў і двух паліцэйскіх.

У дадатак да 1700 паліцыянтаў, якія ўжо знаходзіліся на тэрыторыі, улады Францыі даслалі яшчэ каля 1000 жандараў.

Каментары

Цяпер чытаюць

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў2

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў

Усе навіны →
Усе навіны

Жыхары дамоў па вуліцы Сямёнава ў Мінску часова адстаялі сваё жыллё2

Беларусы напісалі ў Канстытуцыйны суд больш за 113 скаргаў. Міклашэвіч: Прыдатныя толькі 5% з іх

Праблемы з візамі на канцэрт Каржа ў Варшаве — беларусы атрымліваюць адмовы па незразумелых прычынах14

Трамп патлумачыў кіраўніку НАТА, чаму ЗША патрэбная Грэнландыя10

«Няскоранае пакаленне». Выйшла кніга аб рэпрэсаваных студэнтах4

Чыноўніца Гомельскага аблвыканкама ў размове з блогерам прызналася ў палітычных чыстках2

«А мяне за што?» І купцы са Смаленска, якія нахабна збіваюць кошт дзедавай хаты — страшная кніга пра наступствы5

«Культура і мастацтва» правяла на пенсію галоўную рэдактарку. Ні слова па-беларуску16

У Іспаніі знайшлі фрагменты костак самага старажытнага з вядомых у Заходняй Еўропе людзей1

больш чытаных навін
больш лайканых навін

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў2

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў

Галоўнае
Усе навіны →

Заўвага:

 

 

 

 

Закрыць Паведаміць