Грамадства55

У злітай размове сілавікі расказалі, як шукаюць людзей па базе з SIM-картамі

«Кіберпартызаны» апублікавалі запіс размоў трох сілавікоў, дзе яны абмяркоўваюць пошук людзей, выкарыстоўваючы для гэтага фотаздымкі і базу «Маяк». Аказваецца, гэта не так проста.

Ілюстрацыйнае фота: МУС

«Маяк» — база, якой карыстаюцца сілавікі, дазваляе адсачыць, дзе знаходзіўся чалавек, праз яго SIM-карту беларускага мабільнага аператара.

У адной са злітых размоў намеснік начальніка крымінальнай міліцыі мінскага аблвыканкама Ігар Качалаў пытаецца ў Юрыя Кабакова, намесніка начальніка Маладзечанскага РАУС, дэталі распачатай справы за надпісы «3%» у Хожаўскім і Гарадоўскім сельскіх саветах.

З дыялогу вынікае, што нехта пакінуў «3%» на двух прыпынках. Іх заўважыў чалавек, які ехаў міма, і паведаміў сілавікам.

Качалаў упэўнены, што пра надпісы на прыпынках сілавікі дазналіся вельмі аператыўна і доўга яны там прабыць не паспелі, таму загадвае вялікі прамежак часу па базе «Маяк» не глядзець. Кабакоў у гэтым не ўпэўнены, але пагаджаецца.

Качалаў: Паслухай, дык давай-ка даручы тады супрацоўнікам, хай мне паглядзяць гэты «Маяк» у ноч з 9 на 10 і прывяжуць да гэтых адрасоў. Што ў нас атрымліваецца? Можа там высвеціцца зараз тэлефон, хтосьці ішоў ад адраса да адраса, ну, ад прыпынку да прыпынку. Можам гэта зрабіць?

Кабакоў: Можам, чаму не можам? Ну, а чаго 9 на 10?

Качалаў: Ну, бо ў цябе напісана 10.05 узбуджана не пазней, чым 15.25 10.05.

У яшчэ адной размове Качалаў абмяркоўвае з начальнікам Дзяржынскага РУУС Яўгенам Жылінскім цяжкасці працы з базай «Маяк».

Сілавікі збіраюцца затрымліваць некалькіх людзей, якія, па іх разуменню, нешта зрабілі, але не могуць упэўніцца, што гэта сапраўды яны. Месца «злачынства» дакладна ў іх усталяваць не атрымліваецца:

Жылінскі: Фотапастку зараз плануем паставіць, але яны ўчора, блядзь, узялі знак і сфатаграфаваліся, вырадкі.

Качалаў: Яны да гэтага ў адным месцы фоткаліся?

— Ну так, у адным месцы.

— А мы не вызначылі?

— Ну прыкладна мы ўжо вызначылі, па «Маяку» мы не можам, бо ў нас дзве вышкі, бля*ь, і яна перакрыжоўваецца, ну і тая, і тая, і тая працуе. Цяжка, вельмі цяжка.

— А калі там адзваніць з гэтага месца, зрабіць, так паглядзець, якія там тэлефоны? Хаця іх там шмат.

— Не, не, там, безліч, там траса, бля*ь, у мяне ж траса ўсюды там адна, і там каля трасы гэтыя ўсе.

Качалаў прапанаваў Жылінскаму ў такім разе праводзіць «следчыя мерапрыемствы», напрыклад, засаду, але той адказаў, што не мае столькі людзей.

«Тым больш, што ў мяне вось раскрыццё трошкі, так скажу, да вобласці не даганяю ніхера», — прызнаўся сілавік.

15 сакавіка «Кіберпартызаны» апублікавалі размовы сілавікоў, дзе тыя спрабавалі знайсці «няўлоўнага» аўтара палітычных надпісаў на адным з будынкаў у Салігорску.

Каментары5

  • .
    17.03.2025
    Калі ў грамадстве няма каляровай дыферэнцыяцыі адзення - ў яго няма мэты. А калі няма мэты - няма і будучыні.
  • Изя-слав
    18.03.2025
    Их заметил человек, который проезжал мимо, и сообщил силовикам.
    Боже! Сколько этих "человеков" родила и воспитала наша земля!!!!
  • .
    18.03.2025
    Мабыць, ён сам з карнікаў або на пенсіі (калі прыгадаць статыстыку даносаў на сайце ЧКБ).
    І нагадаю, што адзін з карнікаў у відэа кажа, што надпіс мог быць незаўважаным вельмі доўга.
    Так што не ўсё так дрэнна.

Цяпер чытаюць

Лукашэнка абмеркаваў з Рыжанковым «крокі па аднаўленні даверу з заходнімі краінамі»12

Лукашэнка абмеркаваў з Рыжанковым «крокі па аднаўленні даверу з заходнімі краінамі»

Усе навіны →
Усе навіны

У Мінску 500 павільёнаў на прыпынках грамадскага транспарту памяняюць на новыя3

«Выдатныя навіны», «крутое рашэнне». Графач і Маргарыта Сіманьян у захапленні ад магчымага закрыцця «Свабоды»15

«Усё скончана». Украінскія вайскоўцы расказалі пра адступленне з Курскай вобласці8

На адным з самалётаў «Белавія» адключылася сістэма папярэджання сутыкненняў у паветры

Японца Наканісі Масатосі асудзілі ў Беларусі да 7 год калоніі 3

ЗША прыпыняе фінансаванне «Радыё Свабода» і тэлеканалу «Настоящее время» з 1 красавіка?8

У Мінску заўважылі BMW з прыгожым нумарам і «восьмым» рэгіёнам ФОТАФАКТ3

Непаўналетняя дзяўчына здзейсніла самагубства на ўпісцы ў Брэсцкай вобласці

Дачка прэс-сакратара Пуціна выйшла замуж і змяніла прозвішча12

больш чытаных навін
больш лайканых навін

Лукашэнка абмеркаваў з Рыжанковым «крокі па аднаўленні даверу з заходнімі краінамі»12

Лукашэнка абмеркаваў з Рыжанковым «крокі па аднаўленні даверу з заходнімі краінамі»

Галоўнае
Усе навіны →

Заўвага:

 

 

 

 

Закрыць Паведаміць