Грамадства

Беларусы могуць забараніць сабе браць крэдыты — як гэта працуе

Махляры спачатку прымушаюць людзей афармляць банкаўскія пазыкі, а потым забіраюць у іх грошы. Каб пазбегнуць падману і фінансавай пасткі, важна памятаць адну простую рэч, піша Tochka.by.

Банкаўскія работнікі і супрацоўнікі праваахоўных органаў ніколі не тэлефануюць людзям, асабліва з замежных нумароў або ў Viber, з прапановай, патрабаваннем ці пагрозай узяць крэдыт. Тым больш аформіць яго тэрмінова, і не адзін, а некалькі.

Аднак паколькі памяць можа падвесці любога чалавека, асабліва ў стрэсавых сітуацыях, лепш дзейнічаць наперад.

Напрыклад, чалавек можа забараніць сабе браць пазыкі. Прынцып гэтага падобны да самаблакавання ад наведвання ігральных устаноў.

Нават калі такая забарона — законная і тэхнічна простая — не спрацуе на 100%, яна ўскладніць жыццё махлярам і не дасць ім так лёгка дабрацца да вашага кашалька.

Як працуе самазабарона на крэдыты

Кожны дзеяздольны паўналетні беларус мае магчымасць абмежаваць сябе ў атрыманні пазык.

Так, падобная блакіроўка дзейнічае ў Беларусбанку для кліентаў гэтай фінансавай арганізацыі. Робіцца яна менавіта «з мэтай мінімізацыі махлярскіх дзеянняў і выключэння верагоднасці афармлення крэдытаў трэцімі асобамі».

Па жаданні кліента банк заблакуе яму падачу заяўкі на афармленне пазыкі і заключэнне крэдытнай дамовы.

Як усталяваць самазабарону на крэдыты

Блакіроўка будзе даступная, калі грамадзянін падасць заяву.

Зрабіць гэта можна ў аддзяленні фінансавай арганізацыі або праз інтэрнэт — па каналах дыстанцыйнага банкаўскага абслугоўвання (ДБА).

У згаданым Беларусбанку самазабарону можна аформіць і ў мабільным банкінгу. Для гэтага трэба адкрыць дадатак банка на тэлефоне і перайсці па ўкладках:

«Фінансы» — «Крэдыты» — «Замовіць даведку» — «Спажывецкія крэдыты».

У апошнім раздзеле выбірайце «Заяву на блакіроўку аперацый афармлення крэдыту».

Тут даступныя два варыянты:

частковая блакіроўка — яна распаўсюджваецца на афармленне заяўкі і заключэнне дагавора праз ДБА.

поўная блакіроўка — яна дзейнічае як для заяў на крэдыт, пададзеных дыстанцыйна, так і для тых, што афармляюцца ў аддзяленнях банка.

Важныя дэталі самазабароны на крэдыты

Банкі афармляюць блакіроўку толькі па крэдытах на спажывецкія патрэбы і авердрафтах.

Для іншых відаў пазык зрабіць гэта немагчыма.

Калі кліент пажадае адмяніць дзеянне самазабароны, падаць заяву на яе адкліканне можна толькі непасрэдна ў аддзяленні банка.

Гэта таксама робіцца для мінімізацыі махлярскіх дзеянняў.

Каментары

Цяпер чытаюць

Муж галоўнай гераіні прапагандысцкага фільма БТ скончыў жыццё самагубствам

Грамадствабудзе дапоўнена

Муж галоўнай гераіні прапагандысцкага фільма БТ скончыў жыццё самагубствам

Усе навіны →
Усе навіны

На фабрыцы ў Слуцку загінуў электраманцёр: яго збіў недасведчаны кіроўца пагрузчыка

Пуцін: Не слухайце Пяскова, у яго праца такая2

Сілуэт хмарачоса ўжо вымалёўваецца. Як цяпер выглядае шматпакутны «Газпрам Цэнтр» у Мінску ФОТА5

Сталі вядомы магчымыя ўмовы Расіі для спынення агню ва Украіне6

Парашэнка: Зяленскі вядзе Украіну «ў бок дыктатуры»10

Скон тарашкевіцы. Закрыццё «Радыё Свабода» можа завяршыць моўную эпоху46

У квартале «Мінск-Свет» з’явіліся дамы з двухузроўневымі кватэрамі4

Ціханоўская: Дэмакратычныя перамены ў Беларусі гарантуюць 1000 кіламетраў бяспечнай мяжы Еўрасаюзу15

Расійскага коміка затрымалі ў Беларусі за жарты пра ўдзельнікаў СВА. Беларускія сілавікі павесілі на коміка мясарубку12

больш чытаных навін
больш лайканых навін

Муж галоўнай гераіні прапагандысцкага фільма БТ скончыў жыццё самагубствам

Грамадствабудзе дапоўнена

Муж галоўнай гераіні прапагандысцкага фільма БТ скончыў жыццё самагубствам

Галоўнае
Усе навіны →

Заўвага:

 

 

 

 

Закрыць Паведаміць