Mahiloŭskaja fabryka «Stužka» pradstaviła «inavacyjnyja» šnurki sa śviatłonazapašvalnaj nitkaj. Pra novuju raspracoŭku BiełTA raskazała pradstaŭnica kampanii Taćciana Safronienka.
«Stužka» pracuje bolš za 60 hadoŭ, u liku papularnych vyrabaŭ — tekstylnyja stužki z kamuflažnym drukam, vohnieachoŭnaj i vodaniepranikalnaj prapitkami, a taksama zvyšmocnyja materyjały z para– i mietaaramidnych vałoknaŭ. Robiać na fabrycy śviatłoadbivalnyja stužki, taśmu i flikiery.
Taksama pradpryjemstva asvoiła vypusk miedycynskich pieraviazačnych materyjałaŭ, uklučajučy kryvaspynialnyja žhuty i ełastyčnyja paviazki.
A śviatłonazapašvalnyja šnurki, jak adznačyła Taćciana Safronienka, asabliva papularnyja ŭ moładzi. Viadoma i jak imi karystacca — dastatkova pakinuć šnurki «na zaradcy» pad soncam ci lampaj usiaho na 10 chvilin.
Kamientary