Vajna99

«Možam zastacca biez armii i biez Rasii». Pryhožyn zajaviŭ, što rasijskija vojski adstupajuć i niasuć vializnyja straty, ale hetaja infarmacyja chavajecca

U toj čas, jak padajecca, što ŭkrainski kontrnastup zamarudziŭsia i idzie vielmi pavolna, pra što havorać i aficyjnyja asoby Ukrainy, kiraŭnik PVK «Vahnier» śćviardžaje advarotnaje i bje ŭ zvany. 

Jaŭhien Pryhožyn. Fota: AP Photo, file

Pryhožyna paprasili prakamientavać śćviardžeńnie namieśnicy ministra abarony Ukrainy Hanny Malar, što ŭkrainskaje kontrnastupleńnie «idzie pa płanie». U adkaz jon vydaŭ ledź nie apakaliptyčnuju dla rasijskich vojskaŭ karcinu.

Źviartajučysia da situacyi ŭ Zaparožskaj vobłaści, Pryhožyn adznačaje, što pad kantrolem USU ŭžo i Piacichatki, i paŭnočnaja častka Rabocina, i Uradžajnaje. USU taksama znachodziacca «nad Takmakom», pry hetym u rasijan nibyta niama ni ŭzbrajeńnia, ni bajeprypasaŭ, a sałdaty pišuć listy kamandavańniu, što nie majuć navat hranat i braniabojnych patronaŭ, nie kažučy pra bolš surjoznyja srodki.

USU, pa słovach Pryhožyna, kirujucca ciapier da Małočnaha limana niepadalok ad uźbiarežža Azoŭskaha mora, i kali ŭ ich usio atrymajecca, to ŭkraincy viernuć sabie bolšaść terytoryj, akupavanych Rasijaj.

Z druhoha boku tym časam nibyta pačynajecca farsiravańnie Dniapra, u Hołaj Prystani ŭžo vysadzilisia dyviersijna-raźviedvalnyja hrupy, a chutka pryjduć i rehularnyja vojski.

Usie hetyja źviestki, jak śćviardžaje Pryhožyn, chavajucca ad vajenkaraŭ, «infarmacyja zatykajecca», «idzie pramaja zdrada RF». I ŭsio heta adbyvajecca na fonie strat, pry niedachopie asabovaha składu na 50—60%. U adzin dzień rasijanie, maŭlaŭ, pračnucca i daviedajucca, što ŭkraincy ŭžo adbili i Krym.

A kiraŭnictva «śpiecyjalnaj vajennaj apieracyi», jakuju Pryhožyn nazvaŭ «tak zvanaj», na jahonuju dumku, zajmajecca padtasoŭkaj faktaŭ dla pieradačy kiraŭnictvu Kramla, jany «padmanvajuć viarchoŭnaha hałoŭnakamandujučaha i rasijski narod».

Kali tak budzie praciahvajecca, to, maŭlaŭ, «my zastaniomsia biez hałoŭnaha — biez Rasii».

A na ŭčarašniaj kalehii Minabarony, jak hnieŭna narakaje Pryhožyn, tym časam abmiarkoŭvałasia vystava, jakuju ładziać svajaki Šajhu, i praviadzieńnie vajskovaha parada z udziełam vajskovych karabloŭ. Pry hetym kiraŭnik PVK «Vahnier» zhadaŭ pra los rasijskaha fłahmana Čarnamorskaha fłotu «Maskva».

Faktyčna paćviardžaje słovy Pryhožyna ŭ svaim śviežym dopisie i adzin z vajenkaraŭ, jaki piša pad nikam «Trynaccaty»:

«Na siońniašni dzień našy bajcy niasuć surjoznyja straty ciapier, faktyčna kožny dzień pa 6-7 čałaviek dvuchsotych, siońnia 4, i heta tolki ŭ adnym desantnym pałku. Dniami zahinuli byłyja źniavolenyja, z troch sotniaŭ u žyvych zastałosia šaściora, a kali padličyć ahulnyja straty ŭsich padraździaleńniaŭ, to vy prosta navat nie pavierycie ŭ hetyja ličby.

Idyjoty, što nosiacca z fotazdymkami «padbitaha leaparda», karennym čynam nie ŭśviedamlajuć usiaho taho, što dziejecca ciapier na froncie. Praces idzie, my hublajem nasielenyja punkty, bajavyja dziejańni prachodziać u składanaj miascovaści…

Napeŭna, ludzi pačnuć pračynacca tolki tady, kali ŭbačać, što vakoł usio bolš partretaŭ z žałobnymi stužkami, i bolšaść strat — heta vina kamandavańnia».

Kamientary9

  • Smatraščy
    21.06.2023
    I kamu vieryć, k kamu prysłanicca? Ja uže saviaršenna nie panimaju. Aha, u nas že jadziernaja bomba jeść!
  • 100%
    21.06.2023
    SŁAVA UKRAINIE! HIEROJAM SŁAVA!
  • mikola
    21.06.2023
    Mazliva pazartavau ?

Ciapier čytajuć

Stała viadoma, na čym pahareŭ hienij finansaŭ Pavieł Kałaŭr25

Stała viadoma, na čym pahareŭ hienij finansaŭ Pavieł Kałaŭr

Usie naviny →
Usie naviny

«Zabojstva na vulicy Makajonka». Štučny intelekt ci čałaviek napisali novy biełaruski detektyŭ?3

Aeraport Lvova mohuć adkryć užo ŭ kancy viasny3

Zdajecca, vyznačyłasia samaja modnaja para biełaruskaj apazicyi. Jak vam ich pačućcie stylu?115

Pieraličycie 1,5% padachodnaha na biełaruskuju spravu. Inakš dziaržava skarystaje tyja hrošy sama20

Čyrvony kaścioł u Minsku chutka pačnuć ramantavać5

U Minsku zahareŭsia aŭtobus3

«Tavaryšy, kaniec!»: u Budapiešcie tysiačy vienhraŭ pratestavali suprać Orbana9

«Amierykanski Duhin». Jak małaviadomy błohier upłyvaje na važnych fihur administracyi Trampa27

Sierbskaja apazicyja abvinavaciła ŭłady ŭ vykarystańni zabaronienaj hukavoj zbroi suprać pratestoŭcaŭ

bolš čytanych navin
bolš łajkanych navin

Stała viadoma, na čym pahareŭ hienij finansaŭ Pavieł Kałaŭr25

Stała viadoma, na čym pahareŭ hienij finansaŭ Pavieł Kałaŭr

Hałoŭnaje
Usie naviny →

Zaŭvaha:

 

 

 

 

Zakryć Paviedamić