Свет44

Літоўскія эліты лічаць галоўным выклікам для краіны пагрозы з боку Беларусі і Расіі

У прадстаўнікоў літоўскіх эліт спыталі аб пагрозах і выкліках для краіны. Яны звязаны з рэжымамі ў Беларусі і Расіі.

Літоўскія эліты лічаць галоўнай пагрозай для краіны ў найбліжэйшыя пяць гадоў пагрозы з боку Расіі і Беларусі. Паводле даных апытання, якое правёў партал Delfi, галоўным выклікам пагрозу з боку Расіі і Беларусі назвалі 257 прадстаўнікоў літоўскай эліты.

На другім месцы, паводле меркавання 226 рэспандэнтаў апытання, знаходзіцца ўзрастаючая нестабільнасць у свеце і ўзмоцненае пачуццё неабароненасці. 209 рэспандэнтаў важным выклікам таксама назвалі дэмаграфічную яму і нізкую нараджальнасць.

Акрамя таго, удзельнікаў апытання папрасілі ацаніць, якімі будуць наступныя пяць гадоў для Літвы. Большасць — 761 — прадстаўнікоў эліты прагназуюць, што суцэльнага прагрэсу ў краіне не будзе. 189 рэспандэнтаў лічылі, што Літву чакае вялікі прагрэс, а 6 заявілі, што краіна сутыкнецца з рэгрэсам.

Апытанне меркавання літоўскай эліты з 27 снежня мінулага года па 27 студзеня гэтага года па заказу Delfi правёў часопіс Reitingai. Было апытана 1 142 чалавекі: палітыкі, прадстаўнікі бізнесу, эканамісты, дзяржаўныя служачыя, кіраўнікі і прадстаўнікі СМІ, грамадскія дзеячы, а таксама дзеячы поп-культуры, моды і інтэрнэту.

Паводле меркавання палітолага, кіраўніка віленскага офіса Freedom House Віціса Юрконіса ў літоўскіх эліт няма веры ў тое, што рэжымы ў Беларусі і Расіі зменяцца.

«Мне здаецца, што суседства Расіі і Беларусі — гэта аб’ектыўная рэальнасць. Пакуль існуюць аўтарытарныя рэжымы, гэтыя краіны заўсёды будуць крыніцамі пэўнай трывогі і пагрозы. Вынікі гэтага апытання зразумелыя і не павінны выклікаць здзіўлення. Адзінае пытанне, якое застаецца — як мы можам на гэта рэагаваць.

Частка грамадства і палітыкаў страцілі веру ў тое, што гэтыя краіны (Расія і Беларусь) могуць змяніцца», — адзначыў Юрконіс.

Каментары4

  • Filipp
    17.03.2025
    А хто гэтка такія "прадстаўнікі літоўскай эліты"?
  • Лідары ё?
    17.03.2025
    Ці будзе адказ на гэты беларускіх элітаў? Або панам не адказваюць?
  • нацыянальныя інтарэсы Беларусі на цяперашнім гістарычным этапе
    17.03.2025
    стратэгічныя нацыянальныя інтарэсы:
    Стратэгічныя нацыянальныя інтарэсы Беларусі на цяперашнім гістарычным этапе:
    1) Ацалець як нацыі і зберагчы нашу дзяржаву Беларусь.
    2) Не даць зацягнуць Беларусь у чужую вайну.
    3) ДАМОВІЦЦА ПАМІЖ САБОЙ/Спыніць грамадзянскую вайну , Размаўляць Ў ХАЦЕ РОДНАЙ МОВАЙ
    4) змагацца з імперый 7/24

Цяпер чытаюць

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х22

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х

Усе навіны →
Усе навіны

Даляр упаў на тры капейкі

Расійскія сімкі шмат каго з беларусаў заблакуюць, а аўтобусы ў Піцер застануцца без Wi-Fi16

Саакашвілі прыгаварылі яшчэ да чатырох з паловай гадоў турмы3

Расія патрабуе «жалезабетонных гарантый» неўступлення Украіны ў НАТА9

Рэлаканты ў Літве заплацяць двойчы? Разбіраемся, як жыць без пагаднення аб падатках8

На адным з мінскіх пляжаў з’явяцца подыумы для загару

На Даўгінаўскім тракце перакуліўся аўтамабіль. Людзі самі вылезлі з яго

Дзяржсакратар ЗША расказаў пра два планы вырашэння канфлікту ва Украіне10

У Беларусь прыляцелі першыя буслы2

больш чытаных навін
больш лайканых навін

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х22

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х

Галоўнае
Усе навіны →

Заўвага:

 

 

 

 

Закрыць Паведаміць