Свет

Прынцэса Кэтрын упершыню пасля заканчэння курса хіміятэрапіі з’явілася на публіцы

Прынцэса Уэльская разам з мужам зрабілі нечаканы візіт у Саўтпорт, дзе яны прыватна сустрэліся з сем’ямі трох дзяцей, якія трагічна загінулі ў ліпені гэтага года ў выніку нападу зламысніка, піша Бі-бі-сі.

Фота: Danny Lawson, Pool Photo via AP

Гэта было першае з’яўленне Кэтрын на публіцы пасля заканчэння курса хіміятэрапіі. Паводле крыніц, блізкіх да каралеўскай сям’і, яна вырашыла далучыцца да прынца Уільяма, каб «прадэманстраваць мясцовай супольнасці сваю падтрымку, спачуванне і спагаду».

Каралеўскі візіт у гэты прыморскі горад на паўночным захадзе краіны асабліва не афішаваўся, каб забяспечыць магчымасць у прыватнай абстаноўцы сустрэцца з бацькамі трагічна загінулых дзяцей і настаўніцай танцаў, якая таксама стала сведкай нападу. Прысутнасць Кэтрын стала прыемнай нечаканасцю для ўсіх.

Пасля заканчэння лячэбнага курса жонка прынца Уільяма паступова вяртаецца да выканання сваіх каралеўскіх абавязкаў, і візіт у Саўтпорт стаў важным крокам у гэтым кірунку. Кэтрын казала пра тое, што ў яе бываюць «добрыя і дрэнныя дні», і Кенсінгтонскі палац папярэдзіў, што расклад яе з’яўленняў на публіцы можа змяняцца ў апошні момант.

Мэтай візіту прынца і прынцэсы было прадэманстраваць жыхарам мясцовай супольнасці, што пра іх не забываюць у цяжкі момант. Каралеўская пара паўтары гадзіны правяла з сем’ямі трох загінулых дзяўчынак ва ўзросце ад 6 да 9 гадоў і сустрэлася з работнікамі службаў выратавання.

Трагедыя адбылася ў ліпені, калі 17-гадовы Аксель Рудакубана з нажом напаў на ўдзельнікаў урока танцаў у танцавальным клубе Hart Space. Дзве дзяўчынкі загінулі на месцы, 11 чалавек, у тым ліку 8 дзяцей, атрымалі раненні, і пазней у шпіталі памерла яшчэ адна дзяўчынка.

Аксель, сын імігрантаў з Руанды, які нарадзіўся ўжо ў Уэльсе і мае брытанскае грамадзянства, быў затрыманы на месцы злачынства. Яму былі прад’яўленыя абвінавачанні ў забойстве і замаху на забойства.

Каментары

Цяпер чытаюць

Нам трэба лідар-атаман? Гісторык Цімох Акудовіч — пра стратэгію выжывання беларусаў і што рабіць з Расіяй

Нам трэба лідар-атаман? Гісторык Цімох Акудовіч — пра стратэгію выжывання беларусаў і што рабіць з Расіяй

Усе навіны →
Усе навіны

Засоўванне ў сметнікі палітыкаў і акцыя «Рускія ідуць дамоў». Чым вядомы Дзям'ян Ганул, якога сёння забілі ў Адэсе?12

На дарогі Беларусі выйшлі натоўпы шэрых жабаў. Што робіцца?3

Вокамгненная рэакцыя пешахода выратавала яго ад наезду1

Лукашэнка заявіў пра намер будаваць другую АЭС на мяжы з Расіяй16

Памочнік Пуціна Мядзінскі хоча паставіць у Беларусі помнік Паскевічу — душыцелю паўстання 1830—31 гадоў23

«Змагу вярнуць даўгі». Колькі цюльпанаў прадаў бізнэсовец са згарэлай цяпліцы?

Пасярод Адэсы расстралялі экс-кіраўніка сілавога блоку Правага сектара

Улад Бумага банкрутуе свой бізнэс у Расіі

На плошчы Перамогі прапануюць арэндную кватэру за 163 рублі1

больш чытаных навін
больш лайканых навін

Нам трэба лідар-атаман? Гісторык Цімох Акудовіч — пра стратэгію выжывання беларусаў і што рабіць з Расіяй

Нам трэба лідар-атаман? Гісторык Цімох Акудовіч — пра стратэгію выжывання беларусаў і што рабіць з Расіяй

Галоўнае
Усе навіны →

Заўвага:

 

 

 

 

Закрыць Паведаміць