Samuju darahuju kvateru ŭ Minsku ŭ lutym pradali za paŭmiljona dalaraŭ
Samaja darahaja kvatera, pradadzienaja ŭ lutym 2025 hoda ŭ Minsku, abyšłasia pakupniku ŭ 493 tysiačy dalaraŭ. Kvatera znachodzicca ŭ kvartale «Depo», što kala Płoščy Pieramohi.
Pieršyja damy ŭ zakrytym ŽK zdali ŭ kancy 2022 hoda, a ŭ lutym u adnym ź ich na vulicy Kisialova, 6B nabyli tuju samuju kvateru.
Dom šaścipaviarchovy, usiaho na 21 kvateru. Vyšynia stolaŭ tut — bolš za try mietry. Kolkaść harderobnych i vannych pakojaŭ u kožnaj kvatery roŭnaja kolkaści spalniaŭ. Pry hetym płošča kvater pačynałasia ad 88 kvadratnych mietraŭ, jakija na starcie prodažaŭ u 2021 hodzie kaštavali ad 311 tysiač dalaraŭ, a košt kvadratnaha mietra varjiravaŭsia ad 3500 da 4900 dalaraŭ.
Tut u lutym nabyli 4-pakajovuju kvateru na 5-m paviersie ahulnaj płoščaj 120 kvadratnych mietraŭ. Jana abyšłasia pakupniku ŭ 492 900 dalaraŭ (ci 4090 dalaraŭ za kvadratny mietr).
Kamientary