Pryhožyn raskazaŭ, kolki byłych źniavolenych viarnulisia dadomu paśla ŭdziełu ŭ vajnie va Ukrainie
32 tysiačy byłych źniavolenych, jakija ŭdzielničali ŭ rasijskim uvarvańni va Ukrainu ŭ šerahach PVK «Vahnier», viarnulisia dadomu. Takija źviestki pa stanie na 18 červienia paviedamiŭ zasnavalnik pryvatnaj vajskovaj kampanii Jaŭhien Pryhožyn, pra heta piša «Mieduza».
Pavodle jaho słoŭ, tyja, chto vyjšaŭ na volu paśla vajny, učynili 83 złačynstvy, što «ŭ 80 razoŭ mienš, čym u asob, jakija vyzvalajucca ź miescaŭ pazbaŭleńnia voli za anałahičny pieryjad biez zaklučeńnia kantrakta z PVK «Vahnier».
Ab viarboŭcy źniavolenych rasijskich kałonij dla ŭdziełu ŭ vajnie va Ukrainie viadoma ź leta 2022 hoda. Uzamien asudžanym abiacali hrašovyja vypłaty i pamiłavańnie. Prezident RF Uładzimir Pucin paćvierdziŭ, što padpisvaje ŭkazy ab pamiłavańni źniavolenych, jakija pahadzilisia vajavać va Ukrainie.
Pieršapačatkova viarboŭkaj zajmałasia PVK «Vahnier». U lutym 2023 hoda Jaŭhien Pryhožyn abviaściŭ, što kampanija pierastała vierbavać źniavolenych. Jak paviedamlałasia, nabirać ludziej na vajnu ŭ kałonijach pačali ad imia Minabarony RF.
Usiaho, pavodle słoŭ Pryhožyna, PVK «Vahnier» zavierbavała 50 tysiač źniavolenych, ź jakich zahinuli kala 20%. Takaja ž dola strat, pavodle jaho, i siarod inšych katehoryj najmitaŭ PVK «Vahnier». Zychodziačy ź jaho słoŭ, možna zrabić vysnovu, što pryvatnaja vajskovaja kampanija straciła zabitymi 15-16 tysiač čałaviek, u tym liku 10 tysiač byłych źniavolenych. Jašče 15-16 tysiač PVK «Vahnier» stracili praź ciažkija ranieńni.
Ciapier čytajuć
Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch8
Kamientary