Śviet1010

Prezident Litvy znoŭ nahadaŭ pra imknieńnie zraŭniać abmiežavańni ŭ dačynieńni da rasijan i biełarusaŭ

U adkaz na pahrozu ad rasijskich najmitaŭ «Vahniera», jakija znachodziacca ŭ Biełarusi, prezident Hitanas Naŭsieda nahadvaje, što jaho vieta, jakoje zusim niadaŭna adchilili namahańniami kiroŭnaj partyi, było skiravanaje na ŭraŭnoŭvańnie pravavych umoŭ jak dla rasijskich, tak i dla biełaruskich hramadzian, jak piša Delfi.lt. 

Hitanas Naŭsieda na adkryćci biełaruskaha ofisa «Radyjo Svaboda» ŭ Vilni. Fota: «Naša Niva»

Pavodle słoŭ kiraŭnika Litvy, u suviazi z tym, što heta vieta adchilili, isnuje ryzyka źjaŭleńnia na miežach Litvy najmitaŭ-«vahnieraŭcaŭ» ź biełaruskim hramadzianstvam.

«Davajcie ŭspomnim: prezident nakłaŭ vieta na zakon, skazaŭšy, što my pavinny prymianiać adnolkavy pravavy režym da ludziej z Rasii i Biełarusi, što prybyvajuć da nas.

Ja b skazaŭ, što kiroŭnaja bolšaść złaradna adchiliła heta vieta — nu ciapier jany stajać la raźbitaha karyta», — skazaŭ Naŭsieda ŭ intervju telekanału LNK.

Jon padkreśliŭ, što ŭ najbližejšy čas daviadziecca viarnucca da pytańnia ŭraŭnoŭvańnia pravavoha režymu ŭ dačynieńni da rasijan i biełarusaŭ.

«Najbližejšym časam daviadziecca viarnucca da hetaha pytańnia, bo takim čynam biarecca na siabie poŭnaja adkaznaść za toje, što la našych miežaŭ mohuć źjavicca ŭzbrojenyja ludzi ź biełaruskim hramadzianstvam, pad adzieńniem jakich buduć chavacca tyja samyja «vahnieraŭcy». Ja nie pałochaju, ja prosta prapanuju vielmi dobra padumać, u jakoj situacyi my ciapier znachodzimsia», — padkreśliŭ Naŭsieda.

«Hetym chłopcam vidavočna čužyja zhryzoty sumleńnia, i ŭ adpaviednych rukach jany mohuć być vykarystany dla jakich-niebudź złamysnych metaŭ», — skazaŭ jon.

Siejm u krasaviku nie prysłuchaŭsia da prapanoŭ Naŭsiedy ab nacyjanalnych sankcyjach suprać hramadzian Rasii i Biełarusi. Vieta kiraŭnika dziaržavy było adchilena hałasami 99 deputataŭ.

Kamientary10

  • Šo, opiať?
    04.07.2023
    Łučšie by on v litovskuju raźviedku i oboronu inviestirovał, čiem snova populizmom zanimałsia na publikie.
  • *
    04.07.2023
    Usie nijak nie zabudziecca što atrymaŭ ŭ Viciebsku ŭ svoj čas
  • Bahdan
    04.07.2023
    Vahnieraŭcy ź biełaruskim pašpartam i aŭtamatam buduć prachodzić litoŭskuju miažu pa šenhienskaj vizie? Naŭsieda, alo, što ty mieleš?

Ciapier čytajuć

Jak vyhladaje znutry rezidencyja Łukašenki «Krasnasielskaje»13

Jak vyhladaje znutry rezidencyja Łukašenki «Krasnasielskaje»

Usie naviny →
Usie naviny

Marzaluk pra adnosiny z žonkaj: Chadžu na zadnich łapach11

Mierkiel: Tramp začaravany pucinskaj Rasijaj11

Zahinuŭ 22-hadovy biełarus Alaksandr «Łyč» Sierada, jaki vajavaŭ za Ukrainu22

Klimat Biełarusi stanovicca ciaplejšym chutčej, čym u bolšaści krain śvietu8

Bujnomu dyśpietčaru taksi zabaranili pracu ŭ Biełarusi4

Marzaluk: Hierb Pahonia nikoli nie byŭ zabaronieny!29

Zialenski zaćvierdziŭ hrupu, jakaja budzie vieści mirnyja pieramovy3

Što źmienicca dla markietpłejsaŭ i kali ŭviaduć apłatu tolki bieznajaŭnymi? Raskazali ŭ ministerstvie

Pavieł Duraŭ pakinuŭ Francyju i adpraviŭsia ŭ Dubaj pa dazvole suda5

bolš čytanych navin
bolš łajkanych navin

Jak vyhladaje znutry rezidencyja Łukašenki «Krasnasielskaje»13

Jak vyhladaje znutry rezidencyja Łukašenki «Krasnasielskaje»

Hałoŭnaje
Usie naviny →

Zaŭvaha:

 

 

 

 

Zakryć Paviedamić