Hramadstva44

U KDB raskazali, dzie rychtujuć dobraachvotnikaŭ dla vyzvaleńnia Biełarusi

KDB Biełarusi na dziaržaŭnym TB vykazaŭ svaju viersiju, adkul «na Biełaruś rychtujucca napady». Pavodle prapahandysckaha vystupu viedamstva, u śviecie rychtujucca nie tolki dobraachvotniki, ale i rehularnyja vojski krain dla dapamohi biełaruskaj apazicyi.

Kanstancin Byčak. Skryn videa

Namieśnik načalnika Śledčaha ŭpraŭleńnia Kamiteta dziaržaŭnaj biaśpieki (KDB) Kanstancin Byčak u efiry «Biełaruś 1» zajaviŭ, što KDB maje źviestki, jak supracoŭniki zamiežnych śpiecsłužbaŭ rychtujuć u Polščy, Ukrainie i Litvie biełarusaŭ dla vyzvaleńnia Biełarusi.

Pavodle pradstaŭnika KDB, viedamstvu viadomyja asoby, jakija prachodziać vajskovuju padrychtoŭku, i tyja, chto ich rychtuje, a taksama fondy, što heta finansujuć.

Kanstancin Byčak havoryć, što padrychtoŭka viadziecca na bazie śpiecyjalnych padraździaleńniaŭ i ŭzbrojenych farmavańniaŭ.

«U Polščy heta «Hrom», u Litvie heta Sajuz strałkoŭ Litvy, va Ukrainie heta SBU i padraździaleńni ŭkrainskaj vajskovaj raźviedki. Paśla atrymańnia pieršasnaj padrychtoŭki bajeviki prachodziać abkatku na poli boju na ŭschodzie Ukrainy, paśla čaho viartajucca, robiacca instruktarami, rychtujuć terakty, raspracoŭvajuć płany ŭzbrojenaha ŭvarvańnia na terytoryju Respubliki Biełaruś, u tym liku i pry padtrymcy rehularnych vojskaŭ nazvanych krain», — skazaŭ Byčak.

Aŭtar prapahandysckaha siužeta Jaŭhien Horyn mimachodź zajaŭlaje pra hatoŭnaść uładaŭ krainy ŭžyć taktyčnuju jadziernuju zbroju prosta na terytoryi Biełarusi.

«Jość adzin važny momant. Paśla taho jak u Biełarusi źjaviłasia taktyčnaja jadziernaja zbroja, napad, naprykład, tankavymi kałonami, vialikimi złučeńniami stanovicca ŭvohule biessensoŭnym.

A voś mabilnyja dyviersijnyja hrupy — u ich bolš akno mahčymaściaŭ dla razyhryvańnia čarhovaha śpiektakla», — kamientuje Jaŭhien Horyn za kadram.

Ułada Łukašenki ŭ siužecie nazyvajecca «zakonna abranaj», KDB zajaŭlaje, što hatovy jaje abaranić. 

Kamientary4

  • Vasia
    26.06.2023
    Dla načała, łukašienko javlajetsia banditom zachvativšim vłasť jeŝio v 1996 hodu, t.ie. luboj siłovik zaŝiŝajuŝij priestupnika łukašienko javlajetsia zakonnoj cielju.
    Nu a tak, to čto hovorit etot bandit, čisto čuchnia rasčitannaja na vnutrieńniuju auditoriju, osobienno pro tankovyje kołonny.
  • Nu i što
    26.06.2023
    Nu i što, vorah dla nas na ŭschodzie
  • Ž
    26.06.2023
    kali byčak nia moža - ludzi zmohuć

Ciapier čytajuć

Stała viadoma, na čym pahareŭ hienij finansaŭ Pavieł Kałaŭr19

Stała viadoma, na čym pahareŭ hienij finansaŭ Pavieł Kałaŭr

Usie naviny →
Usie naviny

«Amierykanski Duhin». Jak małaviadomy błohier upłyvaje na važnych fihur administracyi Trampa27

Sierbskaja apazicyja abvinavaciła ŭłady ŭ vykarystańni zabaronienaj hukavoj zbroi suprać pratestoŭcaŭ

Łukašenka choča pabudavać druhuju AES na patreby Rasii i akupavanych ukrainskich terytoryj. Ale jaho čakaje siurpryz18

Małady čałaviek upaŭ na rejki ŭ mietro. Na płatformu jaho padniali vidavočcy VIDEA

Ci možna zabraniravać sabie miesca na mohiłkach pry žyćci, ci možna raźviejać prach i kolki ŭ siarednim kaštuje pachavańnie ŭ Biełarusi?7

«Siadžu i razumieju, što ničoha nie razumieju». Rasijskaja aktrysa, zaprošanaja ŭ Kupałaŭski teatr, raskazała pra biełaruskamoŭny repiertuar12

Vučyč prakamientavaŭ 100-tysiačny pratest u Białhradzie8

«Tramp — eta ŭchadziaščaja viešč, a kachańnie — viečnaje». Pavieł Haradnicki raspavioŭ pra novy albom RSP5

U Trampa patłumačyli rašeńnie spynić finansavańnie «Hołasu Amieryki»15

bolš čytanych navin
bolš łajkanych navin

Stała viadoma, na čym pahareŭ hienij finansaŭ Pavieł Kałaŭr19

Stała viadoma, na čym pahareŭ hienij finansaŭ Pavieł Kałaŭr

Hałoŭnaje
Usie naviny →

Zaŭvaha:

 

 

 

 

Zakryć Paviedamić