Кіно11

Прэм'ера новага сезона «Чорнага люстэрка» запланавана на чэрвень

Шосты па ліку сезон абяцае нечаканасці і зорны акцёрскі склад: сярод іншых у ім зняліся Ааран Пол, Майкл Сера, Сальма Хаек, Роры Калкін, Кейт Мара і іншыя.

Выява: Netflix

Папулярнае шоу брытанскай вытворчасці «Чорнае люстэрка» афіцыйна вяртаецца ў чэрвені гэтага года, абвясціла кампанія Netflix на мінулым тыдні.

Зусім нядаўна ўладальнік акаўнта ў твітары, прысвечанага «Чорнаму люстэрку», вырашыў зноў адазвацца пасля гадоў маўчання і напісаў твіт «Што мы прапусцілі?», пэўна, прывёўшы тым самым у экстаз пару тысяч фанатаў.

Акаўнт Netflix адказаў на гэта пытанне: «Навукоўцы ўсё яшчэ ствараюць робатаў, якія павольна выкарыстоўваюць усё больш і больш дасканалы штучны інтэлект, быццам яны не глядзелі ніводнага эпізоду вашага шоу».

Зыходзячы з першага тызера новага шостага сезона, анталогія трымае сваю змрочную антыўтапічную марку, апісваючы мажлівую супярэчлівую і не заўжды радасную будучыню, а месцамі і сучаснасць.

Стваральнік «Чорнага люстэрка» Чарлі Брукер намякае, што новы сезон будзе для фанатаў самым нечаканым і дзіўным. Калі вы бачылі серыял, то ведаеце, наколькі вар'яцкімі могуць быць сюжэтныя лініі (чаго варты толькі першы эпізод першага сезона пра прэм'ер-міністра і свінню). Такім чынам, калі стваральнік кажа, што збіраецца яшчэ далей перасягнуць гэтыя межы, то гэта цалкам можа быць праўдай.

Кожны эпізод сатырычнай анталогіі ў той ці іншай форме каментуе грамадства, напрыклад, праблемы, звязаныя з хакерамі вэб-камер, дзіўнымі сабакамі-робатамі і таксічнасцю сацыяльных сетак. Інтэрнэт-супольнасцю быў прыдуманы нават мем-выраз «жыць у эпізодзе «Чорнага люстэрка» з-за шчыльнасці дзіўных і непрыемных падзей, якія адбыліся за апошнія некалькі гадоў.

Апошні на сёння пяты сезон завяршыўся ў 2019 годзе, і гэты чатырохгадовы перапынак стаў самым доўгім між усімі сезонамі. Гэта было звязана з заснаваннем стваральнікамі шоу новай прадзюсарскай кампаніі і ўрэгуляваннем правоў на паказ. На шчасце аматараў, ужо вядома, што новы сезон будзе мець больш серый за папярэдні, а новыя эпізоды будуць даўжэйшымі, іх можна будзе глядзець як асобныя фільмы.

Каментары1

  • mikola
    02.05.2023
    var>jactva....

Як выглядае знутры рэзідэнцыя Лукашэнкі «Краснасельскае»13

Як выглядае знутры рэзідэнцыя Лукашэнкі «Краснасельскае»

Усе навіны →
Усе навіны

Марзалюк пра адносіны з жонкай: Хаджу на задніх лапах11

Меркель: Трамп зачараваны пуцінскай Расіяй11

Загінуў 22-гадовы беларус Аляксандр «Лыч» Серада, які ваяваў за Украіну22

Клімат Беларусі становіцца цяплейшым хутчэй, чым у большасці краін свету8

Буйному дыспетчару таксі забаранілі працу ў Беларусі4

Марзалюк: Герб Пагоня ніколі не быў забаронены!29

Зяленскі зацвердзіў групу, якая будзе весці мірныя перамовы3

Што зменіцца для маркетплэйсаў і калі ўвядуць аплату толькі безнаяўнымі? Расказалі ў міністэрстве

Павел Дураў пакінуў Францыю і адправіўся ў Дубай па дазволе суда5

больш чытаных навін
больш лайканых навін

Як выглядае знутры рэзідэнцыя Лукашэнкі «Краснасельскае»13

Як выглядае знутры рэзідэнцыя Лукашэнкі «Краснасельскае»

Галоўнае
Усе навіны →

Заўвага:

 

 

 

 

Закрыць Паведаміць