Грамадства1515

Стала вядома, як і калі збіраюцца праводзіць выбары ў Каардынацыйную раду

Каардынацыйная рада вызначылася са спосабам правядзення выбараў у новы склад арганізацыі. Пра тое, як гэта мае адбывацца, расказаў кіраўнік КР Андрэй Ягораў у каментары выданню «Люстэрка».

Андрэй Ягораў

8 снежня дэлегаты Каардынацыйнай рады прынялі рашэнне, што новы склад арганізацыі будуць абіраць самі беларусы прамым галасаваннем. Выбары адбудуцца ў сакавіку 2024 года і будуць электроннымі, а ўсяго беларусам трэба будзе выбраць 120 «дэпутатаў». Восем з іх — гэта сябры асноўнага складу Рады, якія на гэты момант знаходзяцца ў зняволенні. 18 месцаў атрымаюць прадстаўнікі арганізацый грамадзянскай супольнасці.

«Людзі ў Беларусі змогуць прагаласаваць, зарэгістраваўшыся па нумары тэлефона, людзі па-за краінай — па дакуменце, які сведчыць асобу. Трэба будзе зарэгістравацца ў спецыяльнай сістэме для таго, каб атрымаць магчымасць прагаласаваць,

— патлумачыў «Люстэрку» схему Андрэй Ягораў. — Галасаванне будзе арганізавана з дапамогай розных сэрвісаў і дадаткаў і будзе чымсьці нагадваць тое, як гэта было зроблена ў платформе «Голас» у 2020 годзе.

Мы стараемся распрацаваць рашэнне, якое стане максімальна бяспечным. Як і любое тэхнічнае рашэнне, яно патрабуе часу і распрацоўкі. Бяспека — гэта адзіны момант, які можа спыніць нас ад правядзення выбараў у сакавіку».

Па словах Ягорава, выбары ў Каардынацыйную раду адбудуцца па прапарцыйнай выбарчай сістэме. Гэта значыць, беларусы будуць галасаваць не за асобных кандыдатаў, а за спісы прэтэндэнтаў. Максімальна можна будзе выбраць тры спісы, мінімальная колькасць кандыдатаў у кожным з іх складзе 10 чалавек.

Такія спісы змогуць фарміраваць палітычныя партыі, арганізацыі грамадзянскай супольнасці і любыя іншыя аб'яднанні грамадзян. Для гэтага трэба будзе падаць палітычную праграму на тэрмін не менш за два гады і дэкларацыю каштоўнасцяў, на аснове якіх сфарміраваны палітычны суб'ект.

Не менш за 40% кандыдатаў у кожным спісе павінны складаць жанчыны. Пры размеркаванні месцаў у спісах пераможцаў двое з пяці людзей, якія прайшлі ў Каардынацыйную раду ад кожнага выбарчага аб'яднання, таксама павінны быць жанчынамі.

Таксама Ягораў адзначыў, што праводзіць выбары будзе свая асобная Цэнтральная выбарчая камісія. Рашэнне аб механізме яе фарміравання яшчэ не прынята — гэта будзе зроблена ў найбліжэйшы час, а дзейныя дэлегаты КР прымуць спецыяльнае палажэнне аб ЦВК.

Агітацыйная кампанія на выбарах у КС пачнецца ў лютым. Гэта зроблена для таго, каб яна прайшла паралельна з афіцыйнымі выбарамі ў Палату прадстаўнікоў і мясцовыя саветы, якія пройдуць у Беларусі 25 лютага 2024 года.

Паўнамоцтвы дзейнага складу Каардынацыйнай рады мінаюць 8 лютага 2024 года. Ягораў заявіў, што бліжэй да гэтай даты будзе прынята рашэнне альбо аб працягу працы бягучага склікання, альбо аб яе прыпыненні да фарміравання новага складу КР.

Каментары15

  • Gorliwy Litwin
    08.12.2023
    фуфло а не схема.  Ну што за віртуальныя спісы!? Дыяспара ўцекачоў з РБ рассеяная адносна кампактнымі групамі па канкрэтных краінах і гарадах. Польшчы - Варшава, Кракаў, Гданьск, Уроцлаў, Лодзь і г.д. Вільня, Батумі... трэба было стварыць выборчыя акругі тэрытарыяльныя, дзе людзі ведаюць лідэраў па канкрэтных справах. А тут падсунулі схему - яўную дурылку, каб маніпуляваць неінфармаванай масай. Можна ў прынцыпе і віртуальных людзей-кандыдатаў стварыць з дапамогай штучнага інтэлекту і прапанаваць выбіраць з іх ліку.

    на жаль, такая будучыня дэмакратыі па ўсім свеце, а дакладней - яе фактычная смерць. Поўная адмова ад рацыянальнасці ў выбары на карысць эмоцый (заклікаюць жа і мець цяпер толькі "эмацыйны інтэлект", а ўсё крытычнае мысленне і інфармаванасць дэлегіраваць Штучнаму Інтэлекту), поўная адмова ад рэальнасці на карысць прыдуманых паліттэхнолагамі і маркетолагамі міфаў. Інакш кажучы, Новае Сярэднявечча.
  • Lićvin
    08.12.2023
    А Азаронак з яснавідзішчай Бондараваў па якому спісу выставіліся: " Ён крычаў і каторая Орала"?
  • 1863
    08.12.2023
    Gorliwy Litwin, ахаха
    давайте хотя бы начнем, а то белорусы не видели вообще никакой демократии

Цяпер чытаюць

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х16

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х

Усе навіны →
Усе навіны

Рэлаканты ў Літве заплацяць двойчы? Разбіраемся, як жыць без пагаднення аб падатках8

На адным з мінскіх пляжаў з’явяцца подыумы для загару

На Даўгінаўскім тракце перакуліўся аўтамабіль. Людзі самі вылезлі з яго

Дзяржсакратар ЗША расказаў пра два планы вырашэння канфлікту ва Украіне9

У Беларусь прыляцелі першыя буслы2

Турчын заявіў пра рызыку «чорных лебедзяў» у эканоміцы10

Трамп мае намер пагаварыць з Пуціным заўтра3

Беларуска стварыла інстаграм-рэаліці. Паспяхова ідзе ўжо пяты сезон12

Пасля пажару ў начным клубе ў Паўночнай Македоніі затрыманы 10 чалавек. У краіне — сямідзённая жалоба па загінулых

больш чытаных навін
больш лайканых навін

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х16

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х

Галоўнае
Усе навіны →

Заўвага:

 

 

 

 

Закрыць Паведаміць