Aŭtamabili z prabieham možna zamović na Wildberries užo ad siońnia. Pakul hetaja katehoryja tavaraŭ dastupnaja tolki dla žycharoŭ Maskvy i Maskoŭskaj vobłaści, ale ŭ dalejšym zona dastaŭki budzie pašyracca, paviedamiŭ «Aŭtastat».
Pastaŭkaj mašyn zajmajecca partnior markietplejsa — kampanija Pango Cars, jakaja śpiecyjalizujecca na prodažy aŭtamabilaŭ z prabieham ad dyleraŭ. Umova nabyćcia — 100%-ja pieradapłata, paśla čaho aŭtamabil dastaviać va ŭzhodnienaje z pakupnikom miesca.
Pakupnik taksama moža samastojna zabrać aŭto i ŭsie dakumienty z dylerskaha centra. Važna, što paśla ahladu možna admovicca ad kupli. Na ŭsie pradadzienyja mašyny budzie dziejničać postharantyjnaja padtrymka na asnoŭnyja vuzły i ahrehaty na praciahu hoda abo 20 tys. km prabiehu.
Na prodaž ciapier prapanujucca aŭtamabili KIA, Renault, Volkswagen, Changan, Audi i inšyja marki pa canie ad $9,7 tys.. Usie jany prajšli pieradprodažnuju padrychtoŭku i płanavy techničny ahlad.
U 2024 hodzie Wildberries zapuściŭ prodaž novych aŭtamabilaŭ kitajskaj marki Chery, a taksama pačaŭ pradavać pakiet pasłuh «Dapamoha na darozie» dla aŭtamabilistaŭ.
Kamientary