Грамадства 17 17

Nashaniva.com

19.03.2025 / 10:58

Муж галоўнай гераіні прапагандысцкага фільма БТ скончыў жыццё самагубствам

Станіслаў Брыкін са Шклова разам з сям'ёй эміграваў у 2022-м годзе пасля палітычнага пераследу. Жонка і дзеці вярнуліся ў Беларусь, а ён пайшоў з жыцця ў інтэрнаце для бежанцаў у Літве.

Юлія Брыкіна-Барысава на прэм'еры фільма «Чужое неба» ў Мінску

18 сакавіка ў Мінску адбылася прэм'ера прапагандысцкага кіно «Чужое неба». Большую яго частку знялі падманам, але адна сапраўдная гераіня ў фільме ўсё ж была.

Жыхарку Шклова Юлію Брыкіну-Барысаву нават запрасілі на закрыты паказ — разам з міністрамі і ідэолагамі.

Яна эмігравала з сям'ёй у 2022 годзе — пасля таго як яе мужу Станіславу Брыкіну стаў пагражаць палітычны крымінальны пераслед.

У 2020-м ён, работнік «Белтэлекама», далучыўся да забастоўкі. Таксама неаднаразова ўдзельнічаў у пратэстах.

Сям'я пражыла ў Германіі два з паловай гады, аднак урэшце Юлія з дзецьмі вырашыла вярнуцца ў Беларусь. Станіслаў застаўся ў Еўропе.

Вярнуўшыся, Юлія паўдзельнічала ў фільме прапагандыстаў. Калі адбыліся здымкі, невядома.

Як паведаміў Андрэй Стрыжак, цела Станіслава Брыкіна знайшлі 4 сакавіка 2025 года ў лагеры для ўцекачоў у літоўскім Падброддзі. Асноўная версія следства — самагубства.

«Ці ведаў Станіслаў што ягоная жонка знялася ў прапагандысцкім кіно? Невядома. Ці магла б вестка пра гэта стаць кропкай у ягоным рашэнні? Магла б», — піша Андрэй Стрыжак.

Чытайце яшчэ

Каментары17

Апостол Петр

19.03.2025

Лучшие обычно умирают первыми, чтобы быстрее попасть в лучший мир. Худшие не торопятся к дьяволу, поэтому задерживаются надолго. Однако у всех правил есть исключения.
Акаб

19.03.2025

Чёрная вдова.
Эмігрант

19.03.2025

Трагедыя.
Спачуванні дзецям, радзіцелям.
Жаль што побач не было сяброў якія змаглі дапамагчы.

Цяпер чытаюць

Беларускія сілавікі зламалі рэбры і хрыбетнік коміку Астаніну падчас затрымання ў Беларусі

Узрост моладзі могуць павялічыць у Беларусі да 35 гадоў

З’явілася ВІДЭА моманту аварыі, у якой пацярпелі шэсць машын

«Як у Лондане ці Мадрыдзе». У Брэсце будуюць незвычайны жылы комплекс з цаной метра ад 4300 рублёў

«Літва — зона камфорту». Як 21-гадовая беларуска бясплатна вучыцца ў тэхнічным універсітэце і працуе ў IT2 2

Што хаваецца за бананавай індустрыяй Коста-Рыкі. У Еўропу трапляюць «чыстыя» бананы, але хто расплачваецца за гэта?1 1

У Мінску — усплёск рэспіраторных захворванняў. Каля дзіцячай інфекцыёнкі знялі чаргу з машын хуткай дапамогі2 2