Hramadstva1515

Stała viadoma, jak i kali źbirajucca pravodzić vybary ŭ Kaardynacyjnuju radu

Kaardynacyjnaja rada vyznačyłasia sa sposabam praviadzieńnia vybaraŭ u novy skład arhanizacyi. Pra toje, jak heta maje adbyvacca, raskazaŭ kiraŭnik KR Andrej Jahoraŭ u kamientary vydańniu «Lusterka».

Andrej Jahoraŭ

8 śniežnia delehaty Kaardynacyjnaj rady pryniali rašeńnie, što novy skład arhanizacyi buduć abirać sami biełarusy pramym hałasavańniem. Vybary adbuducca ŭ sakaviku 2024 hoda i buduć elektronnymi, a ŭsiaho biełarusam treba budzie vybrać 120 «deputataŭ». Vosiem ź ich — heta siabry asnoŭnaha składu Rady, jakija na hety momant znachodziacca ŭ źniavoleńni. 18 miescaŭ atrymajuć pradstaŭniki arhanizacyj hramadzianskaj supolnaści.

«Ludzi ŭ Biełarusi zmohuć prahałasavać, zarehistravaŭšysia pa numary telefona, ludzi pa-za krainaj — pa dakumiencie, jaki śviedčyć asobu. Treba budzie zarehistravacca ŭ śpiecyjalnaj sistemie dla taho, kab atrymać mahčymaść prahałasavać,

— patłumačyŭ «Lusterku» schiemu Andrej Jahoraŭ. — Hałasavańnie budzie arhanizavana z dapamohaj roznych servisaŭ i dadatkaŭ i budzie čymści nahadvać toje, jak heta było zroblena ŭ płatformie «Hołas» u 2020 hodzie.

My starajemsia raspracavać rašeńnie, jakoje stanie maksimalna biaśpiečnym. Jak i luboje techničnaje rašeńnie, jano patrabuje času i raspracoŭki. Biaśpieka — heta adziny momant, jaki moža spynić nas ad praviadzieńnia vybaraŭ u sakaviku».

Pa słovach Jahorava, vybary ŭ Kaardynacyjnuju radu adbuducca pa praparcyjnaj vybarčaj sistemie. Heta značyć, biełarusy buduć hałasavać nie za asobnych kandydataŭ, a za śpisy pretendentaŭ. Maksimalna možna budzie vybrać try śpisy, minimalnaja kolkaść kandydataŭ u kožnym ź ich składzie 10 čałaviek.

Takija śpisy zmohuć farmiravać palityčnyja partyi, arhanizacyi hramadzianskaj supolnaści i lubyja inšyja abjadnańni hramadzian. Dla hetaha treba budzie padać palityčnuju prahramu na termin nie mienš za dva hady i dekłaracyju kaštoŭnaściaŭ, na asnovie jakich sfarmiravany palityčny subjekt.

Nie mienš za 40% kandydataŭ u kožnym śpisie pavinny składać žančyny. Pry raźmierkavańni miescaŭ u śpisach pieramožcaŭ dvoje ź piaci ludziej, jakija prajšli ŭ Kaardynacyjnuju radu ad kožnaha vybarčaha abjadnańnia, taksama pavinny być žančynami.

Taksama Jahoraŭ adznačyŭ, što pravodzić vybary budzie svaja asobnaja Centralnaja vybarčaja kamisija. Rašeńnie ab miechaniźmie jaje farmiravańnia jašče nie pryniata — heta budzie zroblena ŭ najbližejšy čas, a dziejnyja delehaty KR prymuć śpiecyjalnaje pałažeńnie ab CVK.

Ahitacyjnaja kampanija na vybarach u KS pačniecca ŭ lutym. Heta zroblena dla taho, kab jana prajšła paralelna z aficyjnymi vybarami ŭ Pałatu pradstaŭnikoŭ i miascovyja saviety, jakija projduć u Biełarusi 25 lutaha 2024 hoda.

Paŭnamoctvy dziejnaha składu Kaardynacyjnaj rady minajuć 8 lutaha 2024 hoda. Jahoraŭ zajaviŭ, što bližej da hetaj daty budzie pryniata rašeńnie albo ab praciahu pracy biahučaha sklikańnia, albo ab jaje prypynieńni da farmiravańnia novaha składu KR.

Kamientary15

  • Gorliwy Litwin
    08.12.2023
    fufło a nie schiema.  Nu što za virtualnyja śpisy!? Dyjaspara ŭciekačoŭ z RB raśsiejanaja adnosna kampaktnymi hrupami pa kankretnych krainach i haradach. Polščy - Varšava, Krakaŭ, Hdańsk, Urocłaŭ, Łodź i h.d. Vilnia, Batumi... treba było stvaryć vyborčyja akruhi terytaryjalnyja, dzie ludzi viedajuć lideraŭ pa kankretnych spravach. A tut padsunuli schiemu - jaŭnuju duryłku, kab manipulavać nieinfarmavanaj masaj. Možna ŭ pryncypie i virtualnych ludziej-kandydataŭ stvaryć z dapamohaj štučnaha intelektu i prapanavać vybirać ź ich liku.

    na žal, takaja budučynia demakratyi pa ŭsim śviecie, a dakładniej - jaje faktyčnaja śmierć. Poŭnaja admova ad racyjanalnaści ŭ vybary na karyść emocyj (zaklikajuć ža i mieć ciapier tolki "emacyjny intelekt", a ŭsio krytyčnaje myśleńnie i infarmavanaść delehiravać Štučnamu Intelektu), poŭnaja admova ad realnaści na karyść prydumanych palittechnołahami i markietołahami mifaŭ. Inakš kažučy, Novaje Siaredniaviečča.
  • Lićvin
    08.12.2023
    A Azaronak ź jasnavidziščaj Bondaravaŭ pa jakomu śpisu vystavilisia: " Jon kryčaŭ i katoraja Orała"?
  • 1863
    08.12.2023
    Gorliwy Litwin, achacha
    davajtie chotia by načniem, a to biełorusy nie vidieli voobŝie nikakoj diemokratii

Ciapier čytajuć

Stała viadoma, na čym pahareŭ hienij finansaŭ Pavieł Kałaŭr25

Stała viadoma, na čym pahareŭ hienij finansaŭ Pavieł Kałaŭr

Usie naviny →
Usie naviny

«My vinavatyja. U hetaj vajnie jość i naša vina». Žurnalisty Washington Post pabyvali ŭ Homielskaj vobłaści29

Hiryn, Bury i navat Knyrovič adreahavali na artykuł pra samuju modnuju paru biełaruskaj apazicyi41

«Zabojstva na vulicy Makajonka». Štučny intelekt ci čałaviek napisali novy biełaruski detektyŭ?3

Aeraport Lvova mohuć adkryć užo ŭ kancy viasny3

Zdajecca, vyznačyłasia samaja modnaja para biełaruskaj apazicyi. Jak vam ich pačućcie stylu?115

Pieraličycie 1,5% padachodnaha na biełaruskuju spravu. Inakš dziaržava skarystaje tyja hrošy sama20

Čyrvony kaścioł u Minsku chutka pačnuć ramantavać5

U Minsku zahareŭsia aŭtobus3

«Tavaryšy, kaniec!»: u Budapiešcie tysiačy vienhraŭ pratestavali suprać Orbana9

bolš čytanych navin
bolš łajkanych navin

Stała viadoma, na čym pahareŭ hienij finansaŭ Pavieł Kałaŭr25

Stała viadoma, na čym pahareŭ hienij finansaŭ Pavieł Kałaŭr

Hałoŭnaje
Usie naviny →

Zaŭvaha:

 

 

 

 

Zakryć Paviedamić