«Цяпер зразумела, у каго ўнучка». Прапаганда паказала дзеда першай беларускай касманаўткі Марыны Васілеўскай
Выданне «Мінск-Навіны» зрабіла рэпартаж пра дзеда Марыны Васілеўскай — Фёдара Васілеўскага. Аказалася, «найлепшы слесар усіх часоў» Мінскага холадакамбіната № 2.
Фёдар Васілеўскі прапрацаваў на Мінскім холадакамбінаце № 2 з 1961 па 2003 год.
Дырэктар Мінскага холадакамбіната № 2 Дзмітрый Бонахаў падчас рэпартажу сустрэў Фёдара Васілеўскага з кветкамі і «дзейным пропускам».
«Сустрэча выглядала цёпла і кранальна — ветэран працы быў і застаўся чальцом фабрычнай «сямʼі», — пішуць прапагандысты.
— Фёдар Сідаравіч прапрацаваў слесарам і наладчыкам абсталявання 6-га разраду на фабрыцы марожанага цэлых 42 гады. Не кожны зможа пратрымацца столькі часу. Мы падрыхтавалі для яго шмат падарункаў, — распавёў дырэктар.
Падарункаў шмат: і грашовы сертыфікат у памеры 3 000 рублёў — на пуцёўку ў санаторый, і партрэт любімай унучкі, і торт з касмічным караблём «Саюз МС-25».
«І ўсё ж цёплыя словы ад былых калег і сяброў даражэйшыя за матэрыяльныя каштоўнасці», — пішуць «Мінск-Навіны».
— Працавалі ў адной брыгадзе, у адным цэху. Федзя заўсёды быў такі вясёлы, на баяне граў. Наш найлепшы слесар за ўвесь час працы, з залатымі рукамі. Жадаю здароўя ўсёй сямʼі Васілеўскіх. Дзякуй яму вялікі за такую цудоўную ўнучку, — падзялілася Ганна Борыкава, работніца вафельна-кандытарскага цэха.
— Я працую тут з 1985 года. Наша фабрыка выкарыстоўвае вафельныя вырабы: лісты, кубачкі, у вырабе якіх вызначана ёсць і частка вашай працы, — звярнулася да Фёдара Васілеўскага начальніца фабрыкі марожанага Святлана Казакевіч.
— А калі вы прыклалі свае старанні, то прадукцыя абяцае быць бездакорнай і смачнай, — дадала яна.
У вытворчым цэху Фёдара Сідаравіча пачаставалі марожаным з новымі смакамі і спыталі, ці моцна змяніўся смак праз столькі часу. Але новых смакаў Фёдар Сідаравіч не адчуў.
«Ветэран працы ўпэўнены: смак застаўся ранейшым. Таксама ён задаволены зменай тэхналагічнага абсталявання і павелічэннем абаротаў вытворчасці», — пішуць карэспандэнты.
У час размовы Васілеўскі расказаў самае важнае: фабрыку часта наведвалі яго ўнукі Марына і Аляксандр. «Вельмі ж ім быў па душы ласунак з «чароўнага халадзільніка». Марозіва першая беларуская жанчына-касманаўт любіць да гэтага часу, асабліва «Каштан», — дадаюць рэкламы «Мінск-Навіны».
«Цяпер зразумела, у каго ўнучка», — назвалі рэпартаж прапагандысты.
Ботаў адправілі адбельваць Васілеўскую, стала вядомая метадычка
Пытанне, ці з'яўляецца Марына Васілеўская прафесійнай касманаўткай, праясніў «Раскосмас»
Стала вядома, дзе ўсё ж вучылася касманаўтка Марына Васілеўская
Судзімасць бацькі, дзівосы з адукацыяй, прагалы ў біяграфіі — таямніцы жыцця першай беларускай касманаўткі
Цяпер чытаюць
У ЗША разглядаюць магчымасць забараніць уезд у краіну грамадзянам Беларусі з іміграцыйнымі і турыстычнымі візамі2
Каментары