Daradca Trampa: Na pieramovach u Džydzie abmiarkoŭvalisia i doŭhaterminovyja harantyi dla Ukrainy
Daradca prezidenta ZŠA pa nacyjanalnaj biaśpiecy Majk Uołc adznačyŭ paśla pieramoŭ u Saudaŭskaj Aravii, što ŭkrainski bok na sustrečy «pradstaviŭ kankretnyja kroki i prapanovy» pa zaviaršeńni kanfliktu.
Pavodle słoŭ amierykanskaha čynoŭnika, na pieramovach abmiarkoŭvalisia ŭ tym liku doŭhaterminovyja harantyi biaśpieki dla Ukrainy.
Majk Uołc adznačyŭ, što ŭ najbližejšyja dni ZŠA praviaduć pieramovy z pradstaŭnikami Rasii.
«Prezident Tramp vyrazna daŭ zrazumieć, što ŭsie bajavyja dziejańni pavinny być spynienyja, i ŭkraincy pahadzilisia na hetuju prapanovu, jany hatovyja da miru. A ciapier my pieradamo hetuju prapanovu rasijanam», — zajaviŭ jon.
Pierad hetym dziaržsakratar ZŠA Marka Rubia pazityŭna acaniŭ pieramovy z ukrainskaj delehacyjaj u saudaŭskaj Džydzie. Jon zajaviŭ, što ciapier «miač» pa mirnych pieramovach znachodzicca «na baku Rasii».
«Ukraina zrabiła pazityŭny krok. My spadziajemsia, što Rasija adkaža ŭzajemnaściu», — zajaviŭ Rubia.
Kamientary